Бэрдмэн

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Бэрдмэн
Birdman
Birdman poster.png
Жанр кінакамэдыя[1][2][3][4] і драматычны фільм
Рэжысэр Алехандра Гансалес Іньярыту[5][6][2][7][8][9][10]
Прадусар Алехандра Гансалес Іньярыту, Джон Лэшэр, Арнон Мілчан і Джэймз Скотчдапоўл
Сцэнарыст Алехандра Гансалес Іньярыту, Нікаляс Джакабонэ[9], Аляксандар Дынэларыс-малодшы і Арманда Бо[9]
У ролях Майкл Кітан[11][6][2][7][4][12][13][14], Эма Стоўн[11][7][4][12][13][14], Эдўард Нортан[11][6][7][4][13][14], Андрэа Райзбара[11][6][4][12][13][14], Зак Галіфіянакіс[11][6][4][12][13][14], Наомі Ўотс[11][4][12][13][14], Эмі Раян[11][4][13][14], Мэрыт Ўівэр[11][13][14], Джэрэмі Шэмас[11][12][14], Дэм’ен Янг[11][12][14], Наталі Голд[11][14], Майкл Сыбэры[11], Кларк Мідлтан[11], Ўільям Юманз[11], Ліндсі Дункан[11][13][14], Пола Пэл[11], Мамз дэ Шэмэр[11], Фрэнк Л. Рыдлі[11], Біл Кэмп[11], Джэкі Гофман[11], Стывэн Эдлі Гірджыс[11], Сьюзэн Блэкўэл[11][14], Джаана Дэй[11] і Бэнджамін Кэйнз[11][14]
Кампазытар Антоніё Санчэс
Апэратар Эмануэль Любэцкі
Мантаж Дуглас Крайз
Вытворчасьць Fox Searchlight Pictures і Worldview Entertainment
Дата выхаду 27 жніўня 2014[15], 29 студзеня 2015[16], 15 студзеня 2015[17] і 3 сьнежня 2014[18]
Час 119 хвіліна
Краіна ЗША
Мова ангельская мова
Старонка на IMDb
Афіцыйны сайт

«Бэ́рдмэн» (па-ангельску: Birdman) — амэрыканскі драматычны фільм 2014 году ў жанры чорная камэдыя. Рэжысэрам фільму ёсьць Алехандра Гансалес Іньярыту. Сцэнар быў распрацаваны Іньярыту, Нікаляс Джакабонэ, Аляксандар Дынэларыс-малодшы і Арманда Бо. Галоўную ролю выканаў Майкл Кітан у вобразе Рыгана Томсана, бляклага галівудзкага актора, які быў найбольш вядомы дзякуючы ролі супэргероя Бэрдмэна і які прыкладвае ўсе высілкі дзеля таго, каб апрацаваць брадўэйскую экранізацыю аповесьці Рэйманда Карвэра. У фільме таксама зьняліся Зак Галіфіянакіс, Эдўард Нортан, Андрэа Райзбара, Эмі Раян, Эма Стоўн і Наомі Ўотс.

Фільм быў зняты ў Нью-Ёрку ўвесну 2013 году зь бюджэтам у 16,5 мільёнаў даляраў, які сумесна фінансаваўся кампаніямі Fox Searchlight Pictures, New Regency Pictures і Worldview Entertainment. Прэм’ера адбылася ў наступным годзе ў жніўні на адкрыцьці 71-га Вэнэцыянскага кінафэстывалю. «Бэрдмэн» атрымаў прэмію «Оскар» за найлепшы фільм, а таксама найлепшая рэжысэрская праца, найлепшы арыгінальны сцэнар і найлепшая апэратарская праца. Агульная колькасьць намінацыю на самую прэстыжную прэмію склала дзевяць, столькі ж колькі ў той год атрымала кінастужка «Гатэль „Гранд Будапэшт“».

Сюжэт[рэдагаваць | рэдагаваць крыніцу]

Рыган Томсан (Майкл Кітан) ёсьць бляклым акторам, вядомым тым, што ў 1990-х гадох сыграў супэргероя па мянушцы Бэрдмэн. Яго мучыць насьмешлівы і крытычны ўнутраны голас Бэрдмэна і ён часта ўяўляе, што мае звышздольнасьці, як то левітацыя і тэлекінэз. Рыган спрабуе вярнуць сабе прызнаньне, напісаўшы, паставіўшы і зьняўшыся ў брадўэйскай пастаноўцы паводле аповесьці Рэйманда Карвэра «Аб чым мы гаворым, калі размаўляем пра каханьне». Аднак голас Бэрдмэна хоча, каб Рыган вярнуўся ў кінафільм, і настойвае на тым, што ён зьяўляецца важнай часткай асобы Рыгана.

