Выжылы (фільм, 2015)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Выжылы (фільм, 2015)
The Revenant
The Revenant 2015 film.jpg
Жанр вэстэрн[d][1][2][3][4][5][6][7], фільм пра выжываньне, трылер[d], экранізацыя раману, драматычны фільм і біяграфічны фільм
Рэжысэр Алехандра Гансалес Іньярыту[8][9][3][4][10][5][7][11]
Прадусар Арнон Мілчан, Стыў Голін, Алехандра Гансалес Іньярыту, Джэймз Скотчдапоўл, Мэры Парэнт і Кіт Рэдман
Сцэнарыст Алехандра Гансалес Іньярыту[8][4][10][11] і Марк Л. Сьміт[8][4][10][11]
У ролях Леанарда Дыкапрыё[8][3][4][5][12][6][13][14][11], Том Гардзі[8][3][4][12][6][13][14][11], Ўіл Поўлтэр[8][3][12][6][13][14][11], Донал Глісан[8][3][4][12][6][13][14][11], Пол Андэрсан, Крыстафэр Ёнэр[11], Брэд Картэр[11], Робэрт Малоні[11], Лукас Гаас[11], Брэндан Флэтчэр[11], Вэнсан Леклер[11] і Хавіер Ботэт[11]
Кампазытар Руіці Сакамота, Альва Нота, Брайс Дэснэр і Антоніё Санчэс
Апэратар Эмануэль Любэцкі
Мантаж Стывэн Марыёнэ
Вытворчасьць Regency Enterprises, New Regency Productions, Anonymous Content, Appian Way Productions, RatPac-Dune Entertainment, 20th Century Fox і RatPac-Dune Entertainment
Дата выхаду 25 сьнежня 2015[12][6], 6 студзеня 2016[15][8][4], 7 студзеня 2016[16], 14 студзеня 2016[16][17], 27 студзеня 2016[16], 18 сакавіка 2016 і 24 лютага 2016
Час 157 хвіліна
Краіна ЗША[8]
Мова ангельская мова і арыкара
Бюджэт 135 000 000 амэрыканскі даляр
Прыбытак 532 950 503 амэрыканскі даляр
Старонка на IMDb
Афіцыйны сайт

«Вы́жылы» (па-ангельску: The Revenant) — амэрыканскі драматычны фільм-трылер 2015 году рэжысэра Алехандра Гансалеса Іньярыту. Сцэнар Марка Л. Сьміта і Іньярыту часткова заснаваны на аднайменным рамане Майкла Панке 2002 году, які апісвае жыцьцёвы досьвед Г’ю Гласа ў 1823 годзе. Гэты раман, у сваю чаргу, заснаваны на вершы 1915 году «Песьня Г’ю Гласа». У фільме здымаюцца Леанарда Дыкапрыё, Том Гардзі, Донал Глісан і Ўіл Поўлтэр. Здымкі фільму пачаліся ў жніўні 2001 году, калі прадусар Аківа Голдсман набыў рукапіс Панке. Іньярыту падпісаўся быць рэжысэрам кінастужцы ў жніўні 2011 году. У красавіку 2014 году, пасьля некалькіх затрымак празь іншыя праекты, Іньярыту пацьвердзіў, што пачынае працу над «Выжылым» і што Дыкапрыё будзе выконваць галоўную ролю. Асноўная праца пачалася ў кастрычніку 2014 году. Праблемы, зьвязаныя зь месцазнаходжаньнем і здымачнай групай, затрымалі выпуск фільму з траўня па жнівень 2015 году. Фільм сабраў 183,6 млн даляраў у ЗША і Канадзе і 349,3 млн даляраў у іншых краінах, у той час калі бюджэт вытворчасьці фільму склаў 135 млн даляраў[18].

Сюжэт[рэдагаваць | рэдагаваць крыніцу]

У канцы 1823 году Г’ю Глас (Леанарда Дыкапрыё) праводзіў зьвераловаў на чале з капітанам Эндру Гэнры (Донал Глісан) па тэрыторыі, якую насялялі індзейскае племя дакота. Пакуль ён і ягоны сын, Ястраб (Форэст Гудлак), палююць, на лягер атраду нападаюць індзейцы, якія імкнуцца вызваліць выкрадзеную дачку свайго начальніка Поваку (Мэлаў Накек’о). Многіх лаўцоў забіваюць падчас бою, а астатнія ратуюцца на лодках. Кіруючыся Гласам, тыя, хто выжыў, ідуць пешшу ў форт Кіёва, бо Глас лічыць, што падарожжа па рэчцы робіць іх простымі мішэнямі для індзейскіх стрэлаў.

Падчас разьведвальнай апэрацыі на Гласа нападае мядзьведзь грызьлі, які амаль забівае героя, але той здолеў выжыць, але ёсьць цяжка параненым. Зьвералоў Джон Фіцджэральд (Том Гардзі), які баіцца чарговай атакі з боку індзейцаў, выказвае меркаваньне, што група павінна забіць Гласа і працягнуць сваё падарожжа, бо цяжкі стан Гласа не дазваляе хутка рухацца. Гэнры згаджаецца, але ён ня можа націснуць на курок; замест гэтага ён прапануе грошы тым, хто ахвотны застацца з Гласам і пахаваць яго калі ён памрэ. Калі адзінымі добраахвотнікамі застаюцца Ястраб і малады Джым Брыджэр (Ўіл Поўлтэр), Фіцджэральд згаджаецца застацца за грошы зь іх, каб пакрыць свае страты ад страчаннага футра.

Пасьля таго, як астатнія сыходзяць па ваду і дровы, Фіцджэральд спрабуе задушыць Гласа, але гэта бачыць Ястраб. Фіцджэральд, які занепакоены тым, што Ястраб можа распавесьці каму-небудзь пра ягоную спробу забіць Гласа, забівае Ястраба, пакуль Глас бездапаможна назірае за гэтым. На наступную раніцу Фіцджэральд пераконвае Брыджэра, які ня ведае пра забойства Ястраба, у тым, што набліжаюцца індзейцы, і яны мусяць адмовіцца ад Гласа. Спачатку Брыджэр пратэстуе, але ў рэшце рэшт сыходзіць зь Фіцджэральдам пасьля таго, як той пакідае Гласа напалову пахаваным у імправізаванай магіле. Пасьля іхнага сыходу Фіцджэральд прызнаецца, што схлусіў пра набліжэньне індзейцаў. Калі Фіцджэральд і Брыджэр пазьней сустракаюцца з Гэнры ў форце, Фіцджэральд кажа яму, што Глас памёр, а Ястраб зьнік. Брыджэр становіцца саўдзельнікам хлусьні пра сьмерць Гласа, хаця ён нічога ня ведаў пра зьнікненьне Ястраба.

Глас выконвае сабе апэрацыю і пачынае сваё цяжкае падарожжа, каб выжыць і адпомсьціць за свайго сына.

Крытыка[рэдагаваць | рэдагаваць крыніцу]

На «Rotten Tomatoes» фільм мае рэйтынг ухваленьня 78%, заснаваны на 396 водгуках, зь сярэднім рэйтынгам 7,86/10.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]