А1 (тэлекам-правайдэр)

Зьвесткі зь Вікіпэдыі — вольнай энцыкляпэдыі
(Перанакіравана з «Velcom»)
Перайсьці да навігацыі Перайсьці да пошуку
Унітарнае прадпрыемства «А1»
A1 Logo Red.jpg
Тып унітарнае прадпрыемства
Заснаваная 30 ліпеня 1998 г. (камэрцыйная дзейнасьць — 16 красавіка 1999 г.)
Заснавальнікі «Самаві Бразэрз Тэлеком» (Кіпр)
Краіна Беларусь
Разьмяшчэньне Менск, вул. Інтэрнацыянальная, д. 36
Ключавыя фігуры Гэльмут Дуз (генеральны дырэктар)
Галіна сувязь
Прадукцыя Паслугі мабільнай і фіксаванай сувязі, анлайн-тэлебачаньне, выраб забаўляльнага кантэнту, паслугі ICT
Абарачэньне Red Arrow Down.svg 389,3 млн (2018)[1]
Апэрацыйны прыбытак Red Arrow Down.svg 163,8 млн (2018)[1]
Лік супрацоўнікаў ~3000 чал. (2019)
Матчына кампанія «A1 Telekom Austria Group» (Вена)

Унітарнае прадпрыемства «А1» (А1, да 12 жніўня 2019 – velcom) — прыватны правайдэр тэлекамунікацыйных, ІКТ і кантэнт-паслуг у Беларусі[2]. Прадастаўляе паслугі сувязі стандарту GSM 900/1800, UMTS (WCDMA/HSDPA/HSUPA/HSPA+) і 4G (празь сетку beCloud), другі паводле колькасьці абанэнтаў апэратар сотавай сувязі ў Беларусі[3]. Таксама А1 прадастаўляе паслугі доступу ў інтэрнэт па стандартах ADSL, Ethernet і GPON ва ўсіх абласных цэнтрах Беларусі, у Бабруйску, Жлобіне, Рэчыцы, Сьветлагорску і Добрушы, а таксама лічбавага тэлебачаньня IPTV пад брэндам VOKA.

Гісторыя[рэдагаваць | рэдагаваць крыніцу]

Лягатып кампаніі з 1999 па 2008 год

У ліпені 1998 году адбылося заснаваньне сумеснага беларуска-кіпрскага таварыства з абмежаванай адказнасьцю «Мабільная лічбавая сувязь», што атрымала дазвол на праектаваньне, будаўніцтва і выкарыстаньне агульнакраёвай сеткі сотавай сувязі стандарту GSM-900, а таксама на наданьне паслугаў сувязі стандарту GSM. Кампанія пачала ажыцьцяўляць камэрцыйную дзейнасьць па прадстаўленьні паслуг і тавараў мабільнай сувязі 16 красавіка 1999 году і стала першым сотавым апэратарам стандарту GSM у Беларусі (першы сотавы апэратар — NMT-апэратар «БелСел»).

Да старту камэрцыйнай эксплюатацыі былі запушчаныя 10 базавых станцыяў (9 у Менску, 1 — у Арэшніках па дарозе на Нацыянальны аэрапорт «Менск»). Да лета 2000 году да сеткі А1 былі падключаныя ўсе абласныя гарады Беларусі. Мабільная сувязь зьявілася на трасе Менск — Берасьце — Ворша і ў найбліжэйшых населеных пунктах. З 23 красавіка 2007 году мабільная сувязь А1 стала даступная ўсяму гарадзкому насельніцтву Беларусі. У красавіку 2019 апэратар запусьціў першую GSM-сетку на тэрыторыі Палескага дзяржаўнага радыяцыйна-экалягічнага запаведніка[4].

З 15 сакавіка 2001 году абанэнты А1 атрымалі магчымасьць адпраўляць і прымаць SMS[5], у чэрвені 2005 году — MMS.

2 чэрвеня 2003 году апэратар запусьціў паслугу GPRS. У сьнежні 2005 году ў трох абласьцёх Беларусі стала даступная тэхналёгія EDGE.[6]

19 траўня 2004 году стаў першым сотавым апэратарам, што займеў беларускамоўную вэрсію сайту[7][8].

30 сакавіка 2006 году кампанія А1 першай у Беларусі распачала тэставую эксплюатацыю сувязі трэцяга пакаленьня. 3G-сетка была разгорнута за 27 дзён. Камэрцыйны запуск сеткі 3G у Менску і Гомлі адбыўся 17 сакавіка 2010 г[9]. У лютым 2016-га А1 першым у Беларусі запусьціў 3G-сетку ў дыяпазоне 900 МГц, а ў траўні 2019 палепшыў прапускную здольнасьць 3G-сеткі, першым аснасьціўшы базавыя станцыі чацьвертай апорнай радыёчастатой у дыяпазоне 2100 МГц.[10]

Лягатып кампаніі «Вэлком» у 2008—2019 гадах

Зь лістапада 2007 году кампанія ўвайшла ў склад A1 Telekom Austria Group у выніку набыцьця спачатку 70% (лістапад 2007 г.), а потым астатніх 30% (кастрычнік 2010 году) акцыяў. Зь чэрвеня 2019 абанэнты A1 могуць карыстацца інтэрнэтам па дамашняй цане ў сетках апэратараў A1 Telekom Austria Group.[11]

У траўні 2008 году кампанія правяла рэбрэндынг, зьмяніўшы лагатып і назву на УП «Вэлком»[12].

