Жыліна (футбольны клюб)

Жыліна
Поўная назва	MŠK Žilina a.s.
Заснаваны	20 чэрвеня 1908
Горад	Жыліна, Славаччына
Стадыён	Пад Дубнам Умяшчальнасьць: 11 200
Галоўны трэнэр	Павал Станя[d]
Чэмпіянат	Першая ліга
· 2025—2026	4 месца
Галерэя здымкаў у Вікісховішчы Афіцыйны сайт

«Жыліна» (па-славацку: Žilina) — славацкі футбольны клюб з гораду Жыліны. Заснаваны ў 1908 годзе. Сяміразовы чэмпіён Славаччыны, двухразовы ўладальнік Кубка Славаччыны (2012, 2026).

Гісторыя

Клюб быў заснаваны ў канцы 1908 году і спачатку меў вугорскую назву. Афіцыйная рэгістрацыя адбылася 20 чэрвеня 1909 году. Да Другой сусьветнай вайны клюб некалькі разоў здабыў перамогу ў чэмпіянаце Славаччыны.

Матч «Жыліны» супраць браціслаўскага «Словану» ў траўні 2009 году.

У часы існаваньня Чэхаславаччыны па вайне «Жыліна» большую частку гісторыі спаборнічала ў найвышэйшым дывізіёне, аднак вялікіх посьпехаў у камандзе не было. Самым пасьпяховым заставаўся сэзон 1946—1947 гадоў, калі жылінскі клюб спыніўся на 4-м месцы. Таксама ўдалым быў 1961 год, калі «Жыліна» дакрочыла да фіналу Кубка Чэхаславаччыны, дзе саступіла праскай «Дукле». Не зважаючы на паразу, каманда, якая ў той час мела назву «Дынама», упершыню ў сваёй гісторыі прабіўся ў Эўропу, дзе пазмагаўся за Кубак уладальнікаў кубкаў УЭФА. Перамогі над «Алімпіякосам» зь лікам 3:2 і 1:0 вывелі іх у чвэрцьфінал, аднак славацкая каманда ў канчатковым рахунку была выбітая пераможцам мінулага сэзону «Фіярэнтынай». Пры гэтым, «Жыліна» спачатку атрымала шматспадзеўную перамогу зь лікам 3:2 у хатнім матчы, але ў Італіі саступіла зь лікам 2:0. Паміж 1972 і 1974 гадамі клюб спыняўся на 5-м радку чэхаславацкай лігі цягам трох гадоў запар, пасьля чаго страціў месца ў першым дывізіёне.

Пасьля разьдзелу Чэхаславаччыны, клюб пачаў спаборнічаць у славацкім чэмпіянаце. Увосень 2000 году ў якасьці новага трэнэра ў клюб прыйшоў былы чэхаславацкі абаронца Ладзіслаў Юркемік. Па ягоным сыходзе ў сярэдзіне сэзону 2001—2002 гадоў клюб прызначыў чэскага трэнэра Леаша Калваду. За часам сваёй кароткай працы ў клюбе ён прывёў іх да перамогі ў айчыннаым першынстве. У сэзоне 2002—2003 гадоў, ужо ачоленыя Міланам Лешыцкім, клюб здолеў утрымаць тытул.

Склад

Актуальны на 19 верасьня 2026 году

№ Пазыцыя Імя Год нараджэньня 1 Бр Якуб Баджгань  2005 2 Аб Марэк Окал  2008 6 ПА Ксаўе Аданг  2004 7 Нап Францішак Коша  2006 9 Нап Патрык Балэя 2007 10 ПА Андрэй Флора  2005 11 ПА Фабіян Бздыль  2007 14 Аб Міхал Свобада 2005 16 Нап Патрык Ілька  2001 17 Аб Ян Мінарык  1997 20 Аб Крыстыян Бары  2001 21 Аб Тыматэй Граніца  2005 23 Нап Міхал Фашка  1994

№ Пазыцыя Імя Год нараджэньня 24 Нап Самуэл Дзятка  2001 25 Аб Юган Альбін 2003 26 Бр Тамаш Тарчы 2007 28 Аб Аляксандар Нарыманідзэ  2005 31 Бр Давід Шыпаш  1998 39 Нап Лукаш Юліш  1994 66 ПА Міраслаў Кацар  (капітан) 1996 77 ПА Робэрт Пэтрушка 2006 90 Нап Даніель Амэт 1999 95 Нап Марка Рогініч  1995 — Аб Філіп Каша  1994 — Нап Кевін Білялавіч  (ар. Абэрдын) 2005

Вонкавыя спасылкі

• Афіцыйны сайт