Пагост Загародзкі

Пагост-Загародзкі
Вобласьць:	Берасьцейская
Раён:	Пінскі
Сельсавет:	Загародзкі
Часавы пас:	UTC+3
Геаграфічныя каардынаты:	52°19′22″ пн. ш. 26°20′55″ у. д.
Пагост-Загародзкі на мапе Беларусі Пагост-Загародзкі
Галерэя здымкаў у Wikimedia Commons

Паго́ст-Загаро́дзкі — вёска ў Беларусі, на паўднёва-ўсходнім беразе вадасховішча Пагост. Цэнтар сельсавету Пінскага раёну Берасьцейскай вобласьці.

Пагост-Загародзкі — даўняе мястэчка на гістарычнай Піншчыне (частка Берасьцейшчыны), на захадзе Палесься.

Гісторыя

Касьцёл Сьв. Язэпа

Выяўленыя археолягамі 7 стаянак ваколі возера сьведчаць пра засяленьне гэтай мясцовасьці ў глыбокай старжытнасьці. Першы пісьмовы ўспамін пра Пагост-Загародзкі датуецца 1528, калі вялікая княгіня Бона Сфорца пацьверділа старыя правы тутэйшай шляхце. Згодна з адміністрацыйна-тэрытарыяльнай рэформай (1565—1566) мясьціна ўвайшла ў склад Пінскага павету Берасьцейскага ваяводзтва. У 1577 паселішча перайшло да С. Марціновіча.

У 1-й палове XVII ст. Пагост-Загародзкі атрымаў статус мястэчка. У сярэдзіне XVII ст. ім валодалі Стацкевічы і Нелюбовічы. У Пагосьце-Загародзкім праводзіліся рэгулярныя кірмашы, на якіх карысталася попытам мясцовая кераміка (чорны глянцавы посуд). У 1679 тут збудавалі касьцёл Сьвятога Язэпа. У XVIII ст. мястэчка перайшло ў валоданьне Друцкіх-Любецкіх.

У выніку другога падзелу Рэчы Паспалітай (1795) Пагост-Загародзкі апынуўся ў складзе Расейскай імпэрыі, у Пінскім павеце Гарадзенскай губэрні. Станам на 1859 у мястэчку было 46 двароў. Па здушэньні нацыянальна-вызвольнага паўстаньня (1863—1864) расейскія ўлады ліквідавалі тутэйшую каталіцкую парафію.

Згодна з Рыскай мірнай дамовай (1921) Пагост-Загародзкі апынуўся ў складзе міжваеннай Польскай Рэспублікі, дзе зрабіўся цэнтрам гміны Пінскага павету Палескага ваяводзтва.

У 1939 Пагост-Загародзкі ўвайшоў у БССР, дзе 12 кастрычніка 1940 зрабіўся цэнтрам сельсавету. Статус паселішча панізілі да вёскі.

• Мястэчка на старых здымках
• 
  Руіны каталіцкай капліцы
• 
  Касьцёл па мураўёўскай перабудове
• 
  Касьцёл, бакавы фасад
• 
  Касьцёл па вяртаньні каталікам

Насельніцтва

• XIX стагодзьдзе: 1887 — 408 чал.

Турыстычная інфармацыя

Выдатныя мясьціны

• Каплічка прыдарожная (XIX ст.)
• Касьцёл Сьвятога Язэпа (1679; цяпер царква Сьвятых Кірылы й Мятода БЭМП)
• Могілкі старыя габрэйскія
• Сынагога

Страчананя спадчына

• Капліца (XIX ст.; каталіцкая)

Літаратура

• Соркіна І. Мястэчкі Беларусі ў канцы ХVІІІ — першай палове ХІХ ст. — Вільня: ЕГУ, 2010. — 488 с. ISBN 978-9955-773-33-7.
• Pohost (8) Zahorodny // Słownik geograficzny Królestwa Polskiego i innych krajów słowiańskich. Tom VIII: Perepiatycha — Pożajście. — Warszawa, 1887. S. 520.

Вонкавыя спасылкі

Пагост Загародзкі — сховішча мультымэдыйных матэрыялаў