Саўтгэмптан (футбольны клюб)

	Саўтгэмптан
Поўная назва	па-ангельску: Southampton Football Club
Заснаваны	21 лістапада 1885
Горад	Саўтгэмптан, Ангельшчына
Стадыён	Сэйнт-Мары Стэдыюм; Умяшчальнасьць: 32 505
Галоўны трэнэр	Рубен Селес[d];
Чэмпіянат	Прэм’ер-Ліга
· 2021—2022	15 месца
	saintsfc.co.uk(анг.)

«Саўтгэмптан» (па-ангельску: Southampton F.C.) — ангельскі футбольны клюб, які месьціцца ў горадзе Саўтгэмптан, графства Гэмпшыр. На «Сэйнт-Мары Стэдыюм» клюб пераехаў у 2001 годзе. Клюб мае мянушку «сьвятыя», якая паўстала яшчэ ў часы заснаваньня клюбу ў 1885 годзе ў сувязі зь ягонай гісторыяй, каманда была арганізавана царкоўнымі актывістамі й з тых часоў гуляе традыцыйна ў чырвона-белай форме. Клюб мае сталае суперніцтва з «Портсмутам» з-за блізкасьці паміж гарадамі. Матчы паміж гэтымі двума супернікамі вядомыя як Дэрбі паўднёвага берагу.

Клюб упершыню атрымаў значны трафэй у 1976 годзе, перамогшы ў розыгрышу Кубка Ангельшчыны, да гэтага клюб атрымліваў перамогі толькі ў рэгіянальных кубках і чэмпіянатах. Самым значным посьпехам у чэмпіянаце Ангельшчыны зьяўляецца другое месца ў сэзоне 1983—1984 гадоў^[1]. Да вылету з Прэм’ер-лігі ў сэзоне 2004—2005 гадоў клюб 27 сэзонаў запар гуляў у найвышэйшым дывізіёне краіны.

Гісторыя[рэдагаваць | рэдагаваць крыніцу]

Раньнія гады[рэдагаваць | рэдагаваць крыніцу]

Клюб быў заснаваны ў 1885 годзе чальцамі Моладзевай асацыяцыі царквы Сьвятой Дзевы Марыі (па-ангельску: St Mary's Church of England Young Men's Association). Цяперашнюю назву «Саўтгэмптан» атрымаў у 1897 годзе. Выступаючы пад назвай «Саўтгэмптан Сьвятой Марыі» (па-ангельску: Southampton St.Mary's), клюб далучыўся да Паўднёвай лігі ў 1894 годзе й станавіўся чэмпіёнам лігі шэсьць разоў — у 1897, 1898, 1899, 1901, 1903 і 1904 гадох.

«Сьвятыя» ўвайшлі ў Футбольную лігу ў 1920 годзе, як чалец-заснавальнік трэцяга дывізіёну. Першы тытул прыйшоў у 1922 годзе, калі «Саўтгэмптан» стаў чэмпіёнам дывізіёну. Да гэтага часу «сьвятыя» пасьпелі паўдзельнічаць у двух фіналах Кубка Ангельшчыны ў 1900 і 1902 гадох, але трафэй абодва разы не скарыўся ім. Падняўшыся ў 1922 годзе ў другі дывізіён, «сьвятыя» гулялі ў ім да 1953 году, калі зноўку апусьціліся ў трэці дывізіён.

Пасьляваенны час[рэдагаваць | рэдагаваць крыніцу]

Легенда «Саўтгэмптану» й ангельскага футболу Альф Рэмсі быў сапраўднай зоркай пасьляваеннага пэрыяду, і, шмат у чым дзякуючы яму, у 1960 годзе «Саўтгэмптан» зноўку вярнуўся ў другі дывізіён. Пры дапамозе такіх зорак як Мартын Чывэрз, Тэры Пэйн і Мік Чэнан, «сьвятыя» ўпершыню ў гісторыі выйшлі ў першы дывізіён у 1966 годзе.

Праз сем гадоў, у 1974 годзе каманда зноўку выбыла ў другі дывізіён. Кампанію ім тады склаў «Манчэстэр Юнайтэд». Аднак праз два гады «Саўтгэмптан» дамогся найбуйнейшага посьпеху ў сваёй гісторыі — у 1976 годзе, зьяўляючыся клюбам другога дывізіёну, паўднёўцы заваявалі Кубак Ангельшчыны, абыграўшы на «Ўэмблі» на той момант ужо аднаго зь лідэраў найвышэйшага дывізіёну «Манчэстэр Юнайтэд» зь лікам 1:0. Пераможцы гол быў забіты Бобі Стоўксам.

Дасягненьні[рэдагаваць | рэдагаваць крыніцу]

Кубак Ангельшчыны: 1976

Склад[рэдагаваць | рэдагаваць крыніцу]

Актуальны на 11 лютага 2023 году

№	Пазыцыя	Імя	Год нараджэньня
1	Бр	Алекс Макарці	1989
2	Аб	Кайл Ўокер-Пітэрз	1997
3	ПА	Энзьлі Мэйтлэнд-Найлз (ар. Арсэнал)	1997
4	Аб	Лянку Эванжэліста	1997
6	Аб	Дуе Чалета-Цар	1996
7	ПА	Джо Арыба	1996
8	ПА	Джэймз Ўорд-Проўз (капітан)	1994
9	Нап	Адам Армстранг	1997
10	Нап	Чэ Адамз	1996
11	Нап	Міслаў Оршыч	1992
12	Нап	Пол Ануачу	1994
13	Бр	Вільлі Кабальера	1981
14	Аб	Джэймз Бры	1997
15	Аб	Рамэн Пэро	1997
17	ПА	Ст’юарт Армстранг	1992

№	Пазыцыя	Імя	Год нараджэньня
18	Нап	Сэку Мара	2002
19	Нап	Муса Джэнэпо	1998
20	Нап	Камалдын Сулемана	2002
21	Аб	Валентына Ліўрамэнта	2002
22	Аб	Магамэд Салісу	1999
23	Нап	Сэм’юэл Эдозі	2003
24	Нап	Магамэд Эльюнусі	1994
26	ПА	Карляс Алькарас	2002
27	ПА	Ібраіма Дыяльлё	1999
28	Аб	Хуан Лярыяс	2004
31	Бр	Гэвін Базуну	2002
32	Нап	Тэо Ўолкат	1989
35	Аб	Ян Бэднарак	1996
37	Аб	Армэль Бэльля-Катшап	2001
45	ПА	Рамэо Лявія	2004