Анджэй Дуда

	Анджэй Дуда
	; Анджэй Дуда
Прэзыдэнт Польшчы
	6 жніўня 2015 — цяперашні час
Прэм’ер-міністар:	Эва Копач, Бэата Шыдла, Матэвуш Маравецкі, Дональд Туск
Папярэднік:	Браніслаў Камароўскі
Асабістыя зьвесткі
Нарадзіўся:	16 траўня 1972 (51 год); Кракаў, Польшча
Партыя:	Права і справядлівасьць (2005—2015)
Сужэнец:	Агата Карнгаўзэр-Дуда
Дзеці:	Кінга Дуда[d]
Бацька:	Ян Тадэвуш Дуда[d]
Маці:	Яніна Мілеўская-Дуда[d]
Адукацыя:	Ягелонскі ўнівэрсытэт (1996); Jan III Sobieski High School in Kraków[d] (1991);
	Анджэй Дуда ў Вікісховішчы

Анджэй Дуда (па-польску: Andrzej Duda; нарадзіўся 16 траўня 1972 году ў Кракаве) — польскі палітык, прэзыдэнт Польшчы (з 2015).

Біяграфія[рэдагаваць | рэдагаваць крыніцу]

Нарадзіўся ў сям’і прафэсараў Горна-Гутнічай Акадэміі ў Кракаве, Яна Дуды і Яніны Мілеўскай-Дуда. Да 1990 быў інструктарам скаўцкага руху. У 1996 годзе скончыў юрыдычны факультэт Ягелонскага ўнівэрсытэту. З 1997 да 2005 быў асыстэнтам на юрыдычным факультэце Ягелонскага ўнівэрсытэту, а ў 2005 атрымаў доктарскую навуковую ступень. Таксама ў 2005 заснаваў уласную адвакацкую канцылярыю.

З 2005 зьвязаўся з партыяй Права і справядлівасьць, першапачаткова як дарадчык парлямэнцкага клюбу партыі, а ў 2006 быў пакліканы міністрам юстыцыі Зьбігневам Зёбрам на пасаду падсакратара ў міністэрстве. На парлямэнцкіх выбарах 2007 ня быў абраны ў Сойм. З 2008 да 2010 быў падсакратаром у канцылярыі прэзыдэнта Леха Качынскага. З 2011 дэпутат польскага Сойму ад Права і Справядлівасьці, з 2014 дэпутат Эўрапейскага парлямэнту ад гэтай партыі.

У 2015 годзе ўдзельнічаў у прэзыдэнцкіх выбарах. У другім туры сустракаўся з Браніславам Камароўскім і быў абраны.

7 чэрвеня 2021 году ў кампаніі мітрапаліта Польскай праваслаўнай царквы Савы ўсклаў вянок да помніку беларускім жыхарам Заляшанаў у Гайнаўскім павеце (Падляскае ваяводзтва), забітых 29 студзеня 1946 году польскімі жаўнерамі пад загадам камандзіра Рамуальда Райса. Пры гэтым, прэзыдэнт Польшчы заявіў, што наведаў «месца, якое адзначанае пакутамі і сьмерцю беларусаў, якія жылі ў Рэчы Паспалітай, нявінных жанчын і дзяцей. Я маліўся там за тых, хто загінуў, усклаў вянок як прэзыдэнт Рэспублікі Польшча пад крыжам, які ўшаноўвае памяць ахвяраў. Гэта важна як частка пашаны і памяці. Гэта важна ў самым найважнейшым духоўным аспэкце»^[3].

Крыніцы[рэдагаваць | рэдагаваць крыніцу]

^ ^а ^б ^в http://www.sejm.gov.pl/sejm7.nsf/posel.xsp?id=077
^ ^а ^б https://nauka-polska.pl/#/profile/scientist?id=125568
^ Прэзыдэнт Польшчы Анджэй Дуда маліўся ў Заляшанах за душы беларускіх ахвяраў падразьдзяленьня «Бурага» // Тэлеканал «Белсат», 7 чэрвеня 2021 г. Праверана 10 чэрвеня 2021 г.

Вонкавыя спасылкі[рэдагаваць | рэдагаваць крыніцу]

Афіцыйная старонка (пол.)

[_2115e5450ce168ff-1] а ^б ^в http://www.sejm.gov.pl/sejm7.nsf/posel.xsp?id=077

[_8167733f6159d94b-2] а ^б https://nauka-polska.pl/#/profile/scientist?id=125568

[3] Прэзыдэнт Польшчы Анджэй Дуда маліўся ў Заляшанах за душы беларускіх ахвяраў падразьдзяленьня «Бурага» // Тэлеканал «Белсат», 7 чэрвеня 2021 г. Праверана 10 чэрвеня 2021 г.

[1]

[2]

[3]

п а р Кіраўнікі Польшчы (з 1918)
Польская Рэспубліка (1918—1939)	Юзэф Пілсудзкі (1918—1922) Габрыель Нарутовіч (1922—1922) Мацей Ратай (1922, в. а.) Станіслаў Вайцехоўскі (1922—1926) Мацей Ратай (1926, в. а.) Ігнацы Масьціцкі (1926—1939)
Урад у выгнаньні (1939—1990)	Уладзіслаў Рачкевіч (1939—1947) Аўгуст Залескі (1947—1972) Станіслаў Астроўскі (1972—1979) Эдвард Рачынскі (1979—1986) Казімеж Сабат (1986—1989) Рышард Качароўскі (1989—1990)
Польская Народная Рэспубліка (1944—1989)	Баляслаў Берут (1944—1952) Аляксандар Завадзкі (1952—1964) Эдвард Охаб (1964—1968) Марыян Спыхальскі (1968—1970) Юзэф Цыранкевіч (1970—1972) Генрык Яблонскі (1972—1985) Войцех Ярузэльскі (1985—1989)
Польская Рэспубліка (ад 1989)	Войцех Ярузэльскі (1989—1990) Лех Валэнса (1990—1995) Аляксандар Квасьнеўскі (1995—2005) Лех Качынскі (2005—2010) Браніслаў Камароўскі (2010, в. а.) Багдан Барусевіч (2010, в. а.) Гжэгаж Схятына (2010, в. а.) Браніслаў Камароўскі (2010—2015) Анджэй Дуда (з 2015)