У траўні 2009 году кампанія падпісала эксклюзіўны дагавор з ТАА СП «БелСел» аб прадстаўленьні паслуг шырокапалоснага доступу ў інтэрнэт на аснове тэхналёгіі CDMA2000 (EV-DO Rev.A). Паслугі прадастаўляліся да траўня 2013 году[13].

У 2014 годзе адкрытая афіцыйная інтэрнэт-крама, запушчанае лічбавае тэлебачаньне VOKA, распачатае будаўніцтва ўласнага дата-цэнтру кампаніі.

Да 2017 году А1 ператвараецца ў буйнога гульца на рынку фіксаванай сувязі Беларусі шляхам набыцьця шэрагу інтэрнэт-правайдэраў. У гэтым жа годзе кампанія А1 стала першым мабільным апэратарам у сьвеце, які запусьціў у камэрцыйную эксплюатацыю цалкам віртуальнае ядро мабільнай сеткі.

У 2017 годзе А1 атрымаў дазвол на камэрцыйны запуск першай у Беларусі вузкапалоснай сеткі NB-IoT[14], прызначанай для «інтэрнэту рэчаў». На 2019 год гэта тэхналёгія запушчаная ў Менску і ва ўсіх абласных гарадах Беларусі.

У красавіку 2018 году абанэнтам А1 сталі даступныя званкі па Wi-Fi з выкарыстаньнем тэхналёгіі VoWiFi (Voice over Wi-Fi, альбо Wi-Fi Calling)[15]. Улетку таго ж году А1 у партнэрстве з ЗАТ «Банк Рашэньне» і міжнароднай плацежнай сыстэмай Visa запусьціў віртуальную картку з кэшбэкам A1 banking для аплаты шырокага спэктру паслуг.

21 сакавіка 2019 году А1 пачаў прадастаўляць паслугі перадачы зьвестак па тэхналёгіі 4G[16]. Паслугі мабільнага інтэрнэту па тэхналёгіі 4G прадастаўляюцца абанэнтам А1 у сетцы інфраструктурнага апэратара beСloud у дыяпазоне радыёчастасьцяў 1800 МГц у Менску, Пінску[17], а таксама часткова — у Менскім раёне.

8 красавіка 2019 году кампанія аб’явіла аб пачатку рэбрэндынгу. У пераходны пэрыяд да жніўня ў камунікацыях выкарыстоўваўся дуал-брэнд «velcom | A1». З 12 жніўня — адзіны брэнд А1.

У красавіку 2019 году A1 забясьпечыў бясплатны доступ у інтэрнэт па тэхналёгіі Wi-Fi у 18 электрацягніках Беларускай чыгункі[18]. У чэрвені 2019 году апэратар запусьціў 38 новых базавых станцый уздоўж чыгуначных шляхоў для паляпшэньня якасьці мабільнай сувязі ў цягніках.

З красавіка па травень 2019 году А1 забясьпечыў мабільнай сувязьзю ўсі тунэлі Маскоўскай і Аўтазаводскай ліній Менскага мэтрапалітэну.[19][20]

12 жніўня 2019 году А1 прадставіў першы смартфон пад уласнай гандлёвай маркай — А1 Альфа.[21] У гэты ж дзень кампанія першай у Беларусі запусьціла віртуальныя eSIM-карткі[22], а ў лістападзе 2019 дала магчымасьць перайсьці на eSIM анлайн у асабістым кабінеце.

12 лістапада 2019 пры ўдзеле А1 была падпісана сумесная беларуска-аўстрыйская дэкларацыя па ўмацаваньні супрацоўніцтва ў сферы сувязі, інфармацыйна-камунікацыйных тэхналогій і развіцьця тэхналёгіі 5G[23]. А1 падаў заяўку на выдзяленьне радыёчастотнага спектру, які адказвае патрабаваньням міжнародных стандартаў, а таксама вядзе распрацоўку архітэктуры сеткі 5G.

Уладальнікі і кіраўніцтва[рэдагаваць | рэдагаваць крыніцу]

Да студзеня 2005 году 69,9% акцыяў А1 належала кіпрскай кампаніі Samauwi Brothers Telecom (SB Telecom Ltd.), 30% — ЗАТ «Белтэхэкспарт», 0,1% — РУП «Белтэлекам». У студзені 2005 г. у лік трымальнікаў акцый кампаніі ўвайшла дзяржава: яна атрымала 30,9%, за SB Telecom засталося 49%, ЗАТ «Белтэхэкспарт» — 20%, «Белтэлекам» — 0,1%[24][25].

У жніўні 2007 году кіпрская кампанія SB Telecom выкупіла 100% акцыяў прадпрыемства за $556 млн[26].

У пачатку кастрычніка 2007 г. аўстрыйская кампанія A1 Telekom Austria Group падпісала дагавор аб куплі 70% акцыяў SB Telecom[27], а ў кастрычніку 2010 году — астатніх 30% акцыяў.

