Гран-пры Бахрэйну

Гран-пры Бахрэйну
	Міжнароднае кола Бахрэйну
	( )
Гісторыя
Праведзеныя гонкі	20
Першая гонка	2004
Лідэр (гоначнік)	Льюіс Гэмілтан (5)
Лідэр (канструктар)	Фэрары (7)
Траса
Працягласьць кола	5,412 км
Працягласьць гонкі	308,238 км
Колькасьць колаў	57
2024
Поўл-пазыцыя	Макс Вэрстапэн; Рэд Бул-Хонда; 1:29.179;
Подыюм	1. Макс Вэрстапэн; Рэд Бул-Хонда; 1:31:44.742; ; 2. Сэрхіё Пэрэс; Рэд Бул-Хонда; +22.457; ; 3. Карляс Сайнс; Фэрары; +25.110; ;
Найхутчэйшае кола	Макс Вэрстапэн; Рэд Бул-Хонда; 1:32.608;
Вонкавыя спасылкі
	bahraingp.com (анг.)
	Галерэя здымкаў у Вікісховішчы

Гран-пры́ Бахрэ́йну (па-арабску: جائزة البحرين الكبرى‎) — гонка Формулы-1 на міжнароднай трасе ў Сахіры. Праводзіцца з чэмпіянату сьвету 2004 году па цяперашні час. Стала першым Гран-пры Формулы-1 на Сярэднім Усходзе.

Мінуўшчына

Будаўніцтва міжнароднай трасы ў Сахіры пачалося ў 2002 року, першае Гран-пры адбылося тут у Гран-пры Бахрэйну 2004 году року. З тае пары ладзіцца безь перапынкаў, акрамя сэзону 2011 року, бо тады ў Бахрэйне выбухлі пратэсты.

Праваабаронцы заклікалі скасаваць і наступнае Гран-пры 2012 року праз парушэньні правоў чалавека, у тым ліку забойства актывіста Салага Абаса Габіба наконадні Гран-пры і сьмяротнае раненьне фотажурналіста Агмэда Ісмаэля Гасана эль-Самадзі. Аднак нягледзячы на пратэсты, у тым ліку хакерскую атаку «Ананімусаў», Гран-пры адбылося паводле раскладу 22 красавіка.

У 2020 року Гран-пры Бахрэйну, заплянаванае на 22 сакавіка, было скасаванае праз пандэмію каранавіруснай інфэкцыі, аднак прайшло ў тым жа годзе 29 лістапада.

Першым пераможцам у 2004 року стаў нямецкі гоначнік Фэрары Міхаэль Шумахэр. Лідэрам паводле колькасьці перамог ёсьць брытанец Льюіс Гэмілтан (5 разоў).

Характарыстыка

Траса ў Сахіры характэрная сваімі вялікімі бакавінамі, за што яе крытыкуюць, бо гоначнікі могуць беспакарана выяжджаць па-за межы дарогі. Насамрэч яны былі зробленыя наўмысна, каб на трасу не трапляў пясок. Гран-пры Бахрэйну лічыцца адным з найбясьпечнейшых гонак у сьвеце.

Замест традыцыйнага шампанскага на подыюме пераможцы гонкі распырскваюць безалькагольны ружовы напой, хоць спажываньне алькаголю ў Бахрэйне не забароненае.

Пераможцы

Рок	Гоначнік	Канструктар	Справаздача
2004	Міхаэль Шумахэр	Фэрары	Справаздача
2005	Фэрнанда Алёнса	Рэно	Справаздача
2006	Фэрнанда Алёнса	Рэно	Справаздача
2007	Фэліпэ Маса	Фэрары	Справаздача
2008	Фэліпэ Маса	Фэрары	Справаздача
2009	Джэнсан Батан	Броўн-Мэрсэдэс	Справаздача
2010	Фэрнанда Алёнса	Фэрары	Справаздача
2011	Скасаванае		Справаздача
2012	Сэбастыян Фэтэль	Рэд Бул-Рэно	Справаздача
2013	Сэбастыян Фэтэль	Рэд Бул-Рэно	Справаздача
2014	Льюіс Гэмілтан	Мэрсэдэс	Справаздача
2015	Льюіс Гэмілтан	Мэрсэдэс	Справаздача
2016	Ніка Росбэрг	Мэрсэдэс	Справаздача
2017	Сэбастыян Фэтэль	Фэрары	Справаздача
2018	Сэбастыян Фэтэль	Фэрары	Справаздача
2019	Льюіс Гэмілтан	Мэрсэдэс	Справаздача
2020	Льюіс Гэмілтан	Мэрсэдэс	Справаздача
2021	Льюіс Гэмілтан	Мэрсэдэс	Справаздача
2022	Шарль Леклер	Фэрары	Справаздача
2023	Макс Вэрстапэн	Рэд Бул-Хонда	Справаздача
2024	Макс Вэрстапэн	Рэд Бул-Хонда	Справаздача
Крыніцы:^[1]^[2]

Крыніцы

↑ Bahrain GP (анг.). ChicaneF1. Праверана 3 верасьня 2021 г. Архіўная копія ад 3 верасьня 2021 г.
↑ Sakhir (фр.). StatsF1. Праверана 3 верасьня 2021 г. Архіўная копія ад 5 сьнежня 2019 г.

Вонкавыя спасылкі

[CF1Bahrain-1] Bahrain GP (анг.). ChicaneF1. Праверана 3 верасьня 2021 г. Архіўная копія ад 3 верасьня 2021 г.

[:0-2] Sakhir (фр.). StatsF1. Праверана 3 верасьня 2021 г. Архіўная копія ад 5 сьнежня 2019 г.

[1]

[2]