Акраец хлеба (паэма)

Акраец хлеба
па-польску: Kęs chleba
Першае выданьне
Жанр:	Паэма Гутарка
Аўтар:	Уладзіслаў Сыракомля
Мова арыгіналу:	польская
Год напісаньня:	Лістапад 1854
Публікацыя:	1855
Асобнае выданьне:	1855
Выдавецтва:	Крыстыян Тэафіл Глюксбэрг
Колькасьць старонак:	72

«Акра́ец хле́ба» (па-польску: Kęs chleba) — паэма-гутарка Ўладзіслава Сыракомлі. У ёй паэт апісаў выпадак з жыцьця з свайго бацькі.

Твор напісаны ў лістападзе 1854 г. у Барэйкаўшчыне, пасьля трох месяцаў са сканчэньня паэмы «Маргер». У 1855 г. «Акраец хлеба» выйшаў асобным выданнем.

Зьмест

Лагода шмат гадоў арандоўваў невялікую вёску і прывязаўся да яе, быццам да сваёй уласнай, палюбіў мясцовы люд, і гэты люд палюбіў яго. Але ўладар вёскі, намоўлены Заборам, пастанавіў скасаваць арэнду Лагоды і аддаць вёску ў арэнду Забору. Лагода са сьлязамі пакідае ўбогую хатку, да якой прывязаўся, зь ім развітаюцца сяляне, чакаючы са страхам новага пана. Больш пра Лагоду ня чулі, а Забору не шанцавала са збожжам, яго зямля родзіла горкім, ніхто не жадаў такога купляць.

Крытыка

Тадэвуш Піні адзначаў:

Гэты абразок такі прыгожы, такі мілы, якіх мала ва ўсёй нашай літаратуры.

Пераклады

На расейскую мову паэму пераклаў Інакенці Фёдараў (1878).

На беларускую мову гэты твор пераклаў Кастусь Цьвірка.

Літаратура

• Сыракомля, У. Выбраныя творы (бел.). — Мінск: Беларуская навука, 2010. — 584 с. — 1000 ас. — ISBN 978-985-6976-06-6
• Pini, T. Władysław Syrokomla i jego utwory (пол.). — Lwów: Macierz Polska, 1901. — 247 с.