Дынама Махачкала
| Дынама | |
 | |
| Поўная назва | АНО «Футбольный клуб „Динамо“» |
|---|---|
| Заснаваны | 1927 |
| Горад | Махачкала, Расея |
| Стадыён | Анжы-Арэна Умяшчальнасьць: 24 173 |
| Галоўны трэнэр | |
| Чэмпіянат | Прэм’ер-ліга |
| · 2024—2025 | 11 месца |
 Галерэя здымкаў у Вікісховішчыdinamo-mx.ru (рас.) | |
«Дына́ма» (па-расейску: Динамо) — расейскі футбольны клюб з гораду Махачкалы. Заснаваны ў 1927 годзе, аднак пазьней клюб быў ліквідаваны. Сучасны клюб быў створаны на грунце клюбу «Махачкала» ў 2001 годзе.
Гісторыя
[рэдагаваць | рэдагаваць код]Спартовае таварыства «Дынама» ў Махачкале было створана ў 1927 годзе. Праз год па стварэньні для таварыства быў пабудаваны стадыён. Доўні час менавіта «Дынама» было лідэрам дагестанскага футболу, толькі пазьней саступіўшы гэтую пазыцыю «Анжы». З 1937 па 1940 гады «Дынама» чатыры разы запар здабывала тытул чэмпіёна Дагестану. У 1946 годзе каманда чарговы раз стала чэмпіёнам рэгіёну, пасьля чаго клюб дэбютаваў у чэмпіянаце СССР у зоне «Паўночны Каўказ». Паводле вынікаў першага сэзоне каманда фінашавала на сёмым месцы пры васьці ўдзельніках, пасьля чаго ажно да 1958 году «Дынама» не брало ўдзел у турнірах узроўню СССР. У 1950-я гады дружына адзначалася некалькі разоў перамогамі ў чэмпіянаце Дагестану.
У 1958 годзе клюб вярнуўся да ўдзелу ў чэмпіянаце СССР, выступаючы пад назовам «Тэмп» у Першай лізе, якая тады мела назву Кляса Б. У 1960 годзе каманда зноў пачала карыстаць назоў «Дынама», выступаючы ў другім і трэцім дывізіёнах савецкага чэмпіянату, што цягнулася ажно да распаду СССР. У 1993 годзе «Дынама» пачало спаборнічаць у Другой лізе чэмпіянату Расеі, але ўжо ў наступным годзе каманда зьнялася з розыгрышу. Пасьля дружына гуляла ў Трэцяй лізе, маючы ў 1996—1997 гадах назву «Дынама-Імамат». У 1998 годзе махачкалінскі клюб зноў спаборнічаў у Другой лізе. Асаблівых посьпехаў камандзе бракавала. У 2007 годзе «Дынама» было пазбаўленае ліцэнзіі, што вымусіла каманду працягваць гуляць толькі на аматарскім узроўні.
29 чэрвеня 2021 году было афіцыйна абвешчана аб адраджэньні «Дынама» на грунце клюбу «Махачкала»[2][3]. Стварэньня адбылося з ініцыятывы кіраўніцтва Дагестану і асабіста часова выконваючага абавязкі кіраўніка рэспублікі Сяргея Мелікава[4][5]. Пры гэтым раней плянавалася, што назву «Дынама» прыдбае іншы махачкалінскі клюб. У першым жа сэзоне па адраджэньні «Дынама» заняло першае месца ў сваёй групе Другога дывізіёну ФНЛ і здабыў месца ў першай лізе[6]. Перад пачаткам сэзону 2023—2024 гадоў дружыну ачоліў Курбан Бердыеў[7]. 20 траўня 2024 году, за тур да сканчэньня першынства Першай лігі, каманда ўпершыню ў сваёй гісторыі прасунулася ў Прэм’ер-лігу[8].
Склад
[рэдагаваць | рэдагаваць код]- Актуальны на 22 лютага 2026 году
|
|
.svg){kind=small}
Крыніцы
[рэдагаваць | рэдагаваць код]- ↑ https://www.transfermarkt.com/fk-makhachkala/mitarbeiterhistorie/verein/75231
- ↑ «„Динамо“ — движение вверх». Дагестанская правда.
- ↑ «В Дагестане презентовали футбольный клуб „Динамо“». ТАСС.
- ↑ «Махачкалинское „Динамо“ возвращается в большой футбол». МК в Дагестане.
- ↑ «Вторая жизнь „Динамо“». Дагестанская правда.
- ↑ «Махачкалинское „Динамо“ обыграло „Анжи“ и вышло в ФНЛ». Матч ТВ.
- ↑ «Бердыев возглавил махачкалинское „Динамо“». Sportbox.ru.
- ↑ «Махачкалинское „Динамо“ и „Химки“ досрочно вышли в Российскую премьер‑лигу». Sportbox.ru.