Генэральным дырэктарам кампаніі паводле стану на 2019 год зьяўляўся Гельмут Дуз.

Дзейнасьць[рэдагаваць | рэдагаваць крыніцу]

Мабільная сувязь[рэдагаваць | рэдагаваць крыніцу]

Кампанія А1 прадастаўляе паслугі сувязі стандартаў GSM 900/1800, UMTS (WCDMA/HSDPA/HSUPA/HSPA+), 4G на тэрыторыі Беларусі.

Абанэнтам апэратара даступныя базавыя паслугі (галасавая сувязь, перадача зьвестак, SMS, MMS, галасавая пошта й інш.), а таксама дадатковыя сэрвісы (роўмінг, паслугі для бізнэсу і забаўляльныя паслугі).

Нумары абанэнтаў[рэдагаваць | рэдагаваць крыніцу]

  • +375-29-1**-**-**
  • +375-29-3**-**-**
  • +375-29-6**-**-**
  • +375-29-9**-**-**
  • +375-44-4**-**-**
  • +375-44-5**-**-**
  • +375-44-7**-**-**

У сувязі з уводам у Рэспубліцы Беларусь паслугі па міграцыі нумароў нумары абанэнтаў могуць прымаць значэньні:

  • +375-25-***-**-**
  • +375-29-***-**-**
  • +375-33-***-**-**

Фіксаваная сувязь[рэдагаваць | рэдагаваць крыніцу]

Кампанія пачала будаўніцтва ўласнай аптавалаконнай сеткі для кліентаў — юрыдычных асобаў у верасьні 2014 году[28].

У 2016—2018 гадах А1 правёў шэраг зьдзелак па набыцьці беларускіх інтэрнэт-правайдэраў — «Атлант Тэлекам» (Менск)[29], «Айчына плюс» (Менск)[30], «Белінфанэт» (Мінск), «Гарант» (Гомель[31] і Віцебск[32]), «Ранак Мэдыя» (Светлагорск). А таксама большасьці прыватных і некаторых карпаратыўных абанэнтаў інтэрнэт-правайдэра «Дзелавая сетка» (Менск)[33].

У цяперашні час А1 прадастаўляе паслугі доступу ў інтэрнэт па стандартах GPON, Ethernet, ADSL ва ўсіх абласных цэнтрах Беларусі, а таксама ў Бабруйску, Жлобіне, Добрушы, Рэчыцы, Сьветлагорску.

На 30 верасьня 2019 г. абанэнцкая база сеткі фіксаванай сувязі ад А1 складала каля 395 тыс. карыстальнікаў[34]. Большасьць інтэрнэт-тарыфаў апэратару зьяўляюцца комплекснымі, то бок маюць на ўвазе адначасовае атрыманьне і паслугі лічбавага тэлебачаньня пад брэндам VOKA[35].

Відэасэрвіс VOKA[рэдагаваць | рэдагаваць крыніцу]

Відэасэрвіс ад А1 прадастаўляецца пад брэндам VOKA. Для кліентаў фіксаванага інтэрнэту А1 сэрвіс працуе па тэхналёгіі IPTV і прадастаўляе больш за 160 каналаў (у тым ліку 47 у HD-якасьці)[36]. У сетках іншых апэратараў мабільнай і фіксаванай сувязі паслуга прадстаўляецца па тэхналёгіі OTT і ўключае ў сябе больш за 140 тэлеканалаў (у тым ліку 39 у HD-якасьці). VOKA падтрымлівае розныя інтэрактыўныя функцыі: паўза, перамотка і архіў тэлеперадач, а таксама магчымасьць працягнуць прагляд на іншай прыладзе. Для ўсіх карыстальнікаў сэрвісу даступныя фільмы, мультфільмы і сэрыялы анлайн-кінатэатраў MEGOGO, «Амедиатека», START, ivi, а таксама кантэнт студыі Disney. Сэрвіс даступны для мабільных прылад на Android і iOS, для SmartTV на Tizen, WebOS, Android TV, праз прыстаўкі Redbox Mini, Xiaomi Mi Box 3, Apple TV (праз AirPlay). На кампутарах карыстацца відэасэрвісам можна праз праграму VOKA для Windows або праз вэб-версію.

У 2018 г. у сэрвісе VOKA пачаў зьяўляцца ўласны мэдыякантэнт: разьдзелы «Наш футбол» і «Наш хакей» з трансьляцыямі матчаў з удзелам беларускіх клюбаў і зборных, live-трансьляцыі канцэртаў, музычных фэстываляў і іншых забаўляльных мерапрыемстваў, канферэнцый і форумаў, а таксама трансляцыі кіберспартыўных турніраў у раздзеле «Кіберспорт». Таксама для карыстальнікаў даступны разьдзел «CINEVOKA — кіно па-беларуску», у якім разьмяшчаюцца фільмы ў прафэсійнай агучцы на беларускую мову[37]. З чэрвеня 2019 г. у карыстальнікаў відэасэрвісу з'явілася магчымасьць глядзець у агучцы папулярныя серыялы НВО: першы сезон серыяла «Сэкс у вялікім горадзе», міні-серыял «Чарнобыль» і заключны сезон «Гульні тронаў».

