Мазырская града

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Мазырская градаграда, разьмешчаная ў Мазырскім раёне Гомельскай вобласьці Беларусі, на правабярэжжы ракі Прыпяць.

Расьцягнулася з паўночнага захаду на паўднёвы ўсход амаль на 33 км, шырыня ад 3 да 10 км. Вышыня над узроўнем мора 160—200 м, максымальная 221 м.

Града мае выгляд слабавыгністых ў паўднёва-заходнім кірунку палосаў, складзеных зь невялікіх градаў і ўзгоркаў. Паўночныя і ўсходнія схілы, зьвернутыя да Прыпяці, стромкія, абрывістыя, вышыня іх над зрэзам вады да 50—70 м, заходнія і паўднёва-заходнія — спадзістыя, паступова зьліваюцца з прылеглай водна-ледавіковай раўнінай. Града моцна падзеленая (да 20—30 прамыінаў і яраў на 1 км²). Каля Мазыру яры глыбінёй 40—60 м. На схілах разьвітыя невялікія тэрмакарставыя і суфазіёныя западзіны.

Лясістасьць каля 36 %. Пераважаюць хваёвыя лясы і дубровы. На тэрасаваных схілах праводзяцца лесапасадкі. Пад ральлёй каля 22 % тэрыторыі. Ляндшафтавы заказьнік дзяржаўнага значэньня Мазырскія яры.

Літаратура[рэдагаваць | рэдагаваць крыніцу]

  • Мозырская гряда // Туристская энциклопедия Беларуси / редкол. Г. П. Пашков [и др.]; под общ. ред. И. И. Пирожника. — Мн., 2007. — 648 с. ISBN 978-985-11-0384-9.