Канонік Перамышльскі

Канонік Перамышльскі
па-польску: Kanonіk Przemyskі
Жанр:	Паэма Гутарка
Аўтар:	Уладзіслаў Сыракомля
Мова арыгіналу:	польская
Год напісаньня:	1851

«Канонік Перамы́шльскі» (па-польску: Kanonіk Przemyskі) — няскончаная гістарычная паэма-гутарка Уладзіслава Сыракомлі.

Тадэвуш Піні клясыфікуе жанр твора як раман у вершах.

Напісаньне

Над сваім творам Сыракомля працаваў цягам 1851 г. у Залуччы. У студзені таго ж году ён пазнаёміўся ў Вільні з паэтам Эдвардам Жалігоўскім, які тады працаваў над паэмай «Манахі». У верасьні Жалігоўскі пераехаў у Петразаводзк, дзе канчаткова назваў свой твор «Ён, Яна й Яны». У ім паэт высьмейваў манахаў і выступаў адкрыта супраць цэлібату сьвятароў. Сыракомля меў ад гэтага прыкрае ўражаньне й пастанавіў не працягваць сваю паэму, бо баяўся, што ягоны твор пачнуць успрымаць не як пахвалу Арыхоўскаму, а як крытыку царквы. Праз гэта пясьняр пачаў шукаць сюжэт для эпапеі ў дахрысьціянскай мінуўшчыне й стварыў «Маргера».

Зьмест

У цэнтры паэмы — Станіслаў Арыхоўскі-Раксалан, пісьменьнік і рэлігійны дзеяч. Уладзімер Спасовіч тлумачыць увагу Сыракомлі да гэтай асобы наступным чынам:

’’Наверагодней, што Кандратовіча вабіла ў Арыхоўскім тое, што гэты наватар быў да мозгу касьцей каталіком, што ён адданы, прыхільнік у душы парадку ў касьцёльнай дысцыпліны, намагаўся стварыць свайго кшталту каталіцтва, прыстасаванае да духу часу.’’

Пакінутыя паэтам урыўкі памерам роўныя гутарцы «Дабрародны Ян Дубарог».

Крытыка

На думку Тадэвуша Піні, гэта найвыдатнейшы твор з залуцкага пэрыяду творчасьці Сыракомлі.

Літаратура

• Pіnі, T. Władysław Syrokomla і jego utwory (пол.). — Lwów: Macіerz Polska, 1901. — 247 с.
• Spasowіcz, Wł Władysław Syrokomla (пол.). — Lwów: Ksіęgarnіa Polska, 1881. — 148 с.