Акадэмія кіраваньня пры прэзыдэнце Рэспублікі Беларусь
| Акадэмія кіраваньня пры прэзыдэнце Рэспублікі Беларусь | |
| Акадэмія кіравання пры Прэзідэнце Рэспублікі Беларусь | |
 Фантан перад галоўным корпусам (чэрвень 2010 г.) | |
| Дэвіз па-беларуску | Веды для эфэктыўнага кіраваньня |
|---|---|
| Заснаваны | 29 студзеня 1991 (33 гады таму) |
| Тып | дзяржаўны |
| Рэктар | Ігар Бузоўскі |
| Колькасьць пэрсаналу | 350 (2015) |
| Колькасьць студэнтаў | 9000 |
| Колькасьць асьпірантаў | 150 (2009) |
| Месцазнаходжаньне | |
| Геаграфічныя каардынаты | 53°53′12″ пн. ш. 27°32′20″ у. д. / 53.88667° пн. ш. 27.53889° у. д.Каардынаты: 53°53′12″ пн. ш. 27°32′20″ у. д. / 53.88667° пн. ш. 27.53889° у. д. |
| Горад | Менск |
| Краіна | Беларусь |
| Кампус | Гарадзкі |
| Былыя назвы | Акадэмія кіраваньня пры Савеце міністраў Рэспублікі Беларусь (да 23 лістапада 1994 г.), Акадэмія кіраваньня пры Кабінэце міністраў Рэспублікі Беларусь (да 26 чэрвеня 1995 г.)[1] |
| Колеры | сіні, залаты |
| Знаходзіцца ў складзе | Адміністрацыя прэзыдэнта Рэспублікі Беларусь |
| Вэб-сайт | www.pac.by |
| Акадэмія кіраваньня пры прэзыдэнце Рэспублікі Беларусь на мапе Беларусі   Акадэмія кіраваньня пры прэзыдэнце Рэспублікі Беларусь | |
Акадэ́мія кірава́ньня пры прэзыдэ́нце Рэспу́блікі Белару́сь (АКПРБ) — дзяржаўная вышэйшая навучальная ўстанова Беларусі ў галіне кіраваньня, заснаваная ў студзені 1991 году ў Менску на аснове скасаванага Міжгаліновага інстытуту павышэньня кваліфікацыі і перападрыхтоўкі кіроўных кадраў. Зь лютага 1992 г. галоўны корпус месьціцца па вул. Маскоўская, д. 17. Са сьнежня 2004 г. другі корпус — па вул. К.Маркса, д. 22. На 2015 г. навучэнцаў разьмяшчалі ў 3 гуртажытках на 916 месцаў: № 1 (вул. К.Маркса, д. 22а); № 2 (вул. Сурганава, д. 47, корп. 4); № 3 (вул. Шчорса, д. 5). Спартовы комплекс (вул. Шчорса, д. 5а) улучаў баскетбольна-валейбольную пляцоўку, басэйн, залю аэробікі і трэнажорную залю на 124 месцы агулам. Бібліятэка налічвала 274 тыс. кніг і 35 тыс. пэрыёдыкі, мела студэнцкую чытальню на 40 месцаў.
Навучаньне і дасьледаваньні
[рэдагаваць | рэдагаваць крыніцу]Акадэмія кіраваньня ажыцьцяўляе дзённае і завочнае навучаньне. На 2020 г. улучала 2 інстытуты і 17 катэдраў. Інстытут кіраўніцкіх кадраў меў 3 факультэты і вёў навучаньне мэнэджараў, эканамістаў і юрыстаў на ступенях бакаляўра (4 гады) і магістра (год). Інстытут дзяржаўнай службы меў 2 факультэты і рыхтаваў дзяржаўных кіраўнікоў (год) пасьля бакаляўрыяту. З 1992 г. у асьпірантуры (3 гады) ажыцьцяўляецца падрыхтоўка да абароны дысэртацыяў[2] на навуковыя званьні кандыдатаў палітычных і эканамічных навук. З 1993 г. у дактарантуры — на званьне доктара эканамічных навук.
