Перайсьці да зьместу

Замах на Дональда Трампа

Зьвесткі зь Вікіпэдыі — вольнай энцыкляпэдыі
Замах на Дональда Трампа
Месца атакі Батлен, Пэнсыльванія, ЗША
Цэль атакі Дональд Трамп
Дата 13 ліпеня 2024
18:11 (паводле паўночнаамэрыканскага ўсходняга часу)
Спосаб атакі стральба, замах[1][2][3]
Зброя вінтоўка тыпу AR-15
Колькасьць ахвяраў 2 (уключаючы нападніка)[4][5]
Колькасьць параненых ня менш 3 (уключаючы Дональда Трампа)[6]
Падазраваны Томас Мэт’ю Крукс[7]

На Дональда Трампа, 45-га прэзыдэнта ЗША і меркаванага кандыдата ад Рэспубліканскай партыі на прэзыдэнцкіх выбарах 2024 году, быў зьдзейсьнены напад 13 ліпеня 2024 году падчас перадвыбарчага мітынгу[8] каля Батлера, штат Пэнсыльванія, ЗША[9][10][11].

Мапа-схема замаху, якая паказвае прыкладнае месцазнаходжаньне стралка, Дональда Трампа, і контрштурмавой групы сакрэтнай службы[12][13].

Стралком быў 20-гадовы Томас Мэт’ю Крукс з Бэтэль-Парку, Пэнсыльванія[14]. Супрацоўнікі праваахоўных органаў і відавочцы сказалі, што Крукс выпаўз на дах каля месца правядзеньня мітынгу і выпусьціў восем патронаў з паўаўтаматычнай вінтоўкі тыпу AR-15, перш чым быў забіты снайпэрам групы контрнападу Сакрэтнай службы[15].

Пасьля стрэлу Трамп хіліўся на зямлю і быў хутка акружаны супрацоўнікамі сакрэтнай службы. Неўзабаве ён падняўся на ногі, з ягонага правага вуха цякла кроў і ён папрасіў абутак. Затым ён падняў кулак у паветра і закрычаў «змагайцеся, змагайцеся» (па-ангельску: fight, fight), перш чым агенты Сакрэтнай службы даставілі яго да аўтамабіля[16][17]. Затым Трамп быў адпраўлены ў лякарню й адпушчаны ў стабільным стане, адляцеўшы на самалёце ў Нью-Джэрзі[18][19]. Удзельнік мітынгу быў забіты, двое іншых удзельнікаў атрымалі цяжкія траўмы[20].

Стральба расьсьледуецца як замах на забойства. Гэта першы выпадак, калі былы або цяперашні прэзыдэнт ЗША быў паранены пры спробе забойства пасьля таго, як тагачасны прэзыдэнт Роналд Рэйган быў застрэлены ў 1981 годзе, і першы раз для кандыдата ў прэзыдэнты пасьля спробы забойства Джорджа Ўолеса ў 1972 годзе[21].

Перадгісторыя

[рэдагаваць | рэдагаваць код]

На момант здарэньня нападу былы прэзыдэнт Дональд Трамп зьяўляўся меркаваным кандыдатам ад Рэспубліканскай партыі на прэзыдэнцкіх выбарах 2024 году[22]. Мітынг 13 ліпеня 2024 году праводзіўся ў рамках перадвыбарнай кампаніі з мэтай павялічыць галасы выбарнікаў у вагальным штаце Пэнсыльванія.

Страляніна адбылася праз два тыдні пасьля посьпеху Трампа на дэбатах з Джо Байдэнам і за два дні да пачатку Нацыянальнага зьезда Рэспубліканскай партыі, на якім павінны абраць кандыдата ад партыі для ўдзелу ў лістападаўскіх выбарах[23].

На мітынгу Трампа наведвальнікі правяраліся на наяўнасьць зброі і забароненых прадметаў[24]. Паводле старшыні Рэспубліканскага камітэта акругі Батлер Джэймза Э. Хʼюлінгса, на мерапрыемстве прысутнічала каля 50 000 чалавек[25].

