Дынама Масква (футбольны клюб)

Зьвесткі зь Вікіпэдыі — вольнай энцыкляпэдыі
(Перанакіравана з «Дынама Масква»)
Перайсьці да навігацыі Перайсьці да пошуку
Дынама Масква
Dynamo Moscow.svg
Заснаваны 18 красавіка 1923
Горад Масква, Расея
Стадыён Арэна Хімкі, Хімкі
Умяшчальнасьць: 18 636
Кіраўнік Дынама[d]
Галоўны трэнэр Кірыл Новікаў
Чэмпіянат Прэм’ер-ліга
 · 2018—2019 12 месца
Хатнія колеры
Выязныя колеры
Афіцыйны сайт

«Дына́ма» (па-расейску: Динамо) — расейскі футбольны клюб з гораду Масква. Заснаваны ў 1923 годзе. Уладальнік Кубка Расеі (1995). 11-разовы чэмпіён СССР, шасьціразовы ўладальнік Кубка СССР. Адзін з двух клюбаў, разам з кіеўскім «Дынама», які прыняў удзел ва ўсіх розыгрышах чэмпіянату СССР.

Гісторыя[рэдагаваць | рэдагаваць крыніцу]

Савецкі пэрыяд[рэдагаваць | рэдагаваць крыніцу]

Фёдар Чулкоў

18 красавіка 1923 году на ўстаноўчым сходзе паводле ініцыятывы Фэлікса Дзяржынскага было створана першае ў Савецкім Саюзе ведамаснае спартовае таварыства «Дынама»[1]. У кнізе Ўладзімера Верхалашына «Дынамаўцы» апісана, як першым энтузіястам стварэньня пралетарскага спартовага таварыства «Дынама» — працоўным штабу войскаў ДПУ Паўлу Ўральцу, Міхаілу Лаўрэнцьеву, Дзьмітрыю Іванову, Кірылу Кузьміну й начальніку палітаддзела войскаў ДПУ Леаніду Нядолю-Ганчарэнку прыйшла ў лютым ідэя стварэньня спартовага таварыства чэкістаў, і як была абрана назва таварыства[2].

Футбол быў адным зь любімых відаў спорту чэкістаў. У пачатку 1920-х гадоў у частках ДПУ й сярод супрацоўнікаў гэтага ведамства былі створаны футбольныя калектывы, якія сабралі многіх здольных гульцоў і якія ўдзельнічалі ў першынствах сярод частак і злучэньняў. Савет зноў створанага Маскоўскага пралетарскага спартовага таварыства «Дынама» й ягоны вучэбна-спартовы аддзел паставілі пытаньне аб стварэньні новай, «інструктарскай», паказальнай каманды, якая павінна была стаць на адзін узровень з наймацнейшымі маскоўскімі камандамі таго часу. Яна павінна была служыць узорам для астатніх камандаў ведамства, шукаць свой асаблівы стыль і манеру, перадаваць іх іншым дынамаўскім камандам ў нізавых арганізацыях.

Трэба было знайсьці энэргічнага чалавека, які добра ведае футбол, які здолеў бы запрасіць у шэрагі новай каманды адораных футбалістаў і зьяднаць іх. Выбар упаў на Фёдара Чулкова, які служыў у тыя гады ў войсках ДПУ. Уладзімер Кузьмін, загадчык вучэбнай часткай грамадзтва, даведаўся, што Фёдар да прызыву ў войска гуляў за КФС брамнікам і добра ведае шматлікіх футбалістаў Масквы, і пасьля размовы зь ім вырашыў даручыць яму працэс фармаваньня каманды. Чулкоў быў выкліканы для грунтоўнай размовы на Савет. Кандыдатура Чулкова як чалавека, якому даручалася фармаваньне каманды, не выклікала пярэчаньняў. Такім чынам, у пачатку красавіку 1923 году перад Чулковым была пастаўлена задача на працягу месяца сфармаваць каманду, якая магла б супернічаць з тагачаснымі лепшымі камандамі сталіцы. Астатнія тры каманды, якія патрабавалі для дэбюту ў групе наймацнейшых, было вырашана сфармаваць зь лепшых футбалістаў воінскіх частак і цэнтральнага апарату ведамства.

