Жывібунд

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Жывібунд (па-летувіску: Zivinbudas) — літоўскі князь. Згадваецца сярод пяці галоўных літоўскіх князёў у дамове з Галіцка-Валынскім княствам 1219 року.

У дамову ўключаны імёны 21 князя, пяць зь якіх старэйшыя ці вышэйшыя па становішчы за іншых іншых. Жывібунд згадваецца першым у сьпісе, што дае нагоду меркаваць, што менавіта ён быў вярхоўным кіраўніком земляў усходняй Літвы.

Правадыр літоўскіх старэйшын падчас вайны. Акрамя Галіцка-Валынскага летапісу згадваецца таксама ў Густынскім летапісе пад 1218 рокам: «В лето 6726… Данилъ… пойде зъ Галича ку Мстиславу, тестю своему, и любезьне прият бысть от него. И посем пойде въ Володымер свой, идеже прийдоша к нему послы о мире от князей литовских. Въ Литве же тогда старей бе князь Живибунъдъ»[1].

Некаторыя гісторыкі мяркуюць, што ён быў продкам вялікага князя літоўскага Трайдзеня (1270—1282)[2].

Крыніцы[рэдагаваць | рэдагаваць крыніцу]

  1. ^ Поўны Збор Рускіх Летапісаў. Т.40. Густынскі Летапіс. М., 2003.
  2. ^ Напрыклад, радавод у  Urban, William The Baltic Crusade. — 2nd ed.. — Chicago, Illinois: Lithuanian Research and Studies Center, 1994. — P. 344. — ISBN 0-929700-10-4, дзе прыводзіцца пералік людзей, вядомых толькі ў XVI стагодзьдзі, у якасьці крыніцы прыведзена Хроніка Быхаўца.

Літаратура[рэдагаваць | рэдагаваць крыніцу]

  • Літоўская савецкая энцыкляпэдыя. Т.4. Вільня, Галоўная рэдакцыя энцыкляпэдый, 1988, старонка 683.
  • Rowell, C. S. (1994). Lithuania Ascending: A Pagan Empire Within East-Central Europe, 1295—1345. Cambridge Studies in Medieval Life and Thought: Fourth Series. Cambridge University Press. xxxiii. ISBN 9780521450119.
  • Kiaupa, Zigmantas; Jūratė Kiaupienė, Albinas Kunevičius (2000) [1995]. The History of Lithuania Before 1795 (English ed.). Vilnius: Lithuanian Institute of History. pp. 50-51. ISBN 9986-810-13-2.