Стральба

[рэдагаваць | рэдагаваць код]

13 ліпеня ў 18:11 па паўночнаамэрыканскім усходнім часе, праз шэсьць хвілін пасьля таго, як Трамп пачаў сваю прамову[26], было выраблена некалькі стрэлаў[27][28]. Паводле фатографа New York Times Дуга Мілза, які знаходзіўся на месцы здарэньня, было чуваць тры—чатыры стрэлы[29]. Паводле паведамленьня рэпартэркі ABC News Кацярыны Фолдэрз, было зроблена 8 стрэлаў зь вінтоўкі тыпу AR-15. Стралок разьмяшчаўся на даху найблізкага будынка і выкарыстаў вінтоўку[30][31]. Баявік не прайшоў надгляду, бо знаходзіўся за межамі перымэтра бясьпекі мітынгу[32] на адлегласьці прыкладна 60—90 мэтраў[30][33]. Трое іншых удзельнікаў мітынгу атрымалі раненьні, у выніку чаго адзін чалавек загінуў, яшчэ два апынуліся ў крытычным стане. На левых трыбунах стадыёна была бачная кроў. Сьведкі паведамлялі, што бачылі, як Сакрэтная служба перасьледвала кагосьці зьлева ад трыбун[34][35].

Пасьля стрэлаў снайпэра Трамп схапіўся за вуха, а затым прысеў, схаваўшыся за трыбунай. Куля прайшла ў мілімэтрах па датычнай ад твару. Да яго кінуліся аґенты Сакрэтнай службы і закрылі палітыка сваімі целамі. Праз 25 сэкунд ён падняўся, на ягоным вуху й шчацэ была бачная кроў. Пасьля гэтага кандыдата ў прэзыдэнты ў шчыльным коле агентаў Сакрэтнай службы павезьлі зь мітынгу; сыходзячы, ён падняў уверх руку са сьціснутым кулаком, што выклікала радасьць натоўпу[36][37][38].

Наступствы

[рэдагаваць | рэдагаваць код]

Трампа даставілі ў мэмарыяльную бальніцу Батлера для абсьледаваньня. Прадстаўнік Сакрэтнай службы заявіў, што Трамп у бясьпецы[39]. Паводле прадстаўніка перадвыбарчага штаба Стывена Чэнга, з палітыкам «усё ў парадку»[40].

Пракурор акругі Батлер заявіў, што стралок і адзін з удзельнікаў мітынгу былі забітыя[41].

Сябра Палаты прадстаўнікоў ЗША Роні Джэксан пазьней распавёў Fox News, што ягоны пляменьнік быў паранены ў шыю[42].

Неадкладна была разгорнута экстраная эвакуацыя 50 000 гледачоў, якая была апісана відавочцамі як «лягістычны кашмар»[43].

Прадстаўнік мэра Нью-Ёрку Эрыка Адамза заявіў, што прысутнасьць паліцыі будзе павялічана па ўсім месьце «зь меркаваньняў засьцярогі»[44].

Расьсьледаваньне

[рэдагаваць | рэдагаваць код]

Сакрэтная служба ЗША пачала расьсьледаваньне сумесна зь Міністэрствам юстыцыі, Фэдэральным бюро расьсьледаваньняў і Бюро па кантролі за алькаголем, тытунём, агнястрэльнай зброяй і выбуховымі рэчывамі[45]. Злачынства расьсьледуецца як замах на забойства[46].

Фэдэральныя сьледчыя папярэдне апазналі асобу стралка, ім аказаўся 20-гадовы белы мужчына з Пэнсыльваніі[47]. Паводле зьвестак New York Post, яго імем можа быць Томас Мэт’ю Крукс[48].

Рэакцыя

[рэдагаваць | рэдагаваць код]

Пасьля стральбы Трамп зрабіў заяву ў сацыяльнай сетцы Truth Social[49]:

Я хачу падзякаваць Сакрэтнай службе ЗША і ўсім праваахоўным органам за хуткую рэакцыю на стральбу, якая толькі што адбылася ў Батлеры, штат Пэнсыльванія. Самае галоўнае, я хачу выказаць спачуваньні сямʼі загінулага на мітынгу чалавека, а таксама сямʼі яшчэ аднаго чалавека, які атрымаў цяжкія раненьні. Неверагодна, што такое можа здарыцца ў нашай краіне. На дадзены момант пра стрэлку, які зараз мёртвы, анічога не вядома. У мяне стрэлілі куляй, якая прабіла верхнюю частку правага вуха. Я адразу зразумеў, што нешта ня так, пачуў сьвіст, стрэлы і адразу адчуў, як куля разьдзірае скуру. Пачаўся моцны крывацёк і тады я зразумеў, што здарылася. БОЖА, ЗАХОЎВАЙ АМЭРЫКУ!

