Кастусь Цьвірка
| Кастусь Цьвірка | |
 | |
| Асабістыя зьвесткі | |
|---|---|
| Імя пры нараджэньні | Канстанцін Аляксеевіч Цьвірка |
| Нарадзіўся | 28 сакавіка 1934 (92 гады) Зялёная Дуброва, Менская вобласьць, БССР |
| Літаратурная дзейнасьць | |
| Род дзейнасьці | паэт, перакладнік, фальклярыст, этнограф, мовазнаўца |
| Мова | беларуская |
| Дэбют | 1951 |
| Узнагароды | |
| Творы на сайце Knihi.com | |
| Творы на сайце Kamunikat.org | |
Касту́сь Цьві́рка (сапр. — Канстанці́н Аляксе́евіч Цьві́рка; нар. 28 сакавіка 1934, Зялёная Дуброва, Менская вобласьць, БССР) — беларускі паэт, пісьменьнік, перакладнік, краязнаўца, этнограф, фальклярыст, кандыдат гістарычных навук. Ёсьць заснавальнікам і старшынём Міжнароднага грамадзкага аб’яднаньня Беларускі кнігазбор.
Біяграфія
[рэдагаваць | рэдагаваць код]Нарадзіўся ў вёсцы Зялёная Дуброва Старадароскага раёну ў сялянскай сям’і. У 1958 годзе скончыў адзьдзяленьне беларускай мовы й літаратуры філялягічнага факультэту БДУ. У 1958—1959 гадох выкладаў беларускую мову й літаратуру ў Труханавіцкай сярэдняй школе Капыльскага раёну. Быў літаратурным супрацоўнікам раённай газэты «Рудзенская праўда», рэдактарам на Беларускім радыё, старэйшым мэтадыстам рэспубліканскага Дому народнае творчасьці, старэйшым інспэктарам Кіраваньня па распаўсюджваньні друку Міністэрства сувязі БССР. У 1972 годзе скончыў асьпірантуру пры Інстытуце мастацтвазнаўства, этнаграфіі й фальклёру АН БССР, і з таго часу — навуковы працаўнік гэтага інстытуту. З 1981 — старэйшы рэдактар выдавецтва «Юнацтва». З 1984 — рэдактар адзьдзелу паэзіі часопісу «Полымя». Кандыдат гістарычных навук. З 1961 году — сябра Саюзу пісьменьнікаў СССР. Сябра Саюзу беларускіх пісьменьнікаў.
Першы артыкул зьявіўся ў друку ў 1951 годзе, першы верш — у 1953. Перакладае на беларускую мову польскамоўныя творы выхадцаў Беларусі, а таксама творы сусьветнавядомых аўтараў з ангельскай, грузінскай, расейскай і ўкраінскай моваў. Некаторыя вершы Кастуся Цьвіркі пакладзеныя на музыку.
Бібліяграфія
[рэдагаваць | рэдагаваць код]Зборнікі вершаў
[рэдагаваць | рэдагаваць код]- 1959 — Такія сэрцы ў нас
- 1962 — Бягуць раўчукі
- 1967 — Чарназём
- 1975 — Каласы
- 1980 — Сьцежка дадому
- 1982 — Рэха дарог
- 1982 — Хат вячысты дар
- 1987 — Зялёная Дуброва
- 1988 — Лодка долі тваёй
Вершы і казкі для дзяцей
[рэдагаваць | рэдагаваць код]- 1966 — Зайчыкаў хлеб
- 1969 — Дарункі лесу
- 1986 — Як Алесь згубіўся ў лесе
- 1988 — Добрыя суседзі
Мастацкія нарысы
[рэдагаваць | рэдагаваць код]- 1974 — Дарога ў сто год
- 1985 — Той курган векавечны
- 1985 — Край легенд. Гісторыя Беларусі паводле паданняў і фактаў
- 1994 — Паданьне пра філаматаў. // Полымя : часопіс. — 1994. — № 5 (781). — С. 173—185.
Манаграфіі
[рэдагаваць | рэдагаваць код]Пераклады
[рэдагаваць | рэдагаваць код]- Слова пра паход Ігаравы
- Адам Міцкевіч — Дзяды, Конрад Валенрод — пераклады з польскай
- Філаматы і філарэты. Зборнік / укладаньне, пераклад польскамоўных твораў, прадмова, біяграфічныя даведкі й камэнты Кастуся Цьвіркі. — Менск: Беларускі кнігазбор, 1998. — 400 с. — (Серыя І. Мастацкая Літаратура). — 10 100 ас. — ISBN 985-6318-21-1
Сумесныя працы, укладаньне зборнікаў
[рэдагаваць | рэдагаваць код]- 1978 — Вясельле. Абрад
- 1988 — кніга ўспамінаў пра Зьмітрака Бядулю
- 1989 — Наваградскі замак — зборнік твораў Яна Чачота
- 1989 — Беларуская фалькларыстыка эпохі феадалізму
- 1998 — Філаматы і філарэты — укладаньне, пераклад польскамоўных твораў, прадмова, біяграфічныя даведкі пра аўтараў і камэнтары.
- 2008 — Літаратурная Старадарожчына
Кастусь Цьвірка зьяўляецца адным з асноўных укладальнікаў шматлікіх зборнікаў твораў беларускіх і сусьветных пісьменьнікаў, якія публікуюцца ў сэрыі Беларускі кнігазбор.