Дынама Тбілісі
| Дынама Тбілісі | |||||
 | |||||
| Поўная назва | დინამო თბილისი | ||||
|---|---|---|---|---|---|
| Заснаваны | 1925 | ||||
| Горад | Тбілісі, Грузія | ||||
| Стадыён |
Дынама Арэна імя Барыса Пайчадзэ Умяшчальнасьць: 53 279 | ||||
| Галоўны трэнэр | |||||
| Чэмпіянат | Нацыянальная ліга | ||||
| · 2024 | 7 месца | ||||
| |||||
 Галерэя здымкаў у ВікісховішчыАфіцыйны сайт | |||||
«Дынама» (па-грузінску: დინამო) — грузінскі футбольны клюб з гораду Тбілісі. Заснаваны ў 1925 годзе. 19-разовы чэмпіён Грузіі, 13-разовы ўладальнік Кубка Грузіі. Двухразовы чэмпіён СССР, двухразовы ўладальнік Кубка СССР. Уладальнік Кубка кубкаў (1981).
Тбіліскае «Дынама» быў адным з самых вядомых савецкіх клюбаў і адным з галоўных прэтэндэнтаў на перамогу ў чэмпіянаце СССР амаль адразу па сваім стварэньні ў 1936 годзе. Нарэшце, каманда ўваходзіла ў спартовае таварыства Дынама, якое мела шмат філіяў ва ўсім Савецкім Саюзе ня толькі ў футболе і фінансавалася Міністэрствам унутраных справаў краіны. Клюб поруч з маскавіцкімі і кіеўскімі аднаклюбнікамі ніколі не вылятаў з галоўнай лігі СССР. Галоўным дасягненьнем у эўракубках было здабыцьцё Кубка уладальнікаў кубкаў 1981 году, дзе ў фінале грузінская каманда выгуляла ў «Карл Цайса» з НДР зь лікам 2:1. Усю савецкую гісторыю «Дынама» заўсёды мела футбалістаў, якія прыцягваліся да матчаў у складзе зборнай СССР, як то Барыс Пайчадзэ, Аўтандыл Гагабэрыдзэ, Шата Яманідзэ, Слава Мэтрэвэлі, Муртаз Хурцылава, Віталь Дарасэлія ды іншыя. Па здабыцьці незалежнасьці і ўтварэньня ўласнага грузінскага першынства клюб працягнуў выхоўваць добрых гульцоў, як то Тэмуры Кецбая, Каха Каладзэ, Шата Арвэладзэ, Георгі Кінкладзэ і Ляван Кабіяшвілі.