Дзейны прэзыдэнт ЗША Джо Байдэн і віцэ-прэзыдэнтка Камала Гарыс былі апавешчаныя аб злачынстве[50]. Пазьней Байдэн выступіў з афіцыйнай заявай з нагоды стральбы, асудзіўшы напад і падзякаваўшы супрацоўнікам Сакрэтнай службы:[51][52][53][54].

Мы правялі брыфінг наконт стральбы на мітынгу Дональда Трампа ў Пэнсыльваніі. Я ўдзячны за тое, што ён у бяспэцы і адчувае сябе добра. Я малюся за яго, яго сямʼю і ўсіх, хто быў на мітынгу, пакуль мы чакаем далейшую інфармацыю. Джыл і я ўдзячныя Сакрэтнай службе за тое, што яны забясьпечылі яго бясьпеку. У Амэрыцы няма месца такому ґвалту. Уся нацыя павінна абʼяднацца ў яго асуджэньні.

Незалежны кандыдат у прэзыдэнты Робэрт Ф. Кэнэдзі — малодшы заявіў, што надышоў час адкласьці рознагалосьсі і памаліцца за прэзыдэнта Трампа і яго сямʼю[55]. Былы прэзыдэнт ЗША Джордж Буш-малодшы назваў стральбу «баязьлівай» і пахваліў Сакрэтную службу за іхную рэакцыю[56].

Былы прэзыдэнт Барак Абама[57], губэрнатар Мічыгану Грэтхен Ўітмэр, лідар меншасьці Палаты прадстаўнікоў Гакім Джэфрыс, лідар большасьці ў Сэнаце Чак Шумэр, міністар транспарту Пітэр Бутыджыч, губэрнатар Пэнсыльваніі Джошуа Шапіра і былая сьпікерка Палаты прадстаўнікоў Нэнсі Пэлосі[58] асудзілі палітычны ґвалт.

Міжнародная рэакцыя

[рэдагаваць | рэдагаваць код]

Многія палітычныя лідэры асудзілі страляніну, у тым ліку Хавіер Мілей з Аргентыны[59], Энтані Альбанэзэ з Аўстраліі[60], Ільхам Аліеў з Азэрбайджану[61], Джастын Трудо з Канады[62], Габрыель Борык з Чылі[63], Нікас Хрыстадулідэс з Кіпру[64], Даніель Набоа з Эквадору[65], Наіб Букеле з Сальвадору[66], Эманюэль Макрон з Францыі[65], Кірыякас Міцатакіс з Грэцыі[67], Віктар Орбан з Вугоршчыны[68], Нарэндра Модзі з Індыі[68], Сайман Гарыс з Рэспублікі Ірляндыя[69], Бэньямін Нэтаньягу з Ізраіля[70], Джорджа Мэлёні з Італіі[68][63], Фуміё Кісіда зь Японіі[71], Касым-Жамарт Такаеў з Казахстану[72], Андрэс Мануэль Лёпэс Абрадор з Мэксыкі[73], Магамэд Муізу з Мальдываў[74], Шэгбаз Шарыф з Пакістану[75], Бонгбонг Маркас зь Філіпінаў[76], Анджэй Дуда і Дональд Туск з Польшчы[77], Юн Сук Ёль з Паўднёвай Карэі[78], Ульф Крыстэрсан са Швэцыі[79], Лай Чынг-тэ з Тайваня[75] Рэджэп Таіп Эрдаган з Турэччыны[80], Уладзімер Зяленскі з Украіны[68], Кір Стармэр зь Вялікабрытаніі[81], Мая Санду з Малдовы[82], Шаўкат Мірзіяеў з Узбэкістану[82], Дзьмітры Пяскоў з Расеі[82] й Нікаляс Мадура з Вэнэсуэлы[83]. Прэмʼер-міністар Грузіі Іраклі Кабахідзэ выказаў салідарнасьць з Дональдам Трампам і абвінаваціў «Партыю глябальнай вайны» ў адказнасьці за напад у дадатак да іншых актаў палітычнага ґвалту, такіх як спроба забойства і сьмерці Робэрта Фіцо, пагрозы супраць яго[84][85][86]. Былы прэзыдэнт Бразыліі Жаір Балсанару выказаў сваю салідарнасьць з Трампам пасьля стральбы.

