Дам’ен Пэркі

Зьвесткі зь Вікіпэдыі — вольнай энцыкляпэдыі
Дам’ен Пэркі
Пэрсанальная інфармацыя
Нарадзіўся 10 красавіка 1984(1984-04-10)[1] (39 гадоў)
Рост 184 см
Вага 83 кг
Пазыцыя абаронца
Клюбы
Гады Клюб Гульні (галы)¹
2003—2005
2005—2008
2007—2008
2008—2012
2012—2015
2015—2016
2016—2017
2017—2019
Труа
Сэнт-Эт’ен
Сашо (арэнда)
Сашо
Бэтыс
Таронта
Нотынггэм Форэст
Газэлек Аячча
62 (3)
34 (1)
23 (1)
123 (10)
31 (0)
37 (2)
17 (2)
43 (0)
Зборныя
2011—2013 Польшча 14 (1)

Дам’ен Пэркі (па-француску: Damien Perquis; нарадзіўся 10 красавіка 1984 году, Труа, Францыя) — колішні польскі футбаліст францускага паходжаньня, абаронца. Гуляў у складзе нацыянальнай зборнай Польшчы.

Кар’ера[рэдагаваць | рэдагаваць крыніцу]

Клюбная[рэдагаваць | рэдагаваць крыніцу]

Пэркі зьяўляецца выхаванцам клюбу «Труа». Ён гуляў у Лізе 2 за «Труа» на працягу 2 гадоў, дзе быў адным з найлепшых абаронцаў лігі. У 2005 годзе Дам’ен падпісаў кантракт з клюбам Лігі 1 «Сэнт-Эт’енам» як вольны агент. Праз два гады, не замацаваўшыся ў складзе Пэркі быў аддадзены ў арэнду «Сашо». Пасьля некаторых непрыемнасьцяў ён знайшоў сваю форму й пачаў рэгулярна гуляць у асноўным складзе. У 2008 годзе «Сашо» выкупіў ягоны кантракт.

Міжнародная[рэдагаваць | рэдагаваць крыніцу]

Гуляў за моладзевую зборную Францыі, аднак у сьнежні 2008 году Пэркі заявіў, што да яго праяўляе цікавасьць зборная Польшчы[2]. У студзені 2011 году паведамлялася, што Дам’ен падаў паперы на атрыманьне грамадзянства[3]. Аднак ягоная сям’я страціла некаторыя неабходныя дакумэнты, і таму галоўны трэнэр польскай зборнай Францішэк Смуда папрасіў прэзыдэнта Польшчы Браніслава Камароўскага пасадзейнічаць у атрыманьні польскага пашпарта[4]. У верасьні 2011 году Пэркі атрымаў польскае грамадзянства[5].

Дам’ен дэбютаваў у складзе нацыянальнай зборнай Польшчы супраць зборнай Нямеччыны 6 верасьня 2011 году. Гульня скончылася ў нічыю 2:2.

Асабістае жыцьцё[рэдагаваць | рэдагаваць крыніцу]

Дам’ен мае польскае паходжаньне праз сваю бабулю[6], якая зьехала ў Францыю з цэнтральнай Польшчы. Жанаты й мае двух дзяцей.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Дам’ен Пэркісховішча мультымэдыйных матэрыялаў