АЗ Алькмаар

АЗ
Поўная назва	Alkmaar Zaanstreek
Заснаваны	10 траўня 1967
Горад	Алькмаар, Нідэрлянды
Стадыён	АЗ Умяшчальнасьць: 17 023
Кіраўнік	Робэрт Ээнгоорн[d]
Галоўны трэнэр	Маартэн Мартэнс[d]
Чэмпіянат	Эрэдывізія
· 2023—2024	4 месца
Хатнія колеры Выязныя колеры
Галерэя здымкаў у Вікісховішчы az.nl (нід.)​ (анг.)

АЗ (па-нідэрляндзку: AZ Alkmaar) — нідэрляндзкі футбольны клюб з гораду Алькмаару. Заснаваны ў 1967 годзе. Двухразовы чэмпіён Нідэрляндаў (1981, 2009), чатырохразовы ўладальнік Кубка Нідэрляндаў (1978, 1981, 1982, 2013), уладальнік Супэркубка Нідэрляндаў (2009).

Гісторыя

Клюб АЗ быў заснаваны 10 траўня 1967 году, як «АЗ-67», у выніку зьліцьця клюбаў «Алькмаар-54» і «Заанстрээк». Клюб «Заанстрээк» быў заснаваны ў 1964 годзе на базе клюбу «Коогер», які ў сваю чаргу быў заснаваны ў 1910 годзе. Гэты клюб ледзь ня стаў чэмпіёнам Нідэрляндаў у 1934 годзе, але саступіў «Аяксу» ў фіналах, а ў 1955 годзе «Коогер» стаў прафэсійным клюбам.

У 1964 годзе браты Сээс і Кляаса Маленаар, былыя гульцы клюбу «Коогер» і ўладальнікі сеткі крамаў, імкнуліся стварыць магутную футбольную каманду ў Заанстрээку шляхам зьліцьця дзьвюх мясцовых прафэсійных камандаў «Заанстрээк» і «Коогер», аднак гэтая спроба не атрымалася. Таму крыху пазьней «Заанстрээк» быў аб’яднаны з клюбам «Алькмаар-54», пры тым, што паводле рашэньня клюб павінен быў базавацца ў Алькмаары. Часткова з-за найму дарагіх замежных гульцоў, новы клюб неўзабаве набыў вялікую запазыку. На шчасьце ў 1972 году браты Маленаар пазбавіліся пазыкі й уклалі значныя сродкі ў клюб, што прывяло да посьпехаў у ў канцы 1970-х і пачатку 1980-х гадоў. Менавіта ў гэты пэрыяд клюб атрымліваў перамогу ў Кубку Нідэрляндаў тры разы на працягу гэтага пэрыяду.

Пасьля чатырох сэзонаў, калі каманда займала пазыцыі ў першай частцы турнірнай табліцы, у 1981 годзе алькмаарцам нарэшце скарыўся чэмпіянат Нідэрляндаў. Клюб стаў адзіным пераможцам гэтага турніру за выняткам «вялікай тройкі», то бок «Аякс», «Фэеноорд» і ПСВ, які атрымліваў перамогу ў турніры ў пэрыяд ад 1965 да 2009 году, калі АЗ паўторна стаў чэмпіёнам краіны. У свой пераможны сэзон 1980—1981 гадоў клюб атрымаў 27 перамог у 34 матчах, трываўшы толькі адную паразу й забіўшы 101 гол, прапусьціўшы толькі 30. У гэтым жа сэзоне каманда дайшла да фіналу Кубка УЭФА, але саступіла з агульным лікам 4:5 паводле сумы двух матчаў «Іпсўіч Таўну». У наступным годзе ў Лізе чэмпіёнаў УЭФА АЗ страцілі ў другім туры зь лікам 2:3 паводле суме двух матчаў «Лівэрпулу». За гэтым часам у клюбе гулялі такія выбітныя гульцы, як то Кеэс Кіст, Ян Пэтэрс, Гуга Гавэнкамп, Джон Мэтгад і Крыстэн Ныгар.

Справы клюбу значна пагоршыліся калі ў 1985 годзе з клюбу сышоў Кляас Маленаар, Сээс жа памёр яшчэ ў 1979 годзе. У 1988 годзе АЗ нават вылецеў з Эрэдывізіі.

Дасягненьні

• Чэмпіён Нідэрляндаў: 2
  • 1981, 2009
• Уладальнік Кубка Нідэрляндаў: 4
  • 1978, 1981, 1982, 2013
• Уладальнік Супэркубка Нідэрляндаў: 1
  • 2009
• Фіналіст Кубка УЭФА: 1
  • 1981

Склад

Актуальны на 13 верасьня 2024 году

№ Пазыцыя Імя Год нараджэньня 1 Бр Ромэ Авусу-Адура 2004 3 Аб Ваўтэр Гус 2004 4 Аб Бруна Мартынс Індзі (капітан) 1992 5 Аб Алешандрэ Пэнэтра 2001 6 ПА Пээр Коопмэйнэрс 2000 7 Нап Рубэн ван Бомэль 2004 8 ПА Ёрдзі Клясі 1991 9 Нап Трой Пэрат 2002 10 ПА Свэн Мэйнанс 2000 11 Нап Ібрагім Садык 2000 12 Бр Гобі Вэргульст 1993 13 Бр Сэм Вэстэрвэльд 2002 14 ПА Крыстыян Беліч 2001 16 Аб Сэя Майкума 1997 17 Нап Джэйдэн Адаі 2005

№ Пазыцыя Імя Год нараджэньня 18 Аб Давід Вольфэ 2002 21 Нап Эрнэст Поку 2004 22 Аб Максім Дэкер 2004 23 Нап Майкель Лягда 2002 24 ПА Левіс Схаўтэн 2004 26 ПА Кеэс Сьміт 2006 27 ПА Зыка Буўрмээстэр 2002 28 Нап Леквінсіё Зээфёйк 2004 30 Аб Дэнса Касіюс 2002 31 Бр Даніель Дээн 2003 33 ПА Дэйв Квакман 2004 34 Аб Мээс дэ Віт 1998 35 Нап Мэкс Мээрдынк 2003 41 Бр Ерун Зут 1991

Вонкавыя спасылкі

• Афіцыйны сайт клюбу
• Клюбнае тэлэбачаньне