Мазырскае Палесьсе

Зьвесткі зь Вікіпэдыі — вольнай энцыкляпэдыі
Прыпяць у Мазыры
Прыпяць у Мазыры

Мазы́рскае Пале́сьсе — фізыка-геаграфічная акруга Беларускага Палесься.

Уяўляе сабой раўніну, узьнятую над Прыпяцкім і Гомельскім Палесьсем на 15—20 м. Межамі яго зьяўляюцца рэкі Прыпяць, Убарць, а таксама адгор’і Оўруцкага камлюка. Тут знаходзіцца Мазырская града, якая мае вышыні, найвялікшыя ня толькі для Мазырскага, але і для ўсёй тэрыторыі Палесься. Найвышэйшы пункт(d) — 208 м, што на 94 м вышэй зрэзу Прыпяці.

Сучасны рэльеф утварыўся пераважна ў эпоху дняпроўскага абледзяненьня(d). Ледавік рухаўся з поўдня Швэцыі, Балтыйскага мора, Фінляндыі і дасягнуў межаў Рэчыцы, Мазыру, Маларыты. Найбольш актыўным ледавік быў у раёне Мазыра, дзе ўтварыўся рэльеф Мазырскай грады.