Ёшка Гвардыёл

Зьвесткі зь Вікіпэдыі — вольнай энцыкляпэдыі
Ёшка Гвардыёл
Пэрсанальная інфармацыя
Нарадзіўся 23 студзеня 2002(2002-01-23)[1] (22 гады)
Рост 1,85 м
Пазыцыя абаронца
Клюбная інфармацыя
Клюб Манчэстэр Сіці
Нумар 24
Клюбы
Гады Клюб Гульні (галы)¹
2019—2021
2021—2023
2023— 		Дынама Загрэб
РБ Ляйпцыг
Манчэстэр Сіці 		36 (3)
59 (3)
18 (0)
Зборныя
2021— Харватыя 27 (2)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
5 лютага 2024.
² Колькасьць гульняў і галоў за нацыянальную зборную
ў афіцыйных матчах, адкарэктавана на
21 лістапада 2023.

Ёшка Гва́рдыёл (па-харвацку: Joško Gvardiol; нар. 23 студзеня 2002 году) — харвацкі футбаліст, абаронца ангельскага клюбу «Манчэстэр Сіці» і нацыянальнай зборнай Харватыі. Не зважаючы на тое, што пераважна гулец займае пазыцыю цэнтральнага абаронца, ён часта гуляе на пазыцыі левага абаронцы. Гвардыёл лічыцца адным з найлепшых абаронцаў у сьвеце, вядомы сваімі фізычнымі здольнасьцямі, добрым выбарам пазыцыі і эфэктыўным апекаваньнем супернікаў[2][3][4][5][6][7].

Кар’ера[рэдагаваць | рэдагаваць крыніцу]

Клюбная[рэдагаваць | рэдагаваць крыніцу]

Гвардыёл пачаў займацца футболам у веку сямі гадоў. У той час хлопчык быў заўважаны клюбамі «Лякаматыва» і «Загрэб», аднак сям’я атрымала прапанову ад заграбскага «Дынама», якую ягоная сям’я прыняла[8]. У дынамаўскай акадэміі Гвардыёл звычайна ставіўся на пазыцыю левага абаронцы або цэнтральнага абаронцы, аднак у хуткім часе быў пераведзены на пазыцыю цэнтральнага абаронцы. Зь цягам часу абаронца прыцягнуў увагу шэрагу эўрапейскіх клюбаў, а ў кастрычніку 2019 году быў уключаны газэтай The Guardian у сьпіс маладых талентаў Next Generation[9].

Гвардыёл (справа) у матчы за акадэмію «Дынама».

Гвардыёл дэбютаваў у чэмпіянаце за асноўную каманду «Дынама» 18 кастрычніка 2019 году ў матчы супраць «Горыцы», які скончыўся зь лікам 4:2. Абаронца выйшаў на пляцоўку замест Марыё Гаўранавіча на 87-й хвіліне[10]. У сваім другім матчы за клюб 2 лістапада футбаліст улучыў мяч у браму ў пераможным матчы супраць запрэшыцкага «Інтэру», які скончыўся зь лікам 1:0. У гэты ж час Гвардыёл гуляў за юнацкую каманду, якая выступала ў эўракубках. У сэзоне 2020—2021 гадоў гулец трывала заняў месца ў першай адзінаццаці. Пры гэтым на пачатку сэзону стала вядома, што харват склаў угоду з «РБ Ляйпцыгам», які мусіў выкласьці 16 млн эўра[11].

Гвардыёл дэбютаваў у Бундэсьлізе 20 жніўня 2021 году ў матчы супраць «Штутгарта» (4:0), згуляўшы ўвесь матч[12]. Ён хутка замацаваўся ў стартавым складзе «РБ Ляйпцыгу» і прыцягнуў да сябе ўвагу сваімі добрымі выступамі[13]. 15 верасьня гулец згуляў у Лізе чэмпіёнаў у матчы супраць «Манчэстэр Сіці»[14]. 11 сьнежня абаронца здабыў свой дэбютны гол у кашулі нямецкага клюбу ў матчы супраць мёнхэнглядбаскай «Барусіі». Гульня скончылася зь лікам 4:1[15][16]. Да сканчэньня сэзону Гвардыёл дапамог «РБ Ляйпцыгу» здабыць Кубак Нямеччыны і дакрочыць да паўфіналу Лігі Эўропы[17]. 1 верасьня харват падоўжыў кантракт з «РБ Ляйпцыгам» да 2027 году, пры гэтым клюб адхіліў прапанову «Чэлсі» ў памеры 90 мільёнаў эўра[18]. 25 кастрычніка гулец забіў свой першы гол у Лізе чэмпіёнаў у пераможным матчы супраць «Рэалу»[19].

5 жніўня 2023 году клюб Прэм’ер-лігі «Манчэстэр Сіці» абвесьціў аб складаньні пяцігадовай ўгоды з Гвардыёлам[20]. Пры гэтым сума трансфэру не раскрывалася, але, як паведамлялася, кошт футбаліста склаў каля 77 млн фунтаў стэрлінгаў, што, такім чынам, зрабіла Гвардыёла другім самым дарагім абаронцам у сьвеце[21][22]. За новы клюб абаронца дэбютаваў 11 жніўня ў матчы супраць «Бэрнлі», зьявіўшыся на поле замест Рыка Льюіса на 79-й хвіліне. Запачаткаваў свае выступы ў стартавым складзе ангельцаў у матчы за Супэркубак УЭФА 2023 году супраць «Сэвільлі», адгуляўшы ўсе 90 хвілінаў, а ягоная дружына перамагла зь лікам 5:4 па пэнальці пасьля нічыёй 1:1 у асноўны час. Праз тры дні ён згуляў хатні матч у матчы супраць «Ньюкасл Юнайтэд». 6 верасьня Гвардыёл быў адным з намінантаў на Залаты мяч 2023 году[23].