Крыніцы

[рэдагаваць | рэдагаваць код]
  1. ↑ Trump shot in ear in rally assassination attempt (анг.) July 13, 2024 г. Праверана July 13, 2024 г.
  2. ↑ Trump wounded in assassination attempt. Biden calls it «sick»: Here’s what we know (анг.)
  3. ↑ Australian PM says «no place for violence in democratic process» after Trump assassination attempt (анг.)
  4. ↑ Stein, Chris; Lawther, Fran; Stein (now), Chris; Lawther (earlier), Fran (July 13, 2024) (2024-07-13) Donald Trump «fine» after suspected shooting; one person and shooter reportedly killed — latest updates
  5. ↑ Live updates: Shooter dead, rally attendee killed and Trump whisked off stage after gunshots ring out at rally (анг.) Архіўная копія ад July 13, 2024 г. Праверана 2024-07-13 г.
  6. ↑ Report From the Scene: «Get Down! Shots Fired!» (анг.) 2024-07-14 г. Праверана 2024-07-14 г.
  7. ↑ Thomas Matthew Crooks ID’d as gunman who shot Trump during Pa. rally
  8. ↑ Падчас выступу Трампа ў Пэнсыльваніі пачалася страляніна. Наша Ніва (14 ліпеня 2024). Праверана 14 ліпеня 2024 г.
  9. ↑ Trump shot in right ear at campaign rally, shooter dead Reuters
  10. ↑ Trump rally shooting live: FBI names «subject involved» in assassination attempt The Guardian
  11. ↑ Trump injured in shooting at Pennsylvania rally CNN
  12. ↑ Shooting at a Trump Rally in Pennsylvania: Maps and Photos 2024-07-13 г. Архіўная копія ад July 14, 2024 г. Праверана 2024-07-14 г.
  13. ↑ Trump injured, rushed from stage after shooter fired on his Pennsylvania rally (анг.) // NBC News2024-07-13 г. Архіўная копія ад July 14, 2024 г. Праверана 2024-07-14 г.
  14. ↑ Barnes Julian E., Gold Michael? Levien Simon J.. Live Updates: Trump «Safe» After Shooting at Rally; Suspect Killed July 13, 2024 г. Архіўная копія ад July 13, 2024 г. Праверана July 13, 2024 г.
  15. ↑ Trump rally shooter killed by Secret Service sniper, officials say. CBS News. Архіўная копія ад July 14, 2024 г.
  16. ↑ Trump shot in right ear at campaign rally, shooter dead Reuters
  17. ↑ Live Updates: Trump «Safe» After Shooting at Rally; Suspected Gunman Killed July 13, 2024 г. Архіўная копія ад July 13, 2024 г. Праверана July 14, 2024 г.
  18. ↑ Trump, with blood on face, raises fist in air. BBC. Архіўная копія ад July 14, 2024 г.
  19. ↑ Live updates: Trump says he was shot in the ear during rally; one attendee and shooter are dead Архіўная копія ад July 13, 2024 г.
  20. ↑ Live Updates: Trump «Safe» After Shooting at Rally; Suspect Killed July 13, 2024 г. Архіўная копія ад July 13, 2024 г. Праверана July 13, 2024 г.
  21. ↑ Trump rally violence recalls historic presidential attacks July 14, 2024 г. Праверана July 14, 2024 г.
  22. ↑ Biden and Trump are now their parties’ presumptive nominees. What does that mean? 2024-03-13 г. Архіўная копія ад July 11, 2024 г. Праверана 2024-07-14 г.
  23. ↑ Кого Трамп выберет своим вице-президентом — Ведомости
  24. ↑ Trump «Safe» After What Sounded Like Gunshots at Rally Архіўная копія ад July 13, 2024 г.
  25. ↑ Some people who were in the crowd described the evacuation of the rally as a logistical nightmare.
  26. ↑ Pop, pop, pop, then a bloodied Trump rushed from election rally 13 July 2024 г. Праверана 13 July 2024 г.
  27. ↑ Gunshots reportedly fired at Donald Trump rally — as former president rushed off stage Архіўная копія ад July 13, 2024 г.
  28. ↑ Trump rushed off stage at Pennsylvania rally as loud noises heard Архіўная копія ад July 13, 2024 г.