У 2018 г. відэасэрвіс пачаў папаўняць профіль кантэнтам уласнай вытворчасьці. У раздзеле VOKA SHOW можна знайсьці агляды, міні-рэаліці і ТБ-шоў, створаныя эксклюзіўна для платформы.

28 студзеня 2019 г. у відэасэрвісе VOKA зьявілася самая вялікая ў краіне бібліятэка кантэнту ў ультравысокай разьдзяляльнасьці Ultra High-Definition (4K) [38].

VOKA CINEMA[рэдагаваць | рэдагаваць крыніцу]

У жніўні 2017 г. у партнэрстве зь сеткай кінатэатраў Silver Screen адкрыўся мультыплекс VOKA CINEMA (да 2019 году – velcom cinema). Кінатэатар уключае ў сябе сем высокатэхналягічных кіназаляў[39].

У 2018 годзе на базе VOKA запушчаны праект па паказе артхаўснага кіно Silver ART[40], а ў 1019 адкрыты кінаклюб «Артфармат» для аматараў аўтарскага кіно[41].

У жніўні 2019 году ў кінатэатры адкрылася першая ва Усходняй Эўропе кіназала з вуглом агляду 270 градусаў па тэхналогіі ScreenX[42].

У верасьні 2019 году VOKA і Silver Screen пачалі сумесны пражкт «Тутэйшын Студыя» па перакладу навінак кіно на беларускую мову[43]. Першымі былі агучаныя фільмы «Нулявуд» і «Шлюбная гарачка».

Дата-цэнтар і ІКТ-паслугі[рэдагаваць | рэдагаваць крыніцу]

У верасьні 2017 г. у Менску А1 запусьціў адзін з найбуйнейшых у Беларусі цэнтраў апрацоўкі зьвестак (ЦАЗ). Дата-цэнтар займае плошчу ў 7,5 тыс. кв. м. Будаўніцтва дата-цэнтру заняло больш за 2 гады і абышлося ў $20 млн[44].

Дата-цэнтар А1 мае міжнародны сэртыфікат Uptime Institute (UI) па ўзроўні адмоваўстойлівасьці Tier III у катэгорыях Design і Facility. Чатыры модулі ЦАЗ разьлічаныя на 800 сэрвэрных стоек і маюць уласнае аптычнае колца — 43 кілямэтры сеткі з прапускной здольнасьцю 1 Тбіт/сек. На сёньняшні дзень[Калі?] запушчаны ў эксплюатацыю 1-ы модуль на 200 сэрвэрных стоек.

У цяперашні час дата-цэнтар прадастаўляе наступныя паслугі: разьмяшчэньне сэрвэрнага і сеткавага абсталяваньня (Colocation), арэнда віртуальных рэсурсаў для пабудовы IT-інфраструктуры (IaaS на базе платформы VMware), рэзервовае капіяваньне і аднаўленьне зьвестак (Baas на базе прадуктаў Veeam Backup and Restore), прадастаўленьне сэрвэрнага і сеткавага абсталяваньня ў арэнду (паслуга HaaS), хмарнае сховішча на базе Veeam Cloud Connect, віртуальная інфраструктура voblaka на базе тэхналёгіі Exoscale, а таксама карыстаньне праграмнымі прадуктамі Microsoft на ўмовах падпіскі і пашыраная тэхнічная падтрымка і абслугоўваньне баз зьвестак Oracle.

У сакавіку 2019 г. спэктар паслуг, якія прадстаўляюцца, пашырыўся сэрвісамі бясьпекі. Дата-цэнтар А1 прайшоў атэстацыю Апэратыўна-аналітычнага цэнтру пры прэзыдэнце Рэспублікі Беларусь і запусьціў паслугу «Воблака-62», прызначаную для юрыдычных асоб, якія працуюць з канфідэнцыйнай інфармацыяй з высокай ступеньню абароненасьці[45].

У жніўні 2019 года дата-цэнтар А1 падцвердзіў адпаведнасьць стандарту ISO 27001.[46].

Сонечная электрастанцыя[рэдагаваць | рэдагаваць крыніцу]

Улетку 2016 году паблізу Брагіна (Гомельская вобласьць) А1 запусьціў сонечную электрастанцыю, якая складаецца з 85 тысяч сонечных панэляў[47]. Станцыя пабудавана на тэрыторыі, якая пацярпела ад катастрофы на Чарнобыльскай АЭС і таму мала прыдатная для вядзеньня сельскай гаспадаркі. Для злучэньня паміж сабой усіх сонечных модуляў кампанія А1 праклала каля 800 км кабэльных ліній.

У кастрычніку 2017 г. у Любанскім раёне Менскай вобласьці А1 запусьціў першую ў Беларусі базавую станцыю сувязі, якая працуе на сонечнай энергіі[48].

Статыстыка[рэдагаваць | рэдагаваць крыніцу]

На 30 верасьня 2019 году паслугамі мабільнай сувязі кампаніі карысталіся 4,877 млн абанэнтаў. Паслугамі фіксаванага доступу ў інтэрнэт і ТБ карысталіся 395 тыс. карыстальнікаў. Доля кампаніі на рынку мабільнай сувязі склала 41,8%[34].

