Хавіер Бардэм

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Хавіер Бардэм
Javier Ángel Encinas Bardem
JavierBarden07TIFF.jpg
Імя пры нараджэньні Хавіер-Анхэль Бардэм-Энсінас
Дата нараджэньня 1 сакавіка 1969 (51 год)
Месца нараджэньня Ляс-Пальмас, Гішпанія
Грамадзянства Гішпанія
Занятак актор
Гады дзейнасьці 1990 — цяпер
Псэўданімы Javier Bardem
Маці Піляр Бардэм
Узнагароды

Прэмія «Оскар» за найлепшую мужчынскую ролю другога пляну (2007)

Прэмія Гільдыі кінаактораў ЗША за найлепшы акторскі склад у гульнявым кіно (2008)

Прэмія «Залаты глёбус» за найлепшую мужчынскую ролю другога пляну — кінафільм (2007)

Прэмія «Гоя» за найлепшую мужчынскую ролю другога пляну (1995)

Прэмія «Гоя» за найлепшую мужчынскую ролю (1996)

Прэмія «Гоя» за найлепшую мужчынскую ролю (2011)

Прэмія Гільдыі кінаактораў ЗША за найлепшую мужчынскую ролю другога пляну (2008)

Прэмія «Спадарожнік» за найлепшую мужчынскую ролю другога пляну — кінафільм (2012)

Прэмія «Гоя» за найлепшую мужчынскую ролю (2005)

Прэмія Нацыянальнай рады кінакрытыкаў ЗША за найлепшую мужчынскую ролю (2000)

Прэмія «Гоя» за найлепшую мужчынскую ролю (2003)

Прэмія Асацыяцыі крытыкаў тэлевізійных фільмаў за найлепшую мужчынскую ролю другога пляну (2007)

Прыз Канскага кінафэстывалю за найлепшую мужчынскую ролю (2010)

Прэмія Нацыянальнага таварыства кінакрытыкаў ЗША за найлепшую мужчынскую ролю (2000)

Прэмія Гільдыі кінаактораў ЗША за найлепшы акторскі склад у гульнявым кіно (2008)

Прэмія BAFTA за найлепшую мужчынскую ролю другога пляну (2008)

Прэмія «Незалежны дух» за найлепшую мужчынскую ролю (2001)

Прэмія «Ондас» (1995)

Эўрапейская кінаўзнагарода — прыз глядацкіх сымпатыяў найлепшаму актору (1997)

Прэмія Эўрапейскай кінаакадэміі найлепшаму актору (2004)

IMDb ID nm0000849

Хавіе́р-А́нхэль Бардэ́м-Энсі́нас (па-гішпанску: Javier Ángel Encinas Bardem; нарадзіўся 1 сакавіка 1969 году, Ляс-Пальмас, Гішпанія) — гішпанскі кінаактор, які зьняўся ў больш як дваццаці гішпанскіх кінафільмах. Ляўрэат міжнародных кінапрэміяў, у тым ліку ўзнагароды Амэрыканскай кінаакадэміі ды BAFTA «За найлепшую мужчынскую ролю другога пляну» ў фільме «Няма месца для састарэлых» (па-ангельску: No Country for Old Men, 2007 год). Таксама атрымаў «Залаты Глёбус» у намінацыі «Найлепшая мужчынская роля — драма» за гэтую ролю.

Біяграфія[рэдагаваць | рэдагаваць крыніцу]

Хавіер Бардэм нарадзіўся 1 сакавіка 1969 году ў горадзе Ляс-Пальмас, на гішпанскай высьпе Гран-Канарыя, якая ўваходзіць у Канарскі архіпэляг. Ягоная маці Піляр Бардэм зьяўляецца нашчадкам роду Бардэмаў, прадстаўнікі якога пачалі працаваць у кіно як толькі яно зьявілася ў Гішпаніі. Старэйшы брат Хавіера Карляс ды сястра Моніка таксама акторы. Кінадэбют Хавіера Бардэма адбыўся, калі яму было шэсьць гадоў. Яшчэ хлопчыкам ён зьняўся ў шэрагу тэлевізійных сэрыялаў, але потым заняўся жывапісам ды спортам. Перш чым стаць прафэсійным акторам, Хавіер Бардэм нават увайшоў у склад моладзевай зборнай Гішпаніі па рэгбі.

Кар’ера[рэдагаваць | рэдагаваць крыніцу]

У 1992 годзе Хавіер Бардэм зьявіўся ў стужцы «Jamón, jamón», у якой таксама здымалася Пэнэлёпа Крус. Гэтая стужка была першай стужкай з удзелам Бардэма, паказанай за межамі Гішпаніі. Вялікім посьпехам для яго стаў фільм «Да заходу сонца» (2000), у якім ён сыграў ролю кубінскага паэта Рэйнальда Арэнаса. За гэтую ролю яго намінавалі на Оскара «За найлепшую мужчынскую ролю». Гэта была першая намінацыя актора з Гішпаніі на гэтую прэмію. Таксама гэтая роля была першай, у якой Бардэм размаўляў па-ангельску. У 2002 годзе Бардэм сыграў галоўную ролю ў рэжысэрскім дэбюце Джона Малкавіча (па-ангельску: The Dancer Upstairs). У 2004 годзе на экраны выйшаў фільм «Мора ўнутры» (па-гішпанску: Mar Ardento), за ролю ў якім Хавіер Бардэм быў узнагароджаны кубкам Вольпі на Вэнэцыянскім кінафэстывалі. У гэтым жа годзе Бардэм сыграў эпізадычную ролю ў галівудзкай крымінальнай драме «Collateral». 2007 год прынёс гэтаму актору міжнародную славу. Ён сыграў, па-першае, у экранізацыі раману Габрыеля Гарсіі Маркеса «Каханьне падчас халеры», па-другое, ролю другога пляну ў стужцы «Няма месца для састарэлых» братоў Коэнаў, за якую ён атрымаў «Оскара», «Залаты глёбус», Сатурн, узнагароду BAFTA і шэраг іншых прэміяў. У 2008 годзе Бардэм разам з Пэнэлёпай Крус і Скарлет Ёхансан сыграў у фільме «Вікі Крыстына Барсэлёна» рэжысэра Ўудзі Алена. За ролю ў гэтым фільме намінаваны на «Залаты глёбус».

Сям’я[рэдагаваць | рэдагаваць крыніцу]

Жанаты з акторкай Пэнэлёпай Крус, маюць сына Лео (нарадзіўся ў 2011 годзе).

Вонкавыя спасылкі[рэдагаваць | рэдагаваць крыніцу]

Commons-logo.svg Хавіер Бардэмсховішча мультымэдыйных матэрыялаў