  29. ↑ Update from Maggie Haberman (анг.) July 13, 2024 г. Архіўная копія ад July 13, 2024 г. Праверана July 13, 2024 г.
  30. 1 2 Trump rally shooting being investigated as assassination attempt; Biden says «everybody must condemn» political violence — latest (анг.) 2024-07-14 г. Праверана 2024-07-14 г.
  31. ↑ Trump rally shooting: Attacker dead after shots fired at Donald Trump rally
  32. ↑ Trump rally shooting being investigated as assassination attempt; Biden says «everybody must condemn» political violence — latest (анг.) July 14, 2024 г. Праверана July 14, 2024 г.
  33. ↑ Trump rally shooting: Attacker dead after shots fired at Donald Trump rally (анг.)
  34. ↑ Live Election Updates: Trump «Safe» After What Sounded Like Gunshots at Rally (анг.) 2024-07-13 г. Архіўная копія ад July 13, 2024 г. Праверана 2024-07-13 г.
  35. ↑ Update from Simon J. Levien (анг.) 2024-07-13 г. Архіўная копія ад July 13, 2024 г. Праверана 2024-07-13 г.
  36. ↑ Трамп чудом остался жив, стрелок мертв: что известно о покушении на экс-президента — Российская газета
  37. ↑ Donald Trump shot in assassination attempt at rally, 1 dead
  38. ↑ Donald Trump rushed off stage at rally after sound of gunshots ring out — live updates
  39. ↑ Update from Michael Gold (анг.) July 13, 2024 г. Архіўная копія ад July 13, 2024 г. Праверана July 13, 2024 г.
  40. ↑ Steven Cheung, a Trump spokesman, said former President Donald J. Trump is «fine and is being checked out at a local medical facility.»
  41. ↑ CNN сообщил подробности покушения на Трампа — РБК
  42. ↑ Trump «felt the bullet ripping through the skin» during campaign rally shooting Архіўная копія ад July 13, 2024 г.
  43. ↑ Update from Neil Vigdor (анг.) 2024-07-13 г. Архіўная копія ад July 13, 2024 г. Праверана 2024-07-13 г.
  44. ↑ Live updates: Shooter dead, rally attendee killed and Trump whisked off stage after gunshots ring out at rally (анг.) Архіўная копія ад 2024-07-13 г.
  45. ↑ The Secret Service is leading the response.
  46. ↑ Shooting at Trump rally is being investigated as assassination attempt, AP sources say
  47. ↑ Federal Investigators have Tentatively Identified Trump Shooter
  48. ↑ Federal Investigators have Tentatively Identified Trump Shooter
  49. ↑ Donald Trump. Truth Social.
  50. ↑ Vice President Kamala Harris has also received an initial briefing on the Trump rally, the White House says.
  51. ↑ Live updates: Trump says he was shot in the ear during rally; authorities say a shooter is dead
  52. ↑ Biden calls Trump rally shooting «sick», says «no place in America for this kind of violence»
  53. ↑ https://www.wsj.com/livecoverage/trump-rally-incident/card/biden-gets-briefing-on-trump-incident-cMSlORMRvEY6NsExig2x
  54. ↑ x.com
  55. ↑ RFK Jr. calls for prayers for Trump after apparent shots ring out at rally 2024-07-13 г. Праверана July 14, 2024 г.
  56. ↑ George W. Bush condemns «cowardly attack» at Trump rally July 14, 2024 г. Праверана July 14, 2024 г.
  57. ↑ x.com
  58. ↑ Trump shooting latest: «Shooter and audience member dead» — as bloodied former president tells supporters to «fight» Архіўная копія ад July 13, 2024 г.
  59. ↑ Estados Unidos. La reacción de Javier Milei tras el ataque a Donald Trump (гішп.) July 13, 2024 г. Архіўная копія ад July 14, 2024 г. Праверана July 13, 2024 г.
  60. ↑ Trump rally shooting an «inexcusable attack» on democratic values: Anthony Albanese // Sky News14 July 2024 г. Праверана 14 July 2024 г.