Мабільнай сувязьзю 2G ахоплена 97,7% тэрыторыі краіны, на якой пражывае 99,9% насельніцтва (100% гарадскіх жыхароў). 3G даступна на 97,1% тэрыторыі краіны. Паводле стану на чэрвень 2010 году ў сетцы А1 працавала 3301 базавая станцыя і 28754 прыёмаперадатчыкі ў 1360 населеных пунктах краіны[49], а таксама 8 камутатараў: 3 у Менску і па аднаму ў кожным абласным цэнтры.

Кліенты кампаніі могуць карыстацца паслугай міжнароднага роўмінгу ў 191 краіне сьвету ў сетках 382 апэратараў[50]. Унітарнае прадпрыемства «А1» мае ўласную сетку цэнтраў продажаў і абслугоўваньня, якая складаецца з 90 офісаў у 32 гарадах Беларусі[51]. Дылерская сетка налічвае больш за 500 салёнаў па ўсёй краіне.

Дата 1 сьнежня 2000 1 кастрычніка 2001 31 кастрычніка 2003 15 студзеня 2004 29 кастрычніка 2004 1 студзеня 2005 1 студзеня 2006 1 жніўня 2006 31 сьнежня 2007 31 сьнежня 2008
Колькасьць (тыс.) і дзель сотавых абанэнтаў 26[52] (60,5%) 85 (80,9%[53]) 580 (61,7%[54]) 620 (56,8%[55]) 1000 (48,1%[56]) 1135 (46,6%[57]) 1885 (46,1%[58]) 2360 (45,8%[59]) 3059 (43,4%[34]) 3698 (44,8%[34])
Ахоп насельніцтва 0,26%[60] 0,85%[61] 5,94%[62] 6,35% 10,31% 11,7% 19,57% 24,64% 38,89%
Дата 31 сьнежня 2009 31 сьнежня 2010 31 сьнежня 2011 31 сьнежня 2012 31 сьнежня 2013 31 сьнежня 2014 31 сьнежня 2015 31 сьнежня 2016 31 сьнежня 2017 31 сьнежня 2018
Колькасьць (тыс.) і дзель сотавых абанэнтаў 4102 (42,7%[34]) 4354 (41,9%[34]) 4620 (41,1%[34]) 4800 (43,5%[34]) 4947 (42,5%[34]) 4950 (42,4%[34]) 4956 (42,5%[34]) 4945 (43,2%[34]) 4864 (42,5%[34]) 4873 (42%[34])
Ахоп насельніцтва 48,81%
Абанэнтаў фіксаванай сувязі, млн - - - - - - - 0,179 0,306 0,452

Выручка кампаніі (паводле зьвестак міжнароднай фінансавай справаздачнасьці) па выніках першых 9 месяцаў 2019 г. склала 312,1 млн эўра, паказчык EBITDA (прыбытак да выліку выдаткаў па працэнтах, выплаты падаткаў і амартызацыйных адлічэньняў) — 141,2 млн эўра.

За 2018 год сума выручкі склала 936,4 млн рублёў, EBITDA — 394 млн рублёў[34].

Год Выручка, млн эўра EBITDA, млн эўра EBITDA Margin Апэрацыйны даход, млн эўра Capex
2011 260,9 106,6 40,9 % -255,2 44,9
2012 301,2 124,4 41,3 % 29,5 43,7
2013 331,7 155,9 47,0 % 71,6 34,0
2014 355,0 172,4 48,6 % 82,2 48,5
2015 332,2 163,7 49,3 % 86,6 66,1
2016 321,0 151,5 47,2 % 87,8 73,7
2017 390,5 181,3 46,4 % 123,1 47,1
2018 390,9 177,7 45,5 % 90,3 49,7

Карпаратыўная сацыяльная адказнасьць[рэдагаваць | рэдагаваць крыніцу]

У сьпісе прыярытэтных напрамкаў карпаратыўнай сацыяльнай адказнасьці кампаніі — дапамога дзецям і садзейнічаньне захаваньню нацыянальных каштоўнасьцей[63].

Дапамога дзецям[рэдагаваць | рэдагаваць крыніцу]

Дабрачынны праэкт #velcombegom – адна з найбольш маштабных сацыяльных ініцыятыў кампаніі: штогод з 2015 па 2019 праводзілася 2-3 дабрачынныя акцыі[64]. Мэта праэкта – аказаньне дапамогі дзіцячым мэдыцынскім установам і садзейнічаньне прасоўваньня здаровага ладу жыцьця і папулярызацыі бегу. Бэнэфіцыярамі акцыі былі рэспубліканскія дзіцячыя цэнтры мэдыцынскай рэабілітацыі, Дом-інтэрнат для дзяцей-інвалідаў з асаблівасьцямі псыхафізычнага разьвіцьця й іншыя дзіцячыя мэдыцынскія ўстановы. За час правядзеньня праэкта кампанія пералічыла ім больш за 700 000 беларускіх рублёў фінансавай дапамогі. У 2018 г. акцыя «Бягучыя гарады» #velcombegom стала пераможцам Міжнароднага конкурсу камунікацыйных праектаў Eventiada IPRA Golden World Awards 2018 у намінацыі «За найлепшы праект у сфэры здаровага ладу жыцьця»[65].

