Мурыны Вялікія
| Мурыны Вялікія, трансьліт. Muryny Vialikija | |
| Населены пункт | |
| Краіна | Беларусь |
|---|---|
| Вобласьць | Берасьцейская |
| Раён | Камянецкі |
| Сельсавет | Відамлянскі |
| Першыя згадкі | 19 стагодзьдзе |
| Часавы пас | |
| Каардынаты | 52°23′07″ пн. ш. 23°47′58″ у. д.HGЯO |
| Насельніцтва | |
| Колькасьць | 99 чал. (2010) |
| Лічбавыя ідэнтыфікатары | |
| Тэлефонны код | +375 1631 |
| Паштовы індэкс | 225051[1] |
| Нумарны знак | 1 |
| Мурыны Вялікія на мапе Беларусі ±   Мурыны Вялікія | |
Мурыны́ Вялі́кія[2] — вёска ў Камянецкім раёне Берасьцейскай вобласьці, за 700 м на ўсход ад аўтадарогі Берасьце — Каменюкі (Р83), за 100 м на ўсход ад левага берагу ракі Лясная, за 3 км на паўднёвы захад ад Камянцу, за 33 км на поўнач ад Берасьця, за 33 км на паўночны захад ад чыгуначнай станцыі Жабінка на лініі Берасьце — Баранавічы. Уваходзіць у Відамлянскі сельсавет.
Гісторыя
[рэдагаваць | рэдагаваць код]- пачатак XIX ст.: вёска Мурыны і аднайменны маёнтак у Берасьцейскім павеце Гарадзенскай губэрні Расейскай імпэрыі.
- 1833: паводле 8-й рэвізіі ў вёсцы 25 двароў, 186 сялянскіх душ.
- 1846: паводле інвэнтару ўласнасьць памешчыка Станіслава Букрабы, зямельныя ўгодзьдзі маёнтку займалі 645 дзесяцінаў.
- 1860-я: у Камянец-Літоўскай воласьці тых жа павету і губэрні.
- 1897: паводле перапісу ў вёсцы 37 двароў, 254 жыхары, хлебазапасная крама.
- 1921: у складзе Камянец-Літоўскай гміны Берасьцейскага павету Палескага ваяводзтва міжваеннай Польшчы.
- 1923: 20 двароў, 119 жыхароў.
- 1939: у складзе Берасьцейскай вобласьці БССР.
- 1940: вёска Мурыны Вялікія ў Відамлянскім сельсавеце Камянецкага раёну Берасьцейскай вобласьці, 47 двароў, 266 жыхароў.
- 1942: у траўні — чэрвені ва ўрочышчы Равец побач зь вёскай нямецка-фашысцкія захопнікі расстралялі 140 мірных габрэяў.
- 1948: у пачатковай школе 68 вучняў.
- 1949: арганізаваны калгас «30 год БССР».
- 1960: 214 жыхароў.
- 1964: у Камянецкім сельсавеце.
- 1970: 201 жыхар.
- 1986: у Відамлянскім сельсавеце.
Насельніцтва
[рэдагаваць | рэдагаваць код]- 2010 год — 99 жыхароў
- 2005 год — 87 жыхароў, 47 двароў[3]
- 1999 год — 86 жыхароў
Інфраструктура
[рэдагаваць | рэдагаваць код]У складзе ААТ «Відамлянскае».
Крыніцы
[рэдагаваць | рэдагаваць код]- ↑ Белпошта
- ↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Менск: Тэхналогія, 2010. — 319 с. ISBN 978-985-458-198-9. (pdf, djvu, online) С. 163
- ↑ Гарады і вёскі Беларусі. Энцыкл. Т. 4. Кн. 2. — Менск, 2007. С. 65
Літаратура
[рэдагаваць | рэдагаваць код]- Гарады і вёскі Беларусі: Энцыклапедыя. Т. 4, кн. 2. Брэсцкая вобласць / рэдкал.: Г.П. Пашкоў (дырэктар) [і інш.]. — Менск: БелЭн, 2007. — 608 с.: іл. ISBN 978-985-11-0388-7. С. 65.