Джэйк (Зак Галіфіянакіс), лепшы сябар і адвакат Рыгана, стварае спэктакль, у якім зьнялася дзяўчына Рыгана, Лора (Андрэа Райзбара), і дэбютантка Брадўэю Лэсьлі (Наомі Ўотс). Дачка Рыгана Сэм (Эма Стоўн), якая вылечваецца ад наркатычнае залежнасьці і зь якой ён спрабуе аднавіць сувязь, працуе ягой памочніцай. За дзень да першага папярэдняга прагляду на няшчаснага актора Ральфа (Джэрэмі Шэмас) падае сьвяцільня. Паводле прапановы Лэсьлі, Рыган замяняе Ральфа на бліскучага, але маральна няўстойлівага актора Майка Шынэра (Эдўард Нортан), які зьяўляецца хлопцам Лэсьлі. Першыя прагляды ёсьць катастрафічнымі, то бок Майк ламае дэкарацыі ​​за тое, што сапраўдны джын замянілі на воду. Акрамя таго, Майк спрабуе згвалціць Лэсьлі падчас сцэны і сьцьвярджае, што рэквізытавы пісталет выглядае не рэальна. Гэтыя паводзіны нэрвуюць Рыгана і ён сварыцца з Майкам, кульмінацыйная бойка паміж імі адбываецца пасьля таго, як Рыган прачытаў інтэрвію газэты New York Times з Майкам, у якім Майк выдаў асабісты чыньнік Рыгана, паводле якога ён вырашыў ставіць п’есу Карвэра. Джэйк угаворвае Рыгана працягнуць працаваць з Майкам, бо іншых актораў ужо не знайсьці. Калі Рыган абражае Сэм пасьля таго, як выявіў, што яна ўжывае марыхуану, яна абразьліва папракае і наракае на яго, кажучы пра марнасьць ягонай пастановы.

Падчас заключнага папярэдняга прагляду Рыган выпадкова замыкае дзьверы звонку. Ён вымушаны прайсьці праз Таймз-сквэр у адных белых майтках, каб вярнуцца на сцэну праз залю. Занепакоеная Сэм чакае яго ў грымёрцы пасьля шоў. Яна лічыць, што выступ быў вельмі незвычайным, але цікавым. Яна паказвае яму, што кадры на Таймз-сквэр становяцца віруснымі ў інтэрнэце, і тлумачыць, што гэта на самай справе дапамагае яму.

Крытыка[рэдагаваць | рэдагаваць крыніцу]

На сайце агрэгатару аглядаў Rotten Tomatoes фільм мае рэйтынг ухваленьня 91% на аснове 351 агляду, а сярэдні рэйтынг складе 8,50/10. На думку кінакрытыкаў, рэжысэр Алехандра Гансалес Іньярыту зрабіў захапляльны скок у сваёй кар’еры, бо здолеў адлюстраваць шматслаёвую гісторыю, а таксама раскрыць выдатныя выступы Майкла Кітана і Эдўарда Нортана. На Metacritic фільм атрымаў сярэдні бал 87 з 100 магчымых, заснаваны на 58 крытычных водгуках, што паказвае на ўсеагульнае ўхваленьне. Аўдыторыя, апытаная CinemaScore, паставіла фільму сярэдні бал A– паводле шкалы ад A да F[19]. У 2015 годзе фільм быў названы адным з 50 найлепшых фільмаў дзесяцігодзьдзя паводле вэрсіі газэты «The Guardian»[20].

Крыніцы[рэдагаваць | рэдагаваць крыніцу]

  1. ^ http://www.nytimes.com/2014/10/17/movies/birdman-stars-michael-keaton-and-emma-stone.html
  2. ^ а б в https://www.filmaffinity.com/en/film670216.html
  3. ^ http://www.imdb.com/title/tt2562232/
  4. ^ а б в г д е ё ж http://www.metacritic.com/movie/birdman-or-the-unexpected-virtue-of-ignorance
  5. ^ Alejandro González Iñárritu wins best director Oscar for BirdmanThe Guardian, 2015.
  6. ^ а б в г д http://www.allocine.fr/film/fichefilm_gen_cfilm=216633.html
  7. ^ а б в г http://www.film-o-holic.com/arvostelut/birdman
  8. ^ http://www.filmstarts.de/kritiken/216633.html
  9. ^ а б в http://www.cinemarx.ro/filme/Birdman-Omul-pasare-sau-Virtutea-nesperata-a-ignorantei-2554107.html
  10. ^ http://movieweb.com/movie/birdman/
  11. ^ а б в г д е ё ж з і к л м н о п р с т у ф х ц ч Person Profile // IMDb — 1990.
  12. ^ а б в г д е ё http://www.ofdb.de/film/261250,Birdman-oder-(Die-unverhoffte-Macht-der-Ahnungslosigkeit)
  13. ^ а б в г д е ё ж з http://bbfc.co.uk/releases/birdman-film
  14. ^ а б в г д е ё ж з і к л м н ČSFD — 2001.
  15. ^ выгрузка зьвестак FreebaseGoogle.
  16. ^ Person Profile // IMDb — 1990.
  17. ^ http://nmhh.hu/dokumentum/169802/premierfilmek_forgalmi_adatai_2015.xlsx
  18. ^ http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx
  19. ^ «Oscar experts predict 'Birdman' will get 10 nominations». GoldDerby.
  20. ^ «Peter Bradshaw's top 50 films of the demi-decade». The Guardian.

Вонкавыя спасылкі[рэдагаваць | рэдагаваць крыніцу]