Падтрымкай людзей з аўтызмам А1 займаецца з 2015 г. У 2016 г. па ініцыятыве МДГА «Дзеці. Аўтызм. Бацькі» і кампаніі А1 на базе Студыі Пушкаровай быў створаны Сямейны інклюзіў-тэатар «і», якому кампанія аказвае фінансавую і інфармацыйную падтрымку ў якасьці генэральнага партнэра. З 2016 г. А1 прымае ўдзел у штогадовай міжнароднай акцыі Light It Up Blue 2 красавіка, накіраванай на падтрымку людзей з аўтызмам[66].

Праект «Я бачу!» рэалізуецца А1 з 2016 г. сумесна зь Беларускім дзіцячым фондам пры падтрымцы Міністэрства аховы здароўя Рэспублікі Беларусь. Мэта праекту — дапамога ў своечасовай дыягностыцы і выяўленьне раньніх парушэньняў зроку ў дзяцей школьнага веку, якія пражываюць у сельскай мясцовасьці. У 2016 г. дабрачынны праект «Я бачу!» праходзіў у Магілёўскай вобласьці, у 2017 г. — у Гомельскай, у 2018 г. — у Берасьцейскай. У 2019 г. праект «Я бачу!» працягнуўся ў сельскіх школах Віцебскай вобласьці[67].

У верасьні 2019 г. А1 стаў генеральным партнёрам футбольнай школы «Юніёр». Супрацоўніцтва складацца з некалькіх напрамкаў па развіцьці дзіцяча-юнацкага спорту, уключаючы распрацоўку брэнду «А1 Юніёр» і закупку новай экіпіроўцы для гульцоў клуба[68].

Падтрымка беларускай мовы і культуры[рэдагаваць | рэдагаваць крыніцу]

А1 падтрымлівае ініцыятывы, накіраваныя на павышэньне цікавасьці да беларускай нацыянальнай спадчыны, традыцый, гісторыі, культуры і мастацтва.

У 2015 годзе кампанія А1 пры падтрымцы Камітэту па адукацыі Менгарвыканкаму распачала сацыяльна арыентаваны і адукацыйны праект «Чытаем па-беларуску», а ў 2016 ініцыятыва ахапіла школы па ўсёй Беларусі. Перад вучнямі пачатковых клясаў выступалі Ўладзімер Ліпскі, Юры Жыгамонт, Раіса Баравікова, Тацяна Сівец, Андрусь Такінданг, Аліна Талай і іншыя. У 2017-2018 навучэнцам 7-8 класаў з усёй Беларусі прапанавалася запісаць відэа, на якім яны чытаюць адзін з твораў беларускай літаратуры. На прапанову арганізатараў праекту адгукнуліся таксама прадстаўнікі амбасадаў Швэцыі, Кыргыстану, Славаччыны, Чэхіі і Фінляндыі, яны прачыталі на відэа творы беларускіх аўтараў у падтрымку ўдзельнікаў конкурсу[69].

З 2016 па 2019 сумесна з «Кінаконг» кампанія праводзіла праект «Беларускія ўікэнды». За гэты час былі перакладзеныя і агучаныя па-беларуску такія фільмы, як «Хронікі Нарніі: Леў, Вядзьмарка і Гардэроб», «Маленькі прынц», «Форэст Гамп», «Шторм: палаючы ліст», «Кніга Ілая», «Таемнае жыцьцё Ўолтэра Міці», «Рыбка Поньё», «Падымаецца вецер», «Мой сябар жырафа», «Вогненыя калясьніцы», «Неверагодны містэр Фокс», «Цвёрды арэшак», «Адзін дома», «Тэрмінатар-2», «Хаціка» ды іншыя. Фільмы праекту былі паказаныя ў больш чым 60 кінатэатрах краіны, а сэансы наведалі больш за 50 тысяч гледачоў[70].

У 2018-2019 кампанія А1 пры падтрымцы Міністэрства адукацыі Рэспублікі Беларусь, а таксама арганізатараў канферэнцый TEDxMinsk правяла сацыяльна-адукацыйны праэкт velcom YOUTH для старшаклясьнікаў, якія хочуць зьмяніць навакольны сьвет да лепшага. Уся камунікацыя ў ім вялася на беларускай мове. У праэкце прынялі ўдзел больш за 800 старшаклясьнікаў[71] з 230 навучальных устаноў па ўсёй краіне. Дзесяць фіналістаў праэкту 18 траўня 2019 сталі спікерамі моладзевай канферэнцыі TEDxYouth@Minsk.

У кастрычніку 2019 года стартаваў праэкт «Першыя», які рэалізуецца кампаніяй А1 пры падтрымцы арганізатараў канферэнцый TEDxMinsk[72].

У 2019 годзе А1 выступіў генеральным партнёрам 100-га сезона Нацыянальнага акадэмічнага тэатру імя Янкі Купалы[73]. Дзякуючы партнэрству арганізаваная бясплатная прамая трансляцыя знакавых спектакляў тэатру на відэасэрвісе VOKA.

