Міхаіл Зімянін

	Міхаіл Васільевіч Зімянін
Першы сакратар ЦК камуністычнай партыі БССР
	12 чэрвеня 1953 — 25 чэрвеня 1953
Папярэднік:	Мікалай Патолічаў
Наступнік:	Мікалай Патолічаў
Сакратар ЦК КПСС
	1976 — 1987
Асабістыя зьвесткі
Нарадзіўся:	8 (21) лістапада 1914; Віцебск, Расейская імпэрыя;
Памёр:	1 траўня 1995 (80 гадоў); Масква, Расея;
Партыя:	КПСС
Дзеці:	Натальля, Уладзімер
Адукацыя:	Магілёўскі дзяржаўны ўнівэрсытэт імя Аркадзя Куляшова (1939);
Узнагароды:	;

Міхаіл Васільевіч Зімя́нін (21 лістапада 1914, Віцебск - 3 траўня 1995, Масква) — савецкі партыйны дзяяч, кіраўнік ЦК КПБ у 1953 годзе.

Біяграфія

Міхаіл Зімянін нарадзіўся 21 лістапада 1914 году ў Віцебску ў сям’і працоўнага. Пачаў працаваць у 1929 годзе працоўным паравознага дэпо. У 1934—1936 г.г. працаваў настаўнікам у сярэдняй школе, а ў 1936—1938 г.г. служыў у Чырвонай Арміі. З 1938 году пачаў працаваць у Камсамоле. З 1939 году стаў сябрам ВКП(б) і ў гэтым жа годзе скончыў Магілёўскі пэдагагічны інстытут. Адразу быў прызначаны сакратаром ЦК Камсамола Беларусі. У 1940—1946 г.г. займаў пасаду першага сакратара ЦК ЛКСМ Беларусі. Пад час Другой сусьветнай вайны займаўся стварэньнем камсамольскага падпольля і падпольных камсамольскіх органаў. У 1942 годзе, у якасьці сябры Паўночна-Заходняй апэратыўнай групы ЦК КП(б)Б быў закінуты на тэрыторыю БССР акупіраваную нямецкімі войскамі, дзе вёў працу па разьвіцьцю савецкага партызанскага руху^[2].

У 1946 годзе быў прысьвечаны міністрам асьветы БССР^[3]. З 1947 году стаў сакратаром, а потым другім сакратаром ЦК КПБ. З 1952 да 1956 і з 1966 году — сябра ЦК КПСС (у 1956—1966 г.г. — сябра Цэнтральнай Рэвізійнай Камісіі КПСС).

У чэрвені 1953 году па прапанове Лаўрэнція Бэрыі быў прызначаны першым сакратаром ЦК КПБ, але пасьля арышту Бэрыі яго пераводзяць у цэнтральны апарат МЗС СССР. У 1956—1958 г.г. быў паслом СССР ў Віетнаме, з 1960 да 1965 году ў Чэхаславаччыне. У 1965 годзе стаў намесьнікам міністра замежных справаў СССР, але хутка быў пераведзены на пасаду галоўнага рэдактара газэты «Праўда», на якой працаваў да 1976 году.

З 1966 да 1976 году Зімянін быў кіраўніком праўленьня Саюзу пісьменьнікаў СССР. 5 сакавіка 1976 году стаў сакратаром ЦК КПСС і разам з М. Суславым займаўся ідэалягічнымі пытаньнямі, а таксама навукай, адукацыяй і культурай у СМІ.

У кастрычніку 1980 году прадстаўляў Палітбюро ЦК КПСС на пахаваньні П. Машэрава.

З 1987 году на пэнсіі.

Пахаваны на Траекураўскіх могілках у Маскве.

Дачка — Натальля, расейскі музычны крытык. Сын — Уладзімер, расейскі дыплямат.

Папярэднік Мікалай Патолічаў	Першы сакратар ЦК КП(б)Б 12 чэрвеня 1953—25 чэрвеня 1953	Наступнік Мікалай Патолічаў

Крыніцы

^ ^а ^б Зимянин Михаил Васильевич // Большая советская энциклопедия (рас.): [в 30 т.] / под ред. А. М. Прохорова — 3-е изд. — Москва: Советская энциклопедия, 1969.
^ //Людзі асобага складу (В. І. Казлоў) працяг — XVII (Ніжынская падпольная арганізацыя)
^ [1] //Звесткі аб органах улады БССР

Літаратура

Рэдкал.: І. П. Шамякін (гал. рэд.) і інш Беларусь у Вялікай Айчыннай вайне, 1941-1945: Энцыклапедыя. — Мн.: БелСЭ, 1990. — 680 с. — 20 000 ас. — ISBN 5-85700-012-2
Міхаіл Зімянін: «Заўсёды стараўся сумленна служыць Радзіме» // Газета «Звязда»

[_a0977b84782e5e41-1] а ^б Зимянин Михаил Васильевич // Большая советская энциклопедия (рас.): [в 30 т.] / под ред. А. М. Прохорова — 3-е изд. — Москва: Советская энциклопедия, 1969.

[2] //Людзі асобага складу (В. І. Казлоў) працяг — XVII (Ніжынская падпольная арганізацыя)

[3] [1] //Звесткі аб органах улады БССР

[1]

[2]

[3]