Аліна Талай

	Аліна Талай; лац. Alina Tałaj
Пэрсанальная інфармацыя
Поўнае імя	Аліна Генадзеўна Талай
Нарадзілася	14 траўня 1989 (35 гадоў); Ворша, БССР
Грамадзянства	Беларусь
Рост	164 см
Вага	54 кг
Прафэсійная інфармацыя
Спэцыялізацыя	лёгкая атлетыка (бег з бар’ерамі)
	Узнагароды і мэдалі — ЧЭ-2011 (моладзь), ЧЭ-2012, ЧЭ-2013, ЧЭ-2015; — ЧЭ-2016; — ЧЭ-2009 (моладзь), ЧС-2012, ЧС-2015;

Алі́на Гена́дзеўна Тала́й (нарадзілася 14 траўня 1989 году, Ворша, Віцебская вобласьць, БССР) — беларуская лёгкаатлетка, спрынтарка (бег з бар’ерамі). Чэмпіёнка Эўропы 2011 сярод моладзі, чэмпіёнка Эўропы 2012 году, чэмпіёнка Эўропы ў памяшканьні 2013 і 2015 гадоў; срэбраная прызэрка чэмпіянату Эўропы 2016 году; бронзавая прызэрка моладзевага чэмпіянату Эўропы 2009 году, бронзавая прызэрка чэмпіянату сьвету ў памяшканьні 2012 году, бронзавая прызэрка чэмпіянату сьвету 2015 году.

Спартовая кар’ера

Першы вялікі посьпех Аліна Талай зазнала ў 2008 року на юніёрскім чэмпіянаце сьвету ў польскай Быдгашчы, калі ў фінале бегу на 100 мэтраў з бар’ерамі фінішавала на 4-м месцы, паказаўшы найлепшы вынік з эўрапейскіх удзельніц і адстаўшы ад 3-га месца кубінкі Бэлькіс Мілянэс на адну сэкунду^[1].

У 2009 року ў летувіскім Коўне заваявала бронзавы мэдаль эўрапейскага чэмпіянату да 23 гадоў. У тым самым року дэбютавала ў дарослых спаборніцтвах, дайшоўшы да паўфіналу ў бегу на 60 мэтраў з бар’ерамі на Чэмпіянаце Эўропы ў памяшканьні.

У 2010 упершыню перасягнула 13-сэкундны паказьнік і да канца году мела найлепшы вынік 12,87 сэкунды. На чэмпіянаце сьвету ў памяшканьні-2010 у катарскай Досе і на чэмпіянат сьвету — 2010 у гішпанскай Барсэлёне з папярэдніх забегаў дайшла да паўфіналу, аднак у фінал ня трапіла.

У 2011 на чэмпіянаце Эўропы ў памяшканьні ў францускім Парыжы ў фінале бегу на 60 мэтраў з бар’ерамі заняла 5 месца з часам 7,95 с. У тым самым року ў чэскай Остраве стала чэмпіёнкай Эўропы да 23 гадоў. У фінале адзіная пераадолела 13-сэкундны бар’ер, паказаўшы вынік 12,91 с.^[2]. Ад рэкорднага выніку швэдкі Сузаны Калюр 2003 року яе аддзялілі тры сотыя сэкунды^[3]. У Чэмпіянаце сьвету ўдзелу ня брала, аднак стала пераможцай Сусьветных вайсковых гульняў з вынікам 12,95 с, усталяваўшы новы рэкорд спаборніцтваў.

У 2012 у бегу на 60 мэтраў з бар’ерамі ў турэцкім Стамбуле заваявала свой першы мэдаль сусьветнага чэмпіянату, паказаўшы вынік 7,97 с, на тры сотыя сэкунды саступіўшы срэбнай прызэрцы брытанцы Тыфані Портэр^[4]. На эўрапейскім чэмпіянаце ў Хэльсынках саступіла толькі турчанцы Нэвін Яніт і заваявала срэбра.

