Міхаіл Русы

Міхаіл Русы
	Міхаіл Русы
Намесьнік прэм’ер-міністра Беларусі
	10 красавіка 2012 — 27 сакавіка 2019
Прэзыдэнт	Аляксандар Лукашэнка
Прэм’ер-міністар	Міхаіл Мясьніковіч
Міністар сельскай гаспадаркі і харчаваньня Беларусі
	20 траўня 2010 — 10 красавіка 2012
Прэзыдэнт	Аляксандар Лукашэнка
Прэм’ер-міністар	Сяргей Сідорскі
Папярэднік	Сямён Шапіра
Наступнік	Леанід Заяц
Міністар сельскай гаспадаркі і харчаваньня Беларусі
	6 лютага 2001 — 10 ліпеня 2003
Прэзыдэнт	Аляксандар Лукашэнка
Прэм’ер-міністар	Уладзімер Ярмошын (да 1 лістапада 2001), Генадзь Навіцкі
Папярэднік	Вадзім Папоў
Наступнік	Зянон Ломаць
Міністар прыродных рэсурсаў і аховы навакольнага асяродзьдзя Беларусі
	27 кастрычніка 1994 — 6 лютага 2001
Прэзыдэнт	Аляксандар Лукашэнка
Прэм’ер-міністар	Міхаіл Чыгір (да 18 лістапада 1996), Сяргей Лінг (да 18 лютага 2000), Уладзімер Ярмошын
Папярэднік	Анатоль Дарафееў
Наступнік	Лявонці Харужык
Асабістыя зьвесткі
Нарадзіўся	23 лістапада 1954 (70 гадоў); Вароніна, Жыткавіцкі раён, Гомельская вобласьць
Партыя	Беларуская аграрная партыя
Адукацыя	Агранамічны факультэт БДСГА[d]; Менская вышэйшая партыйная школа;
Узнагароды	Ганаровая грамата Нацыянальнага сходу Рэспублікі Беларусь[d] Ганаровая грамата Савету Міністраў Рэспублікі Беларусь Ганаровая грамата Савету Міністраў Рэспублікі Беларусь

Міхаі́л Іва́навіч Ру́сы (нарадзіўся 23 лістапада 1954 году, вёска Вароніна Жыткавіцкага раёну Гомельскай вобласьці) — беларускі палітык, старшыня Аграрнай партыі^[2]^[3], намесьнік прэм’ер-міністра Рэспублікі Беларусь^[1]. Былы дэпутат Палаты прадстаўнікоў Беларусі (2004—2010), міністар сельскай гаспадаркі (2001—2003, 2010—2012)^[1], міністар прыродных рэсурсаў і аховы навакольнага асяродзьдзя (1994—2001).

Біяграфія

Скончыў Беларускую сельскагаспадарчую акадэмію (1977), Менскую вышэйшую партыйную школу (1989). Служыў у арміі.

1977—1983 — працаваў у калгасе імя Леніна Жыткавіцкага раёну галоўным аграномам, намесьнікам старшыні, старшынём калгасу.

1983—1985 — першы намесьнік старшыні Кармянскага райвыканкаму, начальнік управы сельскай гаспадаркі.

1985—1987 — сакратар Кармянскага райкаму КПБ.

1987—1991 — інструктар ЦК КПБ, першы сакратар Стаўбцоўскага райкаму КПБ.

1991—1994 — старшыня Камітэту па зямельнай рэформе і землеўпарадкаваньні пры Савеце міністраў Рэспублікі Беларусь.

З 27 кастрычніка 1994 году займаў пасаду міністра прыродных рэсурсаў і аховы навакольнага асяродзьдзя Рэспублікі Беларусь. З 6 лютага 2001 году — міністар сельскай гаспадаркі і харчаваньня.

Загадам прэзыдэнта Республікі Беларусь № 303 ад 10 ліпеня 2003 году вызвалены з пасады міністра сельскае гаспадаркі і харчаваньня з фармулёўкай «за невыкананьне даручэньняў кіраўніка дзяржавы пра забесьпячэньне поўнае і своечасовае выплаты заработнай платы працаўнікам аграпрамысловага комплексу рэспублікі і пагашэньні запазычанасьці перад насельніцтвам і сельскагаспадарчымі арганізацыямі за здадзеную сельскагаспадарчую прадукцыю, а таксама за фальсыфікацыю справаздачных дадзеных па гэтых пытаньнях».

