Панізоўе (Менская вобласьць)

Гэтая назва мае некалькі сэнсаў. Калі вас цікавяць іншыя сэнсы, глядзіце Панізоўе.

Панізоўе, трансьліт. Panizoŭje
Населены пункт
Краіна	Беларусь
Вобласьць	Менская
Раён	Лагойскі
Сельсавет	Лагойскі
Часавы пас	UTC+3
Каардынаты	54°12′31″ пн. ш. 27°56′47″ у. д.
Насельніцтва
Колькасьць	46 чал. (2010)
Лічбавыя ідэнтыфікатары
Тэлефонны код	+375 1774
Паштовы індэкс	223111
Нумарны знак	5
Панізоўе на мапе Беларусі ± Панізоўе Панізоўе

Панізо́ўе — вёска ў Лагойскім раёне Менскай вобласьці, на рацэ Гайна, за 8 км на ўсход ад Лагойску. Панізоўе ўваходзіць у склад Лагойскага сельсавету.

Гісторыя

У 18 стагодзьдзі вёска ў складзе фальварку Заазер’е, уласнасьць віленскага капітула, у 2-й палове ўладаньне Тызэнгаўзаў і Тышкевічаў. Паводле рэвізіі 1795 г. 16 двароў, 126 жыхароў. У 1811 г. вёска, 87 рэвіскіх душ мужчынскага полу, уласнасьць графа П. Тышкевіча. У 1813 г. на могілках пабудавана драўляная Сьвята-Міхайлаўская царква. У 1833 г. у складзе маёнтку Лагойск. З 1866 г. вёска адносілася да Лагойскага праваслаўнага прыходу Сьвята-Мікалаеўскай царквы.

Насельніцтва

• 2010 год — 46 чалавек
• 2003 год — 87 чалавек, 37 двароў
• 1999 год — 83 чалавекі

Інфармацыя для турыстаў

Страчаная спадчына

• Сьвята-Міхайлаўская царква. Пабудавана ў 1813 г. Царква — помнік народнага драўлянага дойлідзтва. Знаходзілася на могілках. Была вырашана прамавугольным у пляне зрубам (12,5 × 10,5 × 5,5 сажня). Над яго 2-схільным дахам узвышалася 4-слуповая званічка, 2 бакавыя акны асьвятлялі малітоўную залю. Была прыпісана да Сьвята-Мікалаеўская царквы ў Лагойску.

• Адрына. Пабудавана з дрэва ў 1912 г.

Выхадцы

• Уладзімер Рудак — партызан-разьведчык, удзельнік апэрацыі па ліквідацыі В. Кубэ.

Вонкавыя спасылкі

• Панізоўе на Radzima.org