Міжнародная[рэдагаваць | рэдагаваць крыніцу]

Як малады талент абаронца прайшоў амаль праз усе юнацкія і моладзевыя зборныя сваёй радзімы. 6 чэрвеня 2021 году дэбютаваў у складзе зборнай Харватыі ў таварыскім матчы супраць зборнай Бэльгіі, зьявіўшыся на поле замест Борны Барышыча. Ужо празь месяц абаронца выйшаў у першай адзінаццатцы ў матчы супраць зборнай Ангельшчыны на чэмпіянаце Эўропы 2020 году[24][25], які ладзіўся ўлетку 2021 году. На той момант Гвардыёлу было 19 гадоў.

Дасягненьні[рэдагаваць | рэдагаваць крыніцу]

«Дынама»:

«РБ Ляйпцыг»:

«Манчэстэр Сіці»:

Крыніцы[рэдагаваць | рэдагаваць крыніцу]

  1. ^ а б в Joško Gvardiol // FBref.com (мн.)
  2. ^ Miller, Nick; Campbell, Jordan (12.12.2022). «'Josko Gvardiol is the best centre-back in the world' — the Croatia defender by those who know him». The Athletic.
  3. ^ «Josko Gvardiol transfer will complete Man City’s defensive revolution amid Pep Guardiola’s war on full-backs». Goal.com.
  4. ^ «Ruben Dias and Pep Guardiola praise Joško Gvardiol: 'He impressed us on and off the field'». Nogomania.
  5. ^ «Josko Gvardiol: Is RB Leipzig’s Croatian youngster already the best centre-back in the world?». Bundesliga.
  6. ^ «FC 100 best men’s soccer centre-backs, 2022—23». ESPN.
  7. ^ Johnson, Jack (5.08.2023). «'World’s best' Gvardiol admires Messi but has Bertrand shirt on his wall». talkSPORT.
  8. ^ Juranović, Tomislav (13.09.2020). «Ovo je zlatni dječak od 200 milijuna kuna: 'Ako do 20. godine ne postane Vatreni, netko mora u zatvor!'». Sportske novosti.
  9. ^ Christenson, Marcus; Powell, Jim; Blight, Garry (10.10.2019). «Next Generation 2019: 60 of the best young talents in world football». The Guardian.
  10. ^ Ničota, Tomo (2.11.2019). «Tinejdžer (17) Zabio Za Dinamo I Otišao Kući Tramvajem! 'Suigrače sam čuo kako viču 'catering', pravilo je da ih častim!». Sportske novosti.
  11. ^ «Gvardiol potpisao za RB Leipzig! Iz Dinama škrti na riječima, evo kako su ga predstavili u Njemačkoj». Sportske novosti.
  12. ^ «Gvardiol debitirao i odmah 'razbio' izravnog konkurenta među Vatrenima, show ukrao mađarski wunderkind». Sportske novosti.
  13. ^ Trifunović, Boris (5.02.2022). «'Došli smo sa 60 milijuna € za Gvardiola. Leipzig nije htio čuti'». 24sata
  14. ^ Johnston, Neil (15.09.2021). «Man City beat RB Leipzig in nine-goal thriller». BBC Sport.
  15. ^ «Domenico Tedesco celebrates winning start with RB Leipzig crushing Gladbach». Bundesliga.
  16. ^ Trifunović, Boris (11.12.2021). «Video Projektil Gvardiola! Top glavom bacio 'Gladbach u očaj». 24sata.
  17. ^ Trifunović, Boris (22.05.2022). «Video Pivo je teklo u potocima: Gvardiol s hrvatskom zastavom žustro proslavio prvi trofej kupa». 24sata.
  18. ^ Bosher, Luke (1.09.2022). «Chelsea target Josko Gvardiol signs new RB Leipzig contract». The Athletic.
  19. ^ Barišić, Zdravko (25.10.2022). «Nema Luke, odmah problemi: Real Madrid izgubio od Lepziga, Joško Gvardiol sjajno pogodio!». 24sata.
  20. ^ Brown, Paul (5.08.2023). «City confirm Gvardiol signing». Manchester City F.C.
  21. ^ Stone, Simon (2.08.2023). «Josko Gvardiol: Manchester City agree £77m fee with RB Leipzig for defender». BBC.
  22. ^ «Man City complete Josko Gvardiol transfer in €90m deal». ESPN.
  23. ^ «Ballon d’Or 2023: la liste complète des nommés». L’Équipe.
  24. ^ Medo, Ivica (13.06.2021). «Obrana previše teretna za Engleze: Vatreni izgledaju bezopasno, Dalić mora brzo naći rješenje». Gol.hr.
  25. ^ «Gvardiol nakon debija na Wembleyju: Izgubili smo jer nismo dali maksimum». Index.hr.

Вонкавыя спасылкі[рэдагаваць | рэдагаваць крыніцу]

Атрымана з «https://be-tarask.wikipedia.org/w/index.php?title=Ёшка_Гвардыёл&oldid=2483106»