Перайсьці да зьместу

Ліман (горад)

Зьвесткі зь Вікіпэдыі — вольнай энцыкляпэдыі
(Перанакіравана з «Красны Ліман»)
Ліман
укр. Лиман
Населены пункт
Сьцяг Герб
Краіна Украіна
Вобласьць Данецкая
Раён Ліманская меская рада
Дата заснаваньня 1667
Горад з 1938
Геаграфія
Плошча 18,2 км²
Вышыня НУМ 107 м
Часавы пас
Каардынаты 48°59′07″ пн. ш. 37°48′40″ з. д.HGЯO
Насельніцтва
Колькасьць ▼ 23 307 чал. (2011)
Лічбавыя ідэнтыфікатары
Тэлефонны код +380 6261
Паштовыя індэксы 84400–84409
КОАТУУ 1413300000
Сайт Ліманская мескрада
Ліман на мапе Ўкраіны
Ліман
Ліман
Ліман

Ліма́н (па-ўкраінску: Лиман), у 1925—2016 гадах — Красны Ліман) — места абласнога значэньня ў Данецкай вобласьці Ўкраіны, цэнтар Ліманскага раёну. Разьмешчанае за 136 кілямэтраў ад Данецку. Тэрыторыя — 20 км². Насельніцтва — ↘️3,6 тыс. мяшканцаў (2025).

Мінуўшчына

[рэдагаваць | рэдагаваць код]

Заснаванае ў 1667 року казакамі Ізюмскага полку як паселішча пры вартавых вежах паблізу Торскай фартэцыі (цяпер места Славянск). У 1825 Ліман быў ператвораны ў вайсковае паселішча, з 1857 жыхароў перавялі ў разрад дзяржаўных сялянаў. У 1911 побач зь местам была пракладзена чыгуначная каляя ды збудаваная станцыя. У 1925 паселішча перайменаванае на Красны Ліман, у 1938 прысвоены статус места.

Паводле зьвестак на 1864 рок ва ўласьніцкай слабадзе Ліман Ізюмскага павету Харкаўскай губэрні жылі 2622 асобы (1470 мужчынскай стаці і 1152 — жаночай), налічвалася 512 дваровых гаспадарак, існавала праваслаўная царква, адбываліся 2 штогадовыя кірмашы[1].

У 1885 у колішняй дзяржаўнай слабадзе Папоўскай воласьці мешкалі 3503 асобы, налічвалася 587 дваровых гаспадарак, існавалі праваслаўная царква, школа, 2 пастаялыя двары, 2 крамы, адбываліся 2 кірмашы на рок[2].

1 кастрычніка 2022 году Ўзброеныя сілы Ўкраіны вызвалілі Ліман пасьля 4-месячнай расейскай акупацыі[3].

Прамысловасьць

[рэдагаваць | рэдагаваць код]

Большасьць працаздольнага насельніцтва занятая на чыгунцы і ў аграпрамысловым комплексе.

Станцыя Красны Ліман, лякаматыўнае ды вагоннае дэпо, дыстанцыя каляі, сыгналізаціі, сувязі і вылічальнай тэхнікі, грамадзкія пабудовы, дарожныя электрамэханічныя майстэрні, чыгуначная машынная станцыя № 10, рэйказварны цягнік № 6, будаўніча-мантажны цягнік № 181 — галоўныя чыгуначныя прадпрыемствы, складальнікі Ліманскага чыгуначнага вузла. Рэйказварны цягнік № 6 зьдзяйсьняе зварныя апэрацыі ды апэрацыі па апрацоўцы каляі.

Другое месца па значнасьці займае аграпрамысловы комплекс. Агулам у раёне налічваецца 74 фэрмэрскія гаспадаркі, 15 сельскагаспадарчых прадпрыемстваў. У раёну закупляюць сланечнікавы алей і сам сланечнік прадпрыемствы Данецкай і Харкаўскай абласьцей. Асноўныя паказьнікі дзейнасьці прадпрыемстваў АПК: агульная плошча сельскагаспадарчых угодзьдзяў — 69,1 тыс. га, у тым ліку ніваў — 51,3 тыс. га; штогадовыя плошчы пасеву зернавых — 19,0 тыс. га, сланечніка — 6,1 тыс. га.

Ураджэнцы і жыхары

[рэдагаваць | рэдагаваць код]

Крыніцы

[рэдагаваць | рэдагаваць код]
  1. ↑ Харьковская губернія. Списокъ населенныхъ мѣстъ по свѣдѣніямъ 1864 года, томъ XLVI. Изданъ Центральнымъ статистическимъ комитетомъ Министерства Внутренних Дѣлъ. СанктПетербургъ. 1869 — XCVI + 209 с.
  2. ↑ Волости и важнѣйшія селенія Европейской Россіи. По данным обслѣдованія, произведеннаго статистическими учрежденіями Министерства Внутренних Дѣл, по порученію Статистическаго Совѣта. Изданіе Центральнаго Статистическаго Комитета. Выпускъ III. Губерніи Малороссійскія и Юго-Западныя. СанктПетербургъ. 1885. — V + 349 с.
  3. ↑ Узброеныя сілы Ўкраіны ўвайшлі ў Ліман // Беларуская служба Радыё «Свабода», 1 кастрычніка 2022 г. Праверана 3 кастрычніка 2022 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Ліман_(горад)&oldid=2625785»