Джон Ўэйн
Джон Ўэйн | |
| John Wayne | |
 | |
| Імя пры нараджэньні | Мэрыён Робэрт Морысан |
|---|---|
| Дата нараджэньня | 26 траўня 1907 |
| Месца нараджэньня | Ўінтэрсэт, Аёва, ЗША |
| Дата сьмерці | 11 чэрвеня 1979 (72 гады) |
| Месца сьмерці | Лос-Анджэлес, Каліфорнія, ЗША |
| Прычына сьмерці | Рак страўніка |
| Месца пахаваньня | Каліфорнія |
| Грамадзянства | ЗША |
| Альма-матэр | Унівэрсытэт Паўднёвай Каліфорніі |
| Занятак | актор |
| Гады дзейнасьці | 1926—1976 |
| Псэўданімы | John Wayne |
| Жанры | вэстэрн |
| Дзеці | Patrick Wayne[d], Michael Wayne[d] і Ethan Wayne[d] |
| Узнагароды | |
| IMDb | ID nm0000078 |
| Сайт | www.johnwayne.com |
| Подпіс | 
|
Джон Ўэйн (па-ангельску: John Wayne, сапраўднае імя — Marion Robert Morrison; 26 траўня 1907 — 11 чэрвеня 1979) — амэрыканскі актор, празваны каралём вэстэрну. Здымаючыся штогод прыкладна ў пяці фільмах, ён быў ледзь не найбольш запатрабаваным галівудзкім акторам эпохі гукавога кіно.
Біяграфія[рэдагаваць | рэдагаваць крыніцу]
Выхадзец з штату Аёва, Ўэйн пачынаў у нямых фільмах свайго прыяцеля Джона Форда. Пасьля, калі Форд стаў адным з кіроўных рэжысэраў Амэрыкі, рэдкі яго фільм абыходзіўся без удзелу Ўэйна. Для амэрыканцаў трыццатых гадоў Ўэйн быў увасабленьнем мужнасьці і індывідуалізму. Пачынальна з каўбойскай сагі «Вялікая сьцежка» (1930), адмысловы посьпех спадарожнічаў актору ў «баявіках» з бойкамі і пагонямі, часьцяком вельмі малабюджэтных.
У 1939 г. Ўэйн выканаў самую яркую сваю ролю — у маштабным вэстэрне «Дыліжанс», які з посьпехам быў паказаны і ў савецкіх кінатэатрах.
Падчас Другой сусьветнай вайны здымаўся ў шматлікіх пастаноўках на ваенныя тэмы.
Па канчатку вайны разам з сынамі заснаваў адмысловую студыю, якая спэцыялізавалася на вытворчасьці вэстэрнаў.
Сярод яго фільмаў тых гадоў асабліва вылучаецца «Форт Алама» (1960), які ён сам жа і паставіў.
Апошні буйны праект Ўэйна — «Самы трапны» — выйшаў на экраны ЗША ў 1976 годзе.
Ўэйн заўсёды быў прыхільнікам Рэспубліканскай партыі, а ў 1960-я гг. апынуўся ў цэнтры ўвагі як рупар кансэрватыўных кругоў Амэрыкі, бо ён жорстка адстойваў неабходнасьць працягу вайны ў Віетнаме і здымаўся ў агітацыйных фільмах адпаведнае тэматыкі.
Абраная фільмаграфія[рэдагаваць | рэдагаваць крыніцу]
- 1930 — «Вялікая сьцежка»
- 1939 — «Дыліжанс»
- 1957 — «Крылы арлоў»
- 1959 — «Кавалерысты»
- 1960 — «Форт Алама»
- 1968 — «Зялёныя берэты»
- 1970 — «Рыё Лоба»
- 1971 — «Каўбоі»
- 1976 — «Самы трапны»
Вонкавыя спасылкі[рэдагаваць | рэдагаваць крыніцу]
Джон Ўэйн — сховішча мультымэдыйных матэрыялаў