Грацыяна Пэле

Грацыяна Пэле
Пэрсанальная інфармацыя
Нарадзіўся	15 ліпеня 1985 (34 гады) Сан-Чэзарыё-ды-Леччэ, Італія
Рост	194 см
Вага	84 кг
Пазыцыя	нападнік
Клюбная інфармацыя
Клюб	Саўтгэмптан
Нумар	19
Клюбы
Гады	Клюб	Гульні (галы)¹
2004—2007 2005 2006 2006—2007 2007—2011 2011—2013 2012 2012—2013 2013—2014 2014—	Леччэ → Катанія → Кратонэ → Чэзэна АЗ Парма → Сампдорыя → Фэеноорд Фэеноорд Саўтгэмптан	12 (0) 15 (0) 17 (6) 37 (10) 78 (14) 12 (1) 12 (4) 29 (27) 28 (23) 68 (23)
Зборныя
2014—	Італія	14 (6)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 15 траўня 2016. ² Колькасьць гульняў і галоў за нацыянальную зборную ў афіцыйных матчах, адкарэктавана на 13 чэрвеня 2016.

Грацыя́на Пэле́ (па-італьянску: Graziano Pellè; нарадзіўся 15 ліпеня 1985 году, Сан-Чэзарыё-ды-Леччэ, Італія) — італьянскі футбаліст, нападнік ангельскага клюбу «Саўтгэмптан» і нацыянальнай зборнай Італіі.

Кар’ера

Клюбная

Клюбную кар’еру гулец пачаў у клюбе «Леччэ», дзе праходзілі юнацкія крокі футбаліста. 11 студзеня 2004 году Грацыяна дэбютаваў у Сэрыі А у матчы супраць «Балёньні», дзе каманда Пэле атрымала хатнюю паразу зь лікам 1:2. Наступныя некалькі гадоў маладога гульца праходзілі ў арэндах па італьянскіх клюбах у ніжэйшых дывізіёнах.

У ліпені 2007 году Пэле перайшоў у нідэрляндзкі АЗ, дзе аднак загуляць ня здолеў, у першы сэзон за 27 гульняў забіўшы толькі 3 мячы. У 2011 годзе гулец прыяднаўся да «Пармы», а ў 2012 годзе быў аддаздены ў арэнду «Сампдорыі», якая на той момант выступала ў Сэрыі Б.

Сэзон 2012—2013 гадоў гулец зноўку пачаў у Нідэрляндах, на гэты раз абараняючы колеры «Фэеноорду». Грацыяна стаў першым італьянцам у складзе гэтага ратэрдамскага клюбу. Ужо ў першых 10 гульняў нападнік адзначыўся 11 разоў, у наступным не працягваўчы забіваць. Разам з 27 галамі ў Эрэдывізіі Пэле стаўся лепшым бамбардзірам гэтага спаборніцтва. Гэтак жа цудоўна італьянскі гулец працягваў гуляць і ў наступны сэзон.

12 ліпеня 2014 году стала вядома пра пераход гульца ў ангельскі «Саўтгэмптан», які выклаў за нападніка 8 млн фунтаў. Дэбют прыпаў на матч супраць «Лівэрпулу» (1:2), які прайшоў 17 жніўня.

Міжнародная

Дзякуючы выдатнай гульні футбаліста за «Саўтгэмптан», ён атрымаў выклік у нацыянальную зборную Італіі 4 кастрычніка 2014 году. 13 кастрычніка Пэле адгуляў за зборную матч супраць зборнай Мальты, дзе забіў адзін гол у гульні.

Дасягненьні

АЗ:

• Чэмпіён Нідэрляндаў: 2009
• Уладальнік Супэркубка Нідэрляндаў: 2009

Вонкавыя спасылкі

Грацыяна Пэле — сховішча мультымэдыйных матэрыялаў

• Афіцыйны сайт
• Статыстыка на Soccerbase