Падонкі
| Падонкі | |
| трансьліт. Padonki, Znamienka | |
| Краіна: | Беларусь |
| Вобласьць: | Менская |
| Раён: | Лагойскі |
| Сельсавет: | Лагойскі |
| Вышыня: | 227 м н. у. м. |
| Насельніцтва: | 85 чал. (2010) |
| Часавы пас: | UTC+3 |
| Тэлефонны код: | +375 1774 |
| Паштовы індэкс: | 223112 |
| СААТА: | 6232846030 |
| Нумарны знак: | 5 |
| Геаграфічныя каардынаты: | 54°8′55.00″ пн. ш. 27°55′27.01″ у. д. / 54.1486111° пн. ш. 27.9241694° у. д.Каардынаты: 54°8′55.00″ пн. ш. 27°55′27.01″ у. д. / 54.1486111° пн. ш. 27.9241694° у. д. |
Падонкі на мапе Беларусі ±   Падонкі | |
Падо́нкі[1] (з 1969 году — Зна́менка[1]) — вёска ў Лагойскім раёне Менскай вобласьці. Падонкі ўваходзяць у склад Лагойскага сельсавету. Месьціцца за 10 км на паўднёвы ўсход ад Лагойску, 29 км ад Менску, 22 км ад чыгуначнае станцыі Смалявічы на лініі Менск — Ворша.
Гісторыя
[рэдагаваць | рэдагаваць крыніцу]У канцы XVIII ст. в. Поданкі, уласнасьць Антонія Тызэнгаўза ў Менскіх павеце й ваяводзтве Вялікага Княства Літоўскага. Пасьля другога падзелу Рэчы Паспалітае (1793) у складзе Расейскае імпэрыі[2].
У 1800 г. 13 двароў, 86 жыхароў, ва ўладаньні Тышкевіча. Подле рэвізіі 1811 г. 44 душы мужчынскага полу, уласнасьць У. Тышкевіча. З 1866 г. вёска адносілася да праваслаўнага прыходу Міхайлаўскае царквы. У 1870 г. 44 рэвіскія душы мужчынскага полу, у Лагойскай воласьці Барысаўскага павету Менскае губэрні. У 1872 г. на могілках пабудаваная Аляксандра-Неўская царква. У 1888 г. адкрытая школа граматы. У 1890 г. у ёй вучыліся 14 хлопчыкаў. У 1897 г. 29 двароў, 221 жыхар, царква на могілках[2].
У пачатку XX ст. вёска ў Загаранскай сельскай грамадзе, у якую ў 1905 г. уваходзілі 12 гаспадарак в. Поданкі, што мелі 256,5 дзесяцінаў зямлі. У 1909 г. 28 двароў, 210 жыхароў. У 1917 г. 44 двары, 268 жыхароў[2].
Зь лютага па сьнежань 1918 году акупаваная войскамі Нямецкае Імпэрыі, з жніўня 1919 па ліпень 1920 году — войскамі Польшчы. У 1919 годзе ў БССР[2].
20 жніўня 1924 г. вёска, цэнтар Падонкаўскага сельсавету Лагойскага раёну Менскае акругі (да 26 ліпеня 1930 г.). У 1930 г. быў арганізаваны калгас «Чырвоныя Падонкі», працавала кузьня. З 20 лютага 1938 г. у Менскай вобласьці[2].
У Другую сусьветную вайну, з пачатку ліпеня 1941 г. да пачатку ліпеня 1944 году акупаваная войскамі нацысцкае Нямеччыны, якія спалілі 20 двароў, забітыя 29 жыхароў, 12 вывезеныя ў Нямеччыну. 35 вяскоўцаў загінулі на фронце, 15 — у партызанскай барацьбе[2].
30 студзеня 1969 году перайменаваная ў Знаменку, 101 двор, 327 жыхароў. З гэтага часу вёска ўваходзіла ў склад і зьяўлялася цэнтрам Знаменскага сельсавету[2]. 17 сьнежня 2009 году перададзеная зь ліквідаванага Знаменскага ў склад Лагойскага сельсавету[3].
Насельніцтва
[рэдагаваць | рэдагаваць крыніцу]- 2010 год — 85 чалавек
- 1999 год — 133 чалавекі
Інфраструктура
[рэдагаваць | рэдагаваць крыніцу]Раней функцыянавала школа-васьмігодка, бібліятэка, сельклюб. Калгас перамешчаны за 5 км у Гасьцілавічы. Бібліятэку закрылі ў 2007 годзе, ёсьць крама.
Інфармацыя для турыстаў
[рэдагаваць | рэдагаваць крыніцу]Страчаная спадчына
[рэдагаваць | рэдагаваць крыніцу]- Царква могілкавая
Крыніцы
[рэдагаваць | рэдагаваць крыніцу]- ^ а б Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (djvu) С. 250—251
- ^ а б в г д е ё Гарады і вёскі Беларусі: энцыклапедыя. Т. 8. Мінская вобласць. Кн. 3 / рэдкал.: Т.У. Бялова (дырэктар) [і інш.]. — Менск: БелЭн, 2012. — 624 с.: іл. ISBN 978-985-11-0636-9. С. 63
- ^ «Об изменении административно-территориального устройства Минской области». Решение Минского областного Совета депутатов от 30 октября 2009 г. № 219 (рас.)
Вонкавыя спасылкі
[рэдагаваць | рэдагаваць крыніцу]- Падонкі (Знаменка) на Radzima.org
- Прагноз надвор’я ў в. Знаменка(недаступная спасылка)
- «100 дарог»: Народжаныя ў Падонках (рас.) // ET CETERA, Кастусь Лашкевіч
- Падонкі на Лагойскім Віртуальным музеі