Маляга
| Маляга | |||||
| Населены пункт | |||||
 | |||||
| |||||
| Краіна | Гішпанія | ||||
|---|---|---|---|---|---|
| Аўтаномная супольнасьць | Андалюзія | ||||
| Правінцыя | Маляга | ||||
| Дата заснаваньня | VIII стагодзьдзе да н. э. | ||||
| Кіраўніцтва і ўлада | |||||
| mayor of Málaga[d] | Франсіска дэ ля Торэ Прадас[d] | ||||
| Геаграфія | |||||
| Плошча | 395 км² | ||||
| Вышыня НУМ | 11 м | ||||
| Часавы пас | |||||
| Каардынаты | 36°43′10″ пн. ш. 4°25′12″ з. д.HGЯO | ||||
| Насельніцтва | |||||
| Колькасьць | 568 507 чал. (2010) | ||||
| Этнахаронімы | malagueño, malagueña, Malaguène[1] і Malaguène | ||||
| Лічбавыя ідэнтыфікатары | |||||
| Тэлефонны код | 95 | ||||
| Паштовы індэкс | 29001–29018 | ||||
| Нумарны знак | MA | ||||
| Сайт | malaga.eu | ||||
| Маляга на мапе Гішпаніі   Маляга | |||||
Маляга (па-гішпанску: Málaga) — горад і муніцыпалітэт у Гішпаніі, адміністрацыйны цэнтар правінцыі Маляга, месьціцца ў аўтаномнай супольнасьці Андалюзія. Маючы на 2010 год насельніцтва ў памеры 568 507 чалавек, Маляга зьяўляецца другім паводле велічыньні горадам у Андалюзіі й шостым паводле гэтага паказчыку ў краіне. Самы паўднёвы буйны горад у Эўропе, знаходзіцца на ўзьбярэжжы Коста-дэль-Соль ля Міжземнага мора, прыкладна за 100 км на ўсход ад Гібральтарскага праліву і каля 130 км на поўнач ад Афрыкі.
Горад зьяўляецца важным культурным цэнтрам і мае досыць багатую мастацкую спадчыну. Сусьветна вядомы мастак і скульптар Паблё Пікаса й актор Антоніё Бандэрас нарадзіліся ў Малязе.
Гісторыя
[рэдагаваць | рэдагаваць код]Маляга была заснавана фінікійцамі ў VIII стагодзьдзі да н. э. пад назвай Маляка. У пэрыяд рымскага панаваньня з 206 году да н. э. горад зьяўляўся важным портам, маючы назоў Флявія Малясытана. У 402 годзе Маляга была заваяваная вэстготамі. У 711 годзе Маляга апынулася пад кантролем арабаў, якія ўварваліся на паўвостраў з Паўночнай Афрыкі. Пры арабскім панаваньні горад стаў значным эканамічным цэнтрам. З XI стагодзьдзя места было цэнтар эмірату. 19 жніўня 1487 году Маляга была адваяваная кастыльскімі войскамі й далучана да Кастыліі. У 1501 і ў 1568—1570 гады Маляга была адным з цэнтраў паўстаньняў марыскаў.
Падчас Гішпанскай рэвалюцыі 1868—1874 гадоў, у ліпені 1873 году, у Малязе адбывалася кантанальнае паўстаньне бакуністаў. Падчас Грамадзянскай вайны 1936—1939 гадоў Маляга была базай рэспубліканскага флёту да захопу ў лютым 1937 году войскамі Франка пры падтрымцы Італіі. Сярод вядомых ураджэнцаў Малягі — мастак і скульптар Паблё Пікаса, у гонар якога названы аэрапорт, і актор кіно Антоніё Бандэрас.
У 1960-х гадох, нягледзячы на жорсткі франкісцкі рэжым, Маляга перажывала эканамічны бум, зьвязаны з рэзкім павелічэньнем патоку турыстаў, сярод якіх больш за ўсё было немцаў і ангельцаў. Менавіта ў гэты час становіцца папулярным гішпанскі курорт Коста-дэль-Соль і на гэтыя гады прыпадае рост прамысловасьці й самога гораду. Акрамя таго, росквіт Малягі падтрымліваўся працоўнымі мігрантамі з Цэнтральнай і Ўсходняй Эўропы, якія забясьпечвалі наяўнасьць дастатковай колькасьці працоўнай сілы для прагрэсу ва ўсіх сфэрах.
Гарады-сябры
[рэдагаваць | рэдагаваць код]Асобы
[рэдагаваць | рэдагаваць код]- Паблё Пікаса — гішпанскі мастак
- Анхэля Эсьпіноса Руіс — беларускамоўная паэтка