Мокрыца

Мокрыца
Вобласьць:	Менская
Раён:	Мядзельскі
Сельсавет:	Занарачанскі
Насельніцтва:	74 (2007)
Тэлефонны код:	+375 1797
Паштовы індэкс:	222382

Мокрыца — вёска ў Мядзельскім раёне Менскай вобласьці. Уваходзіць у склад Занарачанскага сельсавету.

Гісторыя

• 1766 год — на месцы вёскі знаходзілася сяло маёнтка Мокрыца Ашмянскага павета Віленскага ваяводзтва.
• 1868 год — зьяўлялася маёнткам і вёскай Сьвянцянскага павета Віленскай губэрні, налічвала 191 жыхара.
• У 1885 годзе ў маёнтку працавала вінакурня.
• 1904 год — вёска і маёнтак знаходзілася ў складзе Занарачанскай воласьці Сьвянцянскага павета. У вёсцы пражывалі 243 жыхары, разьмяшчалася царкоўнапрыходзкая школа, дзе ў 1896/97 навучальным годзе навучаліся 11 хлопчыкаў. У маёнтку пражывалі 27 жыхароў.
• 1908 год — вёска налічвае 45 двароў, насельніцтва складае 201 жыхара.
• З 18 па 28 сакавіка 1916 году падчас Першай сусьветнай вайны ў раёне вёскі праходзілі баі Нарачанскай апэрацыі.
• 12 кастрычніка 1940 году вёска ўвайшла ў склад Занарачанскага сельсавету Мядзельскага раёну Вялейскай вобласьці (з 20 верасьня 1944 году — Маладэчанскай). У 1940 вёска налічвала 52 двары і 217 жыхароў.
• У верасьні 1943 году падчас Вялікай Айчыннай вайны нямецка-фашысцкія захопнікі цалкам спалілі вёску (52 двары) і забілі 3 жыхароў. Пасьля вайны вёска была адноўленая.
• 1948 год — створаны калгас «Герой».
• 20 студзеня 1960 году вёска ўвайшла ў склад Менскай вобласьці.
• У 1960 годзе насельніцтва вёскі складала 200 жыхароў.
• З 1973 году вёска знаходзіцца ў складзе калгасу «Шлях да камунізму» з цэнтрам у вёсцы Занарач.
• Па стане на 1 студзеня 1997 году вёска налічвала 45 двароў і 94 жыхароў.

На 30 лістапада 2007 году вёска налічвала 74 жыхароў.

Інфраструктура

У вёсцы разьмяшчаюцца крама і жывёлагадоўчая фэрма.

Літаратура

• Памяць: Гіст.-дакум. хроніка Мядзельскага р-на. — Мн.: БелЭн, 1998. — 635, [3] с. ISBN 985-11-0107-9.