Вуса (прыток Нёмана, Наваградзкі раён)

Гэтая назва мае некалькі сэнсаў. Калі вас цікавяць іншыя сэнсы, глядзіце Вуса.

Рака

Вуса
Рака Вуса
Агульныя зьвесткі
Выток	каля в. Таўканы
Вусьце	Нёман
Краіны басэйну	Беларусь
Вобласьці	Гарадзенская вобласьць і Менская вобласьць
Даўжыня	75 км
Сярэднегадавы сьцёк	5 м³/с
Плошча басэйну	665 км²
Нахіл воднай паверхні	1,1 ‰
Галерэя здымкаў у Вікісховішчы

Вуса (Уса́; у сярэдняй плыні канал Шу́біна, у нізкай плыні Шу́біна-Нёманскі канал) — рака ў Валожынскім, Стаўпецкім і Наваградзкім раёнах Беларусі, правы прыток Нёману. Даўжыня 75 км. Вадазбор 665 км². Выдатак вады ў вусьці 5 м³/с. Сярэдні нахіл воднай паверхні 1,1 ‰.

Асноўныя прытокі

• Казялец, Шура, Быстрая, Замянка, канал Каменка

Агульныя зьвесткі

Пачынаецца за 1 км на ўсход ад вёскі Таўканы Валожынскага раёну, цячэ паўднёва-заходнімі схіламі Менскага ўзвышша, Налібоцкай пушчай, упадае ў Нёман за 2 км на паўночны ўсход ад мястэчка Любча Наваградзкага раёну.

Даліна ў высокай плыні трапэцападобная, яе шырыня 0,8—1 км, у Стаўпецкім раёне каля вёскі Драздоўшчына пашыраецца да 1,5 км, каля вёскі Пільніца звужаецца да 0,2 км. Абалона ў высокай і нізкай плыні двухбаковая (шырыня 0,1—0,15 км), у вярхоўі і нізоўі забалочаная, на астатнім працягу сухая, перасечаная ручаямі і мэліярацыйнымі каналамі. Рэчышча (шырыня 8—10 м) на працягу 20 км перад вусьцем каналізаванае.

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 376
• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1—2. — Л., 1971
• Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.

Вонкавыя спасылкі

Вуса (прыток Нёмана, Наваградзкі раён) — сховішча мультымэдыйных матэрыялаў