НЭК Нэймэген

	НЭК
Поўная назва	Nijmegen Eendracht Combinatie
Заснаваны	15 лістапада 1900
Горад	Нэймэген, Нідэрлянды
Стадыён	Гофэртстадыён; Умяшчальнасьць: 12 500
Галоўны трэнэр	Рогір Мэер[d];
Чэмпіянат	Эрэдывізія
· 2023—2024	6 месца
	Галерэя здымкаў у Вікісховішчы; nec-nijmegen.nl (нід.)

НЭК (па-нідэрляндзку: Nijmegen Eendracht Combinatie) — нідэрляндзкі футбольны клюб з гораду Нэймэгену. Заснаваны ў 1900 годзе. Клюб чатыры разы прабіваўся ў фінал Кубка Нідэрляндаў, але гэтак і ня здолеў атрымаць трафэй.

Гісторыя

Найстарэйшым папярэднікам НЭКу быў клюб «Ээндрахт», які быў закладзены 15 лістапада 1900 году Аўгустам Лёдэнстэйнам, Антоонам Кёйпэрсам і Ваўтэрам дэ Лентам. Клюб быў патрыбны тым, што прадстаўнікі працонай клясы праз сваё паходжаньня ня мелі мажлівасьць гуляць за «Кўік-1888», які быў галоўным клюбам гораду на той час^[2]. Празь недахоп сродкаў «Ээндрахт» першапачаткова ладзіў толькі таварыскія матчы супраць камандаў зь іншых частак гораду ажно да 1903 году, але пасьля стварэньня гарадзкой лігі Нэймэгену далучыўся да яе. Каманда сталася першым чэмпіёнам лігі, дзякуючы чаму прасунулася ў рэгіянальную лігу Гельдэрлянд, а яшчэ праз два гады клюб быў запрошаны ў другі дывізіён. У красавіку 1910 году «Ээндрахт» аб’яднаўся з клюбам НВВ, які паўстаў за два гады да таго, дзякуючы высілкам былых удзельнікамі клюбу «Кўік-1888». Новы клюб атрымаў назву НЭК, якая ў перакладзе зь нідэрляндзкае мовы значыць «Зьвяз Нэймэгену і Ээндрахту». Свой першы матч аб’яднаная каманда правяла супраць амстэрдамскага клюбу ДЭК. Сустрэчы скончылася ўнічыю зь ліку 0:0^[3].

У пачатку 1920-х гадоў пасьля гадоў туляньняў па розных палёх клюб нарэшце набыў зямлю і пабудаваў стадыён Газэнкампсэвэг^[3]. Колькасьць заўзятараў і папулярнасьць НЭКу пачалі расьці, але посьпехаў на пляцоўках бракавала. Не зважаючы на тое, што клюб здабываў перамогі ў другім дывізіёне ў 1928, 1929, 1931 і 1934 гадах, але прасунуцца ў найвышэйшую лігу НЭК ня здолеў, праз паразы ў матчах плэй-оф^[4]. Толькі зь пятай спробы нэймэнгенцы здолелі прасунуцца да элітнага дывізіёну ў 1936 годзе^[5]. У 1939 годзе НЭК стаў першым ва ўсходнім дывізіёне чэмпіянату, але ў фінальным раўндзе фінішаваў толькі трэцім. Пры гэтым у хатнім матчы супраць чэмпіёну «Аяксу» каманда здабыла перамогу зь лікам 6:2. У 1942 годзе НЭК пераехаў на новы Гофэртстадыён, які месьціцца ў Гофэртпарку на ўскрайку гораду.

Склад

Актуальны на 13 верасьня 2024 году

№	Пазыцыя	Імя	Год нараджэньня
1	Бр	Стэйн ван Гасэль	1996
2	Аб	Браян Пэрэйра	2003
3	Аб	Філіпэ Сандлер	1997
4	Аб	Іван Маркес (ар. Нюрнбэрг)	1994
5	Аб	Томас Аўвэян	1996
6	ПА	Мээс Гудэмакерс	1998
7	Нап	Рабэр Гансалес	2001
8	ПА	Аргірыс Дарэляс	2003
9	Нап	Кента Сіягаі	2005
10	Нап	Сонт’е Гансэн	2002
11	Нап	Башар Эналь	2004
15	Аб	Томас Рэйндэрс	2004
17	Аб	Брам Нёйтынк	1990

№	Пазыцыя	Імя	Год нараджэньня
18	Нап	Кокі Агава	1997
20	ПА	Лясэ Шэнэ (капітан)	1986
21	Аб	Д’Леану Артс	2003
22	Бр	Робін Руфс	2003
23	Нап	Кадаі Сана	2003
24	Аб	Кальвін Вэрдонк	1997
25	ПА	Самі Ўайса	2004
26	Нап	Люк Нійвэнгёэйс	2007
27	ПА	Амар Магамэдгусэйн	2004
29	ПА	Кас дэ Віт	2003
31	Бр	Рэйк Янсэ	2002
71	ПА	Дырк Пропэр	2002
—	Аб	Леўтэрыс Лірацыс (ар. ПАОК)	2000

Крыніцы

^ https://www.transfermarkt.nl/nec-nijmegen/startseite/verein/467/saison_id/2023
^ «1900—1910». De Trouwe Honden.
^ ^а ^б «Historie». NEC Nijmegen.
^ «N.E.C. Nijmegen, a story about a historious rich club». Synergy.
^ «N.E.C. Nijmegen». Historie Betaald Voetbal.

Вонкавыя спасылкі

Афіцыйны сайт клюбу

[_764db571465f0503-1] ttps://www.transfermarkt.nl/nec-nijmegen/startseite/verein/467/saison_id/2023

[2] «1900—1910». De Trouwe Honden.

[historie-3] а ^б «Historie». NEC Nijmegen.

[4] «N.E.C. Nijmegen, a story about a historious rich club». Synergy.

[5] «N.E.C. Nijmegen». Historie Betaald Voetbal.

[1]

[2]

[3]

[4]

[5]