Удзельніца Алімпійскіх гульняў 2012 году ў катэгорыі 100 м з бар’ерамі^[5]. Па выніках 2012 году прызнаная найлепшай лёгкаатлеткай Беларусі^[6].

У 2013 стала срэбнай мэдалісткай чэмпіянату Эўропы ў памяшканьні.

Трэніруе Аліну Талай чэмпіён Эўропы ў памяшканьнях 1976 року ў бегу на 60 мэтраў з бар’ерамі і срэбны прызэр 1977 Віктар Мясьнікоў^[7].

5 верасьня 2014 году заняла трэцяе месца на этапе Брыльянтавай лігі з вынікам 12,89 сэкунды^[8]. На чэмпіянаце сьвету ў Пэкіне 28 жніўня 2015 году заваявала бронзавы мэдаль з нацыянальным рэкордам — 12,66 сэк. На чэмпіянаце Эўропы 2016 году ў Амстэрдаме заняла другое месца. На Алімпійскіх гульнях 2016 году дайшла да паўфіналу, дзе ў забегу заняла 8 месца.

Крыніцы

^ Lionel Peters & Tomas Magnusson. 100mh (84.0cm) Women (анг.) World Junior Championships 2008. World Junior Athletics History. Праверана 29 ліпеня 2013 г.
^ EJ Ostrava CZE 14 - 17 July 2011 / 8th European Athletics U23 Championships (анг.) Tilastopaja Праверана 29 ліпеня 2013 г.
^ European U23 Championships Best Performances Women (анг.) European Athletics Праверана 29 ліпеня 2013 г.
^ Todor Krastev. (25 сакавіка 2012) Women 60m Hurdles Athletics 14th World Indoor Championship 2012 Istanbul (TUR) — Saturday 11.03 (анг.) Sport Statistics — International Competitions Archive Праверана 29 ліпеня 2013 г.
^ Белорусские олимпийцы в Лондоне (рас.). Прессбол. Праверана 29 ліпеня 2013 г.
^ Бегунья Алина Талай признана лучшей легкоатлеткой Беларуси 2012 года(недаступная спасылка) (рас.)
^ Slew of close contests the highlights in Zhukovskiy (анг.) General News. International Association of Athletics Federations (18 чэрвеня 2012). Праверана 29 ліпеня 2013 г.
^ Талай стала бронзовым призером в беге на 100 м с барьерами на финальном этапе Бриллиантовой лиги (рас.) Архіўная копія

Вонкавыя спасылкі

Аліна Талай — сховішча мультымэдыйных матэрыялаў

Профіль (анг.) на бачыне IAAF
SR/Olympic Sports (анг.)
Tilastopaja(недаступная спасылка) (анг.)

[1] Lionel Peters & Tomas Magnusson. 100mh (84.0cm) Women (анг.) World Junior Championships 2008. World Junior Athletics History. Праверана 29 ліпеня 2013 г.

[2] EJ Ostrava CZE 14 - 17 July 2011 / 8th European Athletics U23 Championships (анг.) Tilastopaja Праверана 29 ліпеня 2013 г.

[3] European U23 Championships Best Performances Women (анг.) European Athletics Праверана 29 ліпеня 2013 г.

[4] Todor Krastev. (25 сакавіка 2012) Women 60m Hurdles Athletics 14th World Indoor Championship 2012 Istanbul (TUR) — Saturday 11.03 (анг.) Sport Statistics — International Competitions Archive Праверана 29 ліпеня 2013 г.

[5] Белорусские олимпийцы в Лондоне (рас.). Прессбол. Праверана 29 ліпеня 2013 г.

[6] Бегунья Алина Талай признана лучшей легкоатлеткой Беларуси 2012 года(недаступная спасылка) (рас.)

[7] Slew of close contests the highlights in Zhukovskiy (анг.) General News. International Association of Athletics Federations (18 чэрвеня 2012). Праверана 29 ліпеня 2013 г.

[8] Талай стала бронзовым призером в беге на 100 м с барьерами на финальном этапе Бриллиантовой лиги (рас.) Архіўная копія

[1]

[2]

[3]

[4]

[5]

[6]

[7]

[8]