Крыніцы[рэдагаваць | рэдагаваць крыніцу]

  1. ^ а б Results for the Full Year 2018 A1 TAG
  2. ^ velcom объявил о репозиционировании на рынке и сменит бренд на А1
  3. ^ BELNETMON — Net Monitor in Belarus — Колькасьць абанэнтаў у Беларусі
  4. ^ В зоне отчуждения в Чернобыле запустили мобильную связь. www.onliner.by. Праверана 2019-04-23 г.
  5. ^ Девять БС и один человек в кол-центре. Как 20 лет назад начиналась GSM-связь в Беларуси. www.onliner.by. Праверана 2019-04-10 г.
  6. ^ velcom: технология EDGE доступна в трех областях Беларуси. A1.by. Праверана 2019-08-16 г.
  7. ^ Velcom па-беларуску. Беларускае пакаленьне Y (19 траўня 2004). Праверана 3 лістапада 2012 г.
  8. ^ Севярын Квяткоўскі (20 кастрычніка 2004) Расейская кампанія МТС афіцыйна заявіла пра беларусізацыю сваіх паслугаў у Беларусі Эканоміка. Радыё «Свабода»Праверана 13 лістапада 2012 г.
  9. ^ Аляксей Арэшка (9 чэрвеня 2010) Апэратар сотавай сувязі velcom пачаў камэрцыйную эксплюатацыю сеткі 3G/3G+ у Пінску Эканоміка. БелаПАН. Праверана 13 лістапада 2012 г.
  10. ^ velcom A1 получил четвертую частоту для 3G. Onliner.by. Праверана 2019-05-04 г.
  11. ^ За границей как дома: velcom | A1 предложил 1 ГБ трафика в роуминге всего за Br5,9. interfax.by. Праверана 2019-06-03 г.
  12. ^ ИП «МЦС» изменило своё официальное название на ИП «Велком» и модернизировало бренд Архіўная копія ад 19 траўня 2008 г.
  13. ^ О приостановлении оказания услуги «Высокоскоростной мобильный интернет» в некоторых областных и районных центрах. A1.by. Праверана 2019-08-15 г.
  14. ^ velcom запустил первую в стране сеть для «интернета вещей». A1.by. Праверана 2019-08-16 г.
  15. ^ velcom запустил для своих абонентов звонки по Wi-Fi. A1.by. Праверана 2019-08-16 г.
  16. ^ Абонентам телеком-оператора velcom стала доступна 4G-сеть. A1.by. Праверана 2019-08-16 г.
  17. ^ A1 возобновляет оказание услуг 4G в Пинске. A1.by. Праверана 2019-10-24 г.
  18. ^ velcom | A1 завершил проект по улучшению качества связи вдоль «критских коридоров». A1.by. Праверана 2019-08-16 г.
  19. ^ Ян Альшэўскі (2019-04-29) velcom | A1 запустил в тестовом режиме связь в тоннелях Московской линии метро Праверана 2019-04-29 г.
  20. ^ velcom | A1 обеспечил связью тоннели Автозаводской линии минского метро Праверана 2019-05-14 г.
  21. ^ Уласны смартфон, «разумны дом», кіно ў панарамным фармаце: A1 распавёў, што будзе рабіць далей Праверана 2019-08-15 г.
  22. ^ A1 первым в Беларуси запустил eSIM Праверана 2019-08-15 г.
  23. ^ При участии А1 подписана декларация о развитии 5G между Австрией и Беларусью Праверана 2019-11-13 г.
  24. ^ Часопіс «Стандарт», люты 2005
  25. ^ Дзядко Т. Першы прыватны апэратар // Ведомости, №157 (1931), 23 жніўня 2007
  26. ^ velcom действительно продали(рас.). Хартия’97 (22 жніўня 2007). Архіўная копія ад 30 верасня 2007 г.
  27. ^ Telekom Austria Group Enters the Belarusian Mobile Communications Market (анг.)
  28. ^ velcom предлагает бизнесу выгодный безлимитный фиксированный интернет. A1.by. Праверана 2019-08-17 г.
  29. ^ Официально: velcom покупает "Атлант Телеком"(рас.) Праверана 2018-03-31 г.
  30. ^ Провайдеры "Саммит", "Айчына Плюс" и "Драйв" передали активы velcom. tvnews.by. Праверана 2018-12-28 г.
  31. ^ Константин Сидорович velcom купил еще одного интернет-провайдера — гомельский «Гарант». Возможны новые поглощения - Технологии onliner.by. Onliner.by. Праверана 2018-03-31 г.
  32. ^ velcom сообщил о завершении сделки по покупке витебского «Гаранта». Народные новости Витебска. Праверана 2018-10-06 г.
  33. ^ velcom продолжает расширять базу клиентов фиксированного интернета. A1.by. Праверана 2019-08-17 г.
  34. ^ а б в г д е ё ж з і к л м н о Interim Results — A1 Telekom Austria Group(анг.)
  35. ^ Абоненты домашнего интернета velcom переходят на единую платформу VOKA. A1.by. Праверана 2019-08-17 г.
  36. ^ velcom ввел «оптовый» тариф для телевидения VOKA
  37. ^ Самый интерактивный видеосервис Беларуси. История продвижения VOKA в 2018 году