  61. ↑ İlham Əliyev Trampa sui-qəsdlə bağlı — PAYLAŞIM ETDİ (азэрб.) Архіўная копія ад July 14, 2024 г.
  62. ↑ «Democracy must prevail»: Shooting at Trump rally condemned by Trudeau, Poilievre // CTV NewsJuly 13, 2024 г. Архіўная копія ад July 14, 2024 г. Праверана July 13, 2024 г.
  63. 1 2 World leaders express solidarity with Trump after assassination attempt Архіўная копія ад July 14, 2024 г.
  64. ↑ Cyprus President condemns Trump assassination attempt Архіўная копія ад July 14, 2024 г.
  65. 1 2 Trump Is Safe After Assassination Attempt; Suspected Gunman Is Dead: World leaders express concern 2024-07-13 г. Архіўная копія ад July 13, 2024 г. Праверана 2024-07-14 г.
  66. ↑ Presidente Bukele, Barack Obama, Elon Musk, Marco Rubio, Matt Gaetz y otros políticos condenaron lo ocurrido a Trump (гішп.) 13 July 2024 г. Архіўная копія ад July 14, 2024 г. Праверана 14 July 2024 г.
  67. ↑ Κυρ. Μητσοτάκης: Η πολιτική βία είναι μη αποδεκτή στις δημοκρατικές κοινωνίες Архіўная копія ад July 14, 2024 г.
  68. 1 2 3 4 World leaders react to Trump rally shooting Архіўная копія ад July 14, 2024 г.
  69. ↑ Trump shooting «a horrific and heinous act» — Taoiseach 14 July 2024 г. Праверана 14 July 2024 г.
  70. ↑ Prayers for Trump pour in from world leaders after shooting
  71. ↑ 岸田文雄首相「民主主義への挑戦」 トランプ氏暗殺未遂を非難 (яп.) Архіўная копія ад July 14, 2024 г.
  72. ↑ Тоқаев АҚШ-тың экс-президенті Дональд Трампқа жасалған қастандықты қатаң айыптады (каз.) Архіўная копія ад July 14, 2024 г.
  73. ↑ Global leaders condemn assassination attempt targeting former US President Donald Trump Архіўная копія ад July 14, 2024 г.
  74. ↑ The President condemns the violent attack on former President Trump (анг.) Архіўная копія ад 14 July 2024 г.
  75. 1 2 International leaders share shock, condolences and condemnation after Trump rally shooting Архіўная копія ад July 13, 2024 г.
  76. ↑ Marcos on Trump’s rally shooting: We condemn all forms of political violence // Manila BulletinJuly 14, 2024 г. Архіўная копія ад July 14, 2024 г. Праверана July 14, 2024 г.
  77. ↑ Duda o «wstrząsającym momencie nie tylko dla Ameryki». Tusk: przemoc nigdy nie jest odpowiedzią (пол.) Архіўная копія ад July 14, 2024 г.
  78. ↑ Yoon «appalled» by attack on Trump, wishes him speedy recovery July 14, 2024 г. Архіўная копія ад July 14, 2024 г. Праверана July 14, 2024 г.
  79. ↑ Prime Minister: Sweden stands behind the United States July 14, 2024 г. Архіўная копія ад July 14, 2024 г. Праверана July 14, 2024 г.
  80. ↑ Trump’a yönelik saldırıya tepkiler 14 July 2024 г. Архіўная копія ад July 14, 2024 г. Праверана 14 July 2024 г.
  81. ↑ Keir Starmer leads UK condemnation of «appalling» assassination attempt on Trump (анг.)
  82. 1 2 3 Ulviyya Amoyeva, Davit Kachkachishvili. (14 ліпеня 2024) Страны СНГ осудили покушение на Дональда Трампа (рас.) Праверана 14 ліпеня 2024 г.
  83. ↑ Condemnation of Trump rally shooting crosses party lines, and blame game and calls for probe begin (анг.)
  84. ↑ ირაკლი კობახიძე — გლობალური ომის პარტია მეთოდებს არ ცვლის, XXI საუკუნეში ლიბერალური ფაშიზმი, რადიკალიზმი, პოლარიზაცია, სიძულვილი და პოლიტიკოსებზე სისხლიანი თავდასხმები ჩვეულებრივ მოვლენად აქციეს. Inter Press News (14 July 2024).
  85. ↑ კობახიძე: სლოვაკეთის პრემიერზე თავდასხმის უკან გლობალური ომის პარტია დგას. Tabula (23 May 2024).
  86. ↑ EU commissioner denies he threatened Georgia’s prime minister. Politico.
Атрымана з «https://be-tarask.wikipedia.org/w/index.php?title=Замах_на_Дональда_Трампа&oldid=2561447»