Чулкоў, адкінуўшы такія варыянты, як фармаваньне каманды з маладых камсамольцаў, якія служылі ў ДПУ, і спробы запрашэньня вядомых футбалістаў зь вядучых камандаў, вырашыў запрасіць у «Дынама» былых партнэраў па КФС, кар’ера большасьці зь якіх падыходзіла да канца й якія валодалі вопытам і майстэрствам. Ён разьлічваў, што ў іх будзе вучыцца моладзь. У клюб былі запрошаны Васіль Жытароў (экс-гулец зборнай Расейскай імпэрыі, удзельнік Алімпіяды 1912 году; быў абраны капітанам каманды), Міхаіл Дзянісаў, Мікалай Троіцкі й іншыя. Аднак у каманды не было свайго стадыёну, на якім можна было б праводзіць паўнавартасную вучэбна-трэніровачную работу. Былі праблемы й са спартовым рыштункам — таварыства не магло забясьпечыць каманды бутцамі й формай. На першыя матчы дынамаўцы выходзілі ў форме КФС — белыя футболкі з чорным каўнерыкам і чорныя трусы.

Склад[рэдагаваць | рэдагаваць крыніцу]

Актуальны на 6 красавіка 2020 году
Пазыцыя Імя Год нараджэньня
1 Сьцяг Расеі Бр Антон Шунін (капітан) 1987
2 Сьцяг Расеі Аб Рыгор Марозаў 1994
3 Сьцяг Расеі Аб Заўрбек Пліеў 1991
4 Сьцяг Расеі Аб Уладзімер Рыкаў 1987
5 Сьцяг Нямеччыны Нап Максыміліян Філіп 1994
6 Сьцяг Расеі ПА Артур Юсупаў 1989
8 Сьцяг Расеі Нап Кірыл Панчанка 1989
9 Сьцяг Камэруну Нап Клінтан Н’Жые 1993
10 Сьцяг Нігерыі Нап Сылвэстар Ігбун (ар. Уфа) 1990
11 Сьцяг Польшчы Нап Сэбастыян Шыманскі 1999
15 Сьцяг Расеі ПА Раман Нойштэтэр 1988
17 Сьцяг Расеі Аб Сяргей Паршыўлюк 1989
Пазыцыя Імя Год нараджэньня
18 Сьцяг Украіны Аб Іван Ардзец 1992
19 Сьцяг Расеі ПА Уладзімер Масквічоў 2000
21 Сьцяг Расеі Аб Дзьмітры Скопінцаў 1997
22 Сьцяг Расеі Нап Жуазыньню 1988
23 Сьцяг Расеі ПА Антон Сасьнін 1990
24 Сьцяг Расеі Аб Раман Яўгеньеў 1999
27 Сьцяг Расеі Нап Мікалай Камлічэнка 1995
31 Сьцяг Расеі Бр Ігар Ляшчук 1996
34 Сьцяг Расеі Аб Канстанцін Раўш 1990
44 Сьцяг Босьніі і Герцагавіны Аб Тоні Шуніч 1988
77 Сьцяг Буркіна-Фасо ПА Шарль Кабарэ 1988
88 Сьцяг Швэцыі ПА Оскар Гільемарк (ар. Джэноа) 1992

Крыніцы[рэдагаваць | рэдагаваць крыніцу]

  1. ^ Журнал «Великие клубы». «Динамо» № 10 (22) 2007 г., стр. 4
  2. ^ Футбольный клуб Летопись. Официальный сайт «Динамо».

Вонкавыя спасылкі[рэдагаваць | рэдагаваць крыніцу]

Commons-logo.svg Дынама Масква (футбольны клюб)сховішча мультымэдыйных матэрыялаў