  38. ^ В видеосервисе VOKA появился 4K-контент
  39. ^ Интерьер hi-tech, 7 кинозалов, билеты от 7 до 26 рублей. Как выглядит новый мультиплекс в Dana Mall. www.onliner.by. Праверана 2019-04-18 г.
  40. ^ В Минске покажут три фильма Альмодовара с общим мировым сбором почти $76 млн. officelife.media. Праверана 2019-04-18 г.
  41. ^ В VOKA CINEMA открывается киноклуб «Артформат». A1.by. Праверана 2019-11-13 г.
  42. ^ У Беларусі з'явілася кіназала з вуглом агляду 270 градусаў. 34Mag. Праверана 2019-09-14 г.
  43. ^ «Нулявуд» — новы фільм Джэймса Франка выходзіць па-беларуску адначасова з сусветнай прэм’ерай. Новы час. Праверана 2019-09-14 г.
  44. ^ velcom открыл крупнейший в Беларуси дата-центр. a1data.by. Праверана 2019-08-17 г.
  45. ^ velcom запускает новый облачный сервис для хранения конфиденциальных данных. a1data.by. Праверана 2019-08-15 г.
  46. ^ A1 представил пакет новых продуктов и услуг. dev.by. Праверана 2019-08-15 г.
  47. ^ velcom запустил солнечную электростанцию размером с 60 футбольных полей. www.onliner.by. Праверана 2018-11-11 г.
  48. ^ velcom запустил базовую станцию на солнечных батареях. naviny.by. Праверана 2019-04-03 г.
  49. ^ Новости развития сети в июне. A1.by. Праверана 2019-08-22 г.
  50. ^ velcom предоставил услуги интернет-роуминга абонентам ПРИВЕТ. A1.by. Праверана 2019-08-22 г.
  51. ^ Пра кампанію(бел.)
  52. ^ Тэрэза Хаюціна, БелТА «Privet» па мабільнаму // Зьвязда : газэта. — 21 сьнежня 2000. — № 259 (24110). — ISSN 1990-763x.
  53. ^ Welcome МТС! // Наша Ніва : Газэта. — 1 кастрычніка 2001. — № 40 (249). — С. 6. — ISSN 1819-1614.
  54. ^ Вікторыя Захарава Дзясятая частка беларусаў — «мабільныя» // Зьвязда : газэта. — 31 кастрычніка 2003. — № 273-274. — ISSN 1990-763x.
  55. ^ Вікторыя Захарава «Мабільных» беларусаў стала больш // Зьвязда : газэта. — 15 студзеня 2004. — № 10 (25023). — ISSN 1990-763x.
  56. ^ Вікторыя Целяшук Першаму апэратару — другі «мабільны» мільён // Зьвязда : газэта. — 29 кастрычніка 2004. — № 260-261. — ISSN 1990-763x.
  57. ^ Вікторыя Захарава Кожны чацьвёрты — мабільны // Зьвязда : газэта. — 6 студзеня 2005. — № 3 (25335). — ISSN 1990-763x.
  58. ^ Іна Арэхава «Мабільная» Беларусь // Зьвязда : газэта. — 10 студзеня 2006. — № 4 (25593). — ISSN 1990-763x.
  59. ^ Аляксей Раманчук, БелТА Нас, «мабільных», — 5 мільёнаў // Зьвязда : газэта. — 4 жніўня 2006. — № 171 (25760). — ISSN 1990-763x.
  60. ^ Сяргей Сьнегін, БелаПАН Насельніцтва Беларусі зьменшылася на 29,3 тысячы чалавек // Зьвязда : Газэта. — 2 сакавіка 2001. — № 46 (24162). — ISSN 1990-763x.
  61. ^ Галіна Абакунчык, Радыё «Свабода» (22 студзеня 2002) З-за эканамічнага крызісу ў Беларусі імкліва меншае насельніцтва Грамадзтва. Tut.byПраверана 13 лістапада 2012 г.
  62. ^ Памер і натуральны прырост насельніцтва Рэспубліка Беларусь у лічбах, 1995-2011. Нацыянальны статыстычны камітэт Рэспублікі БеларусьПраверана 13 лістапада 2012 г.
  63. ^ velcom выходит за рамки сферы деятельности мобильного оператора
  64. ^ #velcombegom финиширует. A1.by. Праверана 2019-09-14 г.
  65. ^ «Бегущие города #velcombegom» стал победителем Международного конкурса коммуникационных проектов в Москве
  66. ^ «Зажги синим!»: в рамках социальной акции velcom минские здания включили синюю подсветку
  67. ^ Праект А1 і БДФ «Я бачу!» пашырыўся: у Віцебскай вобласці тры брыгады ўрачоў правяраюць зрок у школьнікаў
  68. ^ А1 Юниор. fc-junior.by. Праверана 2019-10-03 г.
  69. ^ Паслы замежных дзяржаў масава загаварылі па-беларуску
  70. ^ 57 тысяч гледачоў «Беларускіх уікэндаў»: як у velcom атрымалася падтрымаць кіно на беларускай мове
  71. ^ Участники velcom YOUTH приступают к реализации своих идей
  72. ^ А1 начал приём заявок на конкурс идей для старшеклассников «Першыя». A1.by. Праверана 2019-10-09 г.
  73. ^ А1 – генеральны партнёр 100-га сезона Нацыянальнага акадэмічнага тэатра імя Янкі Купалы. A1.by. Праверана 2019-09-14 г.

Вонкавыя спасылкі[рэдагаваць | рэдагаваць крыніцу]