Жыцьцё іншых

	Жыцьцё іншых
	Das Leben der Anderen
Жанр	драматычны фільм[…], трылер[d] і палітычны трымценьнік[d]
Рэжысэр	Флёрыян Гэнкель фон Донэрсмарк
Сцэнарыст	Флёрыян Гэнкель фон Донэрсмарк
Прадусар	Макс Відэман; Квірын Бэрг; Дырк Гам
У ролях	Ульрых Мюэ; Сэбастыян Кох; Мартына Гедэк; Ульрых Тукур; Томас Тымэ
Кампазытар	Габрыэль Ярэд; Стэфан Муша
Апэратар	Гагэн Багданскі
Мантаж	Патрысія Ромэль[d]
Вытворчасьць	Arte; Bayerischer Rundfunk
Распаўсюд	Walt Disney Studios Motion Pictures[d]
Дата выхаду	26 сакавіка 2006
Працягласьць	137 хвілін
Краіна	Нямеччына
Мова	нямецкая
Бюджэт	2 млн $
Прыбытак	77 356 942 $
	Старонка на IMDb
	Афіцыйны сайт

«Жыцьцё іншых» (па-нямецку: Das Leben der Anderen, па-ангельску: The Lives of Others) — нямецкі драматычны трылер 2006 году, дэбют сцэнарыста і кінарэжысэра Флёрыяна Гэнкеля фон Донэрсмарка. Фільм паказвае жыцьцё ў НДР. Адмысловая служба Штазі жорстка кантралюе жыцьцё грамадзян і асабліва культурных дзеячоў.

У Нямеччыне фільм выйшаў у пракат 26 сакавіка 2006 году. У гэты самы час кінасцэнар фільму быў надрукаваны нямецкім выдавецкім домам «Suhrkamp Verlag». У ЗША прэм’ера адбылася 3 верасьня 2006 году на Міжнародным кінафэстывалі ў Тэлурыдзе, а пракат пачаўся 12 лістапада.

Фільм зьяўляецца ляўрэатам прэміі «Оскар» 2007 году ў намінацыі «Найлепшы фільм на замежнай мове». Раней, у Нямеччыне, фільм атрымаў сем прэміяў «Deutscher Filmpreis», сярод іх: «найлепшы фільм», «найлепшы рэжысэр», «найлепшы сцэнар», «найлепшы актор» і «найлепшы актор другога пляну»; заяўляўся ў 11 намінацыях, тым самым усталяваў новы рэкорд па колькасьці намінацыяў за адзін год на вышэйшую нямецкую кінапрэмію. Таксама стужка прымала ўдзел у намінацыі «найлепшы фільм на замежнай мове» на 64-ю прэмію «Залаты Глёбус». У сьвеце касавыя зборы стужкі складаюць больш за 77 млн даляраў^[4] пры бюджэце ў 2 млн даляраў^[5].

Сюжэт

Усходні Бэрлін. 1984 год. Адмысловая служба Штазі жорстка кантралюе жыцьцё грамадзян. Фанатычнаму агенту капітану Герду Візьлеру прапануюць сачыць за драматургам Драйманам і ягонай сяброўкай. Апэрацыя праходзіць пад пільным кантролем найвышэйшых палітычных колаў. Выкананьне заданьня абяцае кар’ерны ўзьлёт.

Але заглыбіўшыся ў чужое жыцьцё, Візьлер зьмяняецца сам. Шэры шпунцік сыстэмы сам становіцца чалавекам. Але рэпрэсіўную машыну ўжо не спыніць…

Ролі

Ульрых Мюэ — капітан Герд Візьлер
Сэбастыян Кох — Георг Драйман
Мартына Гедэк — Крыста-Марыя Зіланд
Ульрых Тукур — падпалкоўнік Антон Грубіц
Томас Тымэ — міністар Бруна Гэмпф

Узнагароды

7 прызоў Нямецкай кінаакадэміі, у тым ліку за найлепшую мужчынскую ролю, найлепшы фільм, найлепшы сцэнар;
«Оскар» за найлепшы замежны фільм;
3 прызы Эўрапейскай кінаакадэміі за найлпешы сцэнар, найлепшы фільм, найлепшую мужчынскую ролю — усяго 42 узнагароды і 10 намінацыяў^[6]

Крыніцы

^ http://www.nytimes.com/2008/01/25/movies/25mont.html
^ http://www.nytimes.com/2007/02/09/movies/09live.html
^ http://www.filmaffinity.com/es/film381846.html
^ ^а ^б ^в The Lives of Others (2007). Box Office Mojo. Праверана 2007-10-25 г. Архіўная копія ад 2012-02-26 г.
^ Behind the Berlin Wall, Listening to Life, New York Times, 7.01.2007
^ Жыцьцё іншых, Наша Ніва, 18-8-2007

[_e3d7c29abc156f75-1] ttp://www.nytimes.com/2008/01/25/movies/25mont.html

[_819de436ef37b481-2] ttp://www.nytimes.com/2007/02/09/movies/09live.html

[_2db2b8002dcdbcdd-3] ttp://www.filmaffinity.com/es/film381846.html

[mojo-4] а ^б ^в The Lives of Others (2007). Box Office Mojo. Праверана 2007-10-25 г. Архіўная копія ад 2012-02-26 г.

[arnyt-5] Behind the Berlin Wall, Listening to Life, New York Times, 7.01.2007

[6] Жыцьцё іншых, Наша Ніва, 18-8-2007

[1]

[2]

[3]

[4]

[5]

[6]