Валоўка

Рака

Валоўка
Агульныя зьвесткі
Выток	каля г. Наваградак
Вусьце	Нёман
Краіны басэйну	Беларусь
Вобласьці	Гарадзенская вобласьць
Даўжыня	39 км
Сярэднегадавы сьцёк	1,7 м³/с
Плошча басэйну	253 км²
Нахіл воднай паверхні	0,7 ‰

Вало́ўка, Валова, Валуўка — рака ў Наваградзкім раёне Гарадзенскай вобласьці, левы прыток ракі Нёману. Даўжыня 39 км. Плошча вадазбору 253 км². Выдатак вады ў вусьці 1,7 м³/с. Сярэдні нахіл воднай паверхні 0,7‰.

Асноўныя зьвесткі

Пачынаецца на паўднёвай ускраіне места Наваградку, упадае ў Нёман за 1 км на ўсход ад мястэчка Любчы. Асноўны прыток — рака Оса.

Даліна выразная, у нізкай плыні зьліваецца з далінай Нёману. Абалона вузкая, двухбаковая, нізінная. Рэчышча зьвілістае, на працягу 5 км каналізаванае (ад вёскі Баярская да вёскі Асташына).

Літаратура

• Блакітная кніга Беларусі: энцыкл. / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Менск: БелЭн, 1994. — 415 с. ISBN 5-85700-133-1. С. 87