Льюіс Гэмілтан

Льюіс Гэмілтан
Нарадзіўся	7 студзеня 1985(1985-01-07)[…] (39 гадоў) Стывэныдж[d], Стывэныдж[d], Гэртфардшыр, Ангельшчына, Вялікабрытанія
Грамадзянства	Вялікабрытанія[…]
Каманда	МакЛарэн і Мэрсэдэс
Удзелаў	310 і 310
Перамогаў	103
П’едэсталаў	191
Пунктаў	4405,5
Стартавых лідэрстваў	103
Узнагароды	Сусьветная спартовая ўзнагарода Лорэўс за прарыў году[d] (2008) Спартовец году Бі-Бі-Сі[d] (2020) Сусьветная спартовая ўзнагарода Лорэўс спартоўцу году[d] (2020) Чэмпіён чэмпіёнаў L’Équipe[d] (2020) Трафэй Сыгрэйва[d] (2007)
Подпіс
Льюіс Гэмілтан у Вікісховішчы
lewishamilton.com (анг.)

Сэр Лью́іс Карл Дэ́йвідсан Гэ́мілтан (па-ангельску: Lewis Carl Davidson Hamilton; нар. 7 студзеня 1985) — брытанскі аўтагоначнік Формулы-1 за каманду Мэрсэдэс. Рэкордны сяміразовы чэмпіён Формулы-1 (як і Міхаэль Шумахэр), рэкардсмэн паводле колькасьці перамог у Гран-пры, поўл-пазыцыяў ды подыюмаў.

Удзельнічаў у моладзевай праграме каманды Макларэн з 1998 року, адкуль у 2007 трапіў у Формулу-1, дзе стаў першым чорным гоначнікам. У дэбютным сэзоне ўсталяваў некалькі рэкордаў і саступіў чэмпіёну Кімі Райкёнэну адзін пункт у выніковым заліку. Праз год заваяваў першы чэмпіёнскі тытул, здолеўшы абагнаць суперніка на апошнім коле апошняга Гран-пры ў Бразыліі, і стаў наймаладзейшым на той час чэмпіёнам Формулы-1. У 2013 перайшоў у Мэрсэдэс.

Прыняцьце новага рэглямэнту на сэзон 2014 року паспрыяла камандзе і асабіста Льюісу Гэмілтану, які да 2021 року здолеў заваяваць яшчэ 6 тытулаў (2014, 2015, 2017, 2018, 2019, 2020, 2021). У 2021 ён перасягнуў адзнаку ў 100 перамог у Гран-пры і поўл-пазыцыяў.

Па-за гонкамі Льюіс Гэмілтан падтрымлівае барацьбу з расізмам і прасоўвае разнастайнасьць у аўтаспорце. У 2020 року ўключаны ў сьпіс 100 найбольш уплывовых людзей паводле часопісу Time. У 2021 року пасьвечаны ў рыцары-бакаляўры.

Вонкавыя спасылкі

• Афіцыйная бачына  (анг.)
• Профіль на DriverDB.com
• Біяграфія на бачыне Мэрсэдэсу
• Льюіс Гэмілтан (анг.) на сайце IMDb