Жменя пшаніцы (паэма)

Жменя пшаніцы
па-польску: Garść pszenna
Жанр:	Паэма Гутарка
Аўтар:	Уладзіслаў Сыракомля
Мова арыгіналу:	польская
Год напісаньня:	1856
Пераклад на беларускую:	1891
Перакладчык:	Янка Лучына, Максім Лужанін

«Жме́ня пшані́цы» (па-польску: Garść pszenna) — патрыятычная гутарка Ўладзіслава Сыракомлі.

Твор напісаны ў 1856 г. у Варшаве.

Зьмест

Мудры і добры войт Сьцяпан ужо састарэў і мяркуе выбраць сабе замену. Народ спачатку ўстрывожаны, а потым пагаджаецца на аднаго з сыноў войта. Усе тры сыны пасылаюцца за мяжу (у Нямеччыну, Польшчу і Ўкраіну). Двое зь іх захапіліся чужымі звычаямі і культурай, а трэці прывёз мяшок пшаніцы, каб працаваць на карысьць Радзімы. Апошні і абіраецца за войта як той, хто дбае пра свой край і народ.

Крытыка

Тадэвуш Піні пісаў:

… колькі ж у гэтым апавяданьні, простым і нявымушаным, зразуменьня патрэбаў селяніна, якое замілаваньне ўсім, што сваё, і агіда да чужых звычаяў і строяў.

Пераклады

Упершыню на беларускую мову пераклаў, хоць і вольна, значна скараціўшы твор, Янка Лучына і апублікаваў у «Альманаху Паўночна-Заходняга календара на 1892 г.» 1891 г. выданьня («Горсць пшаніцы»). Пазьней гэты пераклад увайшоў у пасьмяротны зборнік «Вязанка» (1903). Больш дакладны пераклад зрабіў Максім Лужанін.

У 1953 г. выйшаў зборнік выбраных твораў Сыракомлі па-расейску, дзе быў зьмешчаны пераклад Лявона Мартынава.

Літаратура

• Абрамавичус, Вл. Библиография по белорусской литературе XIX века. — Вильнюс: 1949.
• Сыракомля, У. Выбраныя творы. — Мінск: Беларуская навука, 2010. — 584 с. — 1000 ас. — ISBN 978-985-6976-06-6
• Pini, T. Władysław Syrokomla i jego utwory. — Lwów: Macierz Polska, 1901. — 247 с.

Спасылкі

• Драздова, З. Душа беларуса ў гутарках і вершах Уладзіслава Сыракомлі  (бел.). — Мінск: Ліпень 2017. — № 7 (1053). — С. 134-138.