2003—2004 — дарадца аддзяленьня амбасады Беларусі ў Расеі (Санкт-Пецярбург).

У 2004 быў абраны ў Палаты прадстаўнікоў Нацыянальнага сходу Рэспублікі Беларусь па Жыткавіцкай выбарчай акрузе №41. 16 лістапада 2004 году прызначаны старшынём Сталай камісіі па аграрных пытаньнях.

15 сакавіка 2008 году быў абраны старшынём Аграрнай партыі замест Міхаіла Шыманскага^[2]. Быў адзіным кандыдатам, за яго прагаласавала 100% дэлегатаў на V зьезьдзе партыі.

На парлямэнцкіх выбарах 2008 году балятаваўся ад Жыткавіч і перамог^[4]. Працаваў старшынём Сталай камісіі Палаты прадстаўнікоў Нацыянальнага сходу Беларусі па праблемах чарнобыльскай катастрофы, экалёгіі і прыродакарыстаньні.

20 траўня 2010 быў прызначаны міністрам сельскай гаспадаркі і харчаваньня. 10 красавіка 2012 адстаўлены ў сувязі з прызначэньнем намесьнікам прэм’ер-міністра.

27 сакавіка 2019 году зьняты са сваёй пасады пасьля скандальнага наведваньня Лукашэнкам малочнай фэрмы на Магілёўшчыне^[5].

Жанаты, мае дзьвюх дачок^[6].

Крыніцы

^ ^а ^б ^в Указ Президента Республики Беларусь от 10 апреля 2012 г. № 163 О назначении М. И. Русого (рас.) №43, 1/13430. Национальный реестр правовых актов Республики Беларусь (11 красавіка 2012). Праверана 22 студзеня 2015 г.
^ ^а ^б Новым старшынёй Аграрнай партыі абраны Міхаіл Русы. Эўрапейскае радыё для Беларусі (15 сакавіка 2008). Праверана 22 студзеня 2015 г.
^ Сведения о политических партиях, зарегистрированных в Республике Беларусь. Міністэрства юстыцыі Рэспублікі Беларусь. Праверана 22 студзеня 2015 г.
^ Сяргей Каралевіч (29 верасьня 2008) Сярод 97 абраных дэпутатаў ПП НС няма ніводнага прадстаўніка апазіцыі (дапоўнена) Палітыка. БелаПАН. Праверана 6 кастрычніка 2011 г.
^ Лукашенко уволил зампремьер-министра Русого, министра сельского хозяйства и руководителя Могилевской области, Intex-press, 27-03-2019
^ Русый Михаил Иванович (рас.) Архив » Архив IV созыва. Нацыянальны сход Палаты прадстаўнікоў Рэспублікі Беларусь. Праверана 22 студзеня 2015 г.

Вонкавыя спасылкі

Старонка на праекце «Хто ёсьць хто ў РБ» (рас.)

[asd1-1] а ^б ^в Указ Президента Республики Беларусь от 10 апреля 2012 г. № 163 О назначении М. И. Русого (рас.) №43, 1/13430. Национальный реестр правовых актов Республики Беларусь (11 красавіка 2012). Праверана 22 студзеня 2015 г.

[agrp-2] а ^б Новым старшынёй Аграрнай партыі абраны Міхаіл Русы. Эўрапейскае радыё для Беларусі (15 сакавіка 2008). Праверана 22 студзеня 2015 г.

[3] Сведения о политических партиях, зарегистрированных в Республике Беларусь. Міністэрства юстыцыі Рэспублікі Беларусь. Праверана 22 студзеня 2015 г.

[dep-4] Сяргей Каралевіч (29 верасьня 2008) Сярод 97 абраных дэпутатаў ПП НС няма ніводнага прадстаўніка апазіцыі (дапоўнена) Палітыка. БелаПАН. Праверана 6 кастрычніка 2011 г.

[5] Лукашенко уволил зампремьер-министра Русого, министра сельского хозяйства и руководителя Могилевской области, Intex-press, 27-03-2019

[6] Русый Михаил Иванович (рас.) Архив » Архив IV созыва. Нацыянальны сход Палаты прадстаўнікоў Рэспублікі Беларусь. Праверана 22 студзеня 2015 г.

[1]

[2]

[3]

[4]

[5]

[6]