Мінуўшчына
[рэдагаваць | рэдагаваць крыніцу]29 студзеня 1991 г. Савет міністраў Рэспублікі Беларусь Пастановай № 33 ухваліў стварэньне Акадэміі кіраваньня на аснове зачыненага Міжгаліновага інстытуту павышэньня кваліфікацыі і перападрыхтоўкі кіроўных кадраў пры Беларускім дзяржаўным інстытуце народнай гаспадаркі[3]. 2 красавіка стварылі бібліятэку. У чэрвені 1992 г. адбыўся першы выпуск слухачоў. У 1996 г. стварылі Інстытут вышэйшых кіраўніцкіх кадраў (ІКК; 3 факультэты: 1. кіраваньня, 2. інавацыйнай падрыхтоўкі, 3. даўнівэрсытэцкай падрыхтоўкі). 14 верасьня 2000 г. заснавалі Інстытут дзяржаўнай службы (ІДС; 2 факультэты: 1. падрыхтоўкі і перападрыхтоўкі, 2. павышэньня кваліфікацыі) і Навукова-дасьледніцкі інстытут тэорыі і практыкі дзяржаўнага кіраваньня (НДІ ТПДК; 4 цэнтры: 1. дасьледаваньня дзяржаўнага кіраваньня, 2. дасьледаваньня дзяржаўнай кадравай палітыкі, 3. навукова-мэтадычнага суправаджэньня АІС «Рэзэрв», 4. адукацыйных тэхналёгіяў). У жніўні 2001 г. выйшаў 1-ы нумар часопіса «Праблемы кіраваньня».
26 ліпеня 2004 г. А.Лукашэнка Ўказам № 354 прызначыў Акадэмію ў якасьці асноўнай ВНУ для падрыхтоўкі чыноўнікаў паводле дзяржаўнага заказу, які меў узгадняцца з Адміністрацыяй прэзыдэнта[4]. 2 чэрвеня 2009 г. А.Лукашэнка Ўказам № 275 абавязаў дзяржаўныя ўстановы штогод да 1 кастрычніка падаваць прапановы ў Акадэмію аб навучаньні ідэолягаў і кожныя 3 гады — аб навучаньні кіраўнікоў. Таксама дзяржаўныя ўстановы мелі спрыяць практыцы і стажыроўкам навучэнцаў і выкладнікаў Акадэміі[5].
Рэктары
[рэдагаваць | рэдагаваць крыніцу]- Анатоль Шрубенка (14 верасьня 1992 — 21 ліпеня 2000)
- Пётар Брыгадзін (21 ліпеня 2000 — 14 лістапада 2001)
- Пётар Кухарчык (14 лістапада 2001 — 25 сакавіка 2003)
- Станіслаў Князеў (25 сакавіка 2003 — 15 лістапада 2007)
- Анатоль Маразевіч (15 лістапада 2007 — 9 лістапада 2014)[6]
- Марат Жылінскі (15 сьнежня 2014 — 22 мая 2018[7])
- Генадзь Пальчык (15 сьнежня 2014 — 20 жніўня 2020)
- Вячаслаў Даніловіч (21 верасьня 2020[8] — 29 сакавіка 2024[9])
- Ігар Бузоўскі (з 13 чэрвеня 2024[10])
Крыніцы
[рэдагаваць | рэдагаваць крыніцу]- ^ А.Лукашэнка. Указ прэзыдэнта Рэспублікі Беларусь ад 26 чэрвеня 1995 г. № 231 // Прававая бібліятэка, кастрычнік 2008 г. Праверана 30 ліпеня 2015 г.
- ^ Акадэмія кіраваньня // Беларуская энцыкляпэдыя ў 18 тамах / гал.рэд. Генадзь Пашкоў. — Менск: Беларуская энцыкляпэдыя імя Петруся Броўкі, 1996. — Т. 1. — С. 180. — 552 с. — 10 000 ас. — ISBN 985-11-0036-6
- ^ Пастанова Савета міністраў Рэспублікі Беларусь ад 29 студзеня 1991 г. № 33 (рас.) Праверана 30 ліпеня 2015 г.
- ^ А.Лукашэнка. Указ прэзыдэнта Рэспублікі Беларусь ад 26 ліпеня 2004 г. № 354 (рас.) // Прававая бібліятэка, кастрычнік 2008 г. Праверана 30 ліпеня 2015 г.
- ^ А.Лукашэнка. Указ прэзыдэнта Рэспублікі Беларусь ад 2 чэрвеня 2009 г. № 33 (рас.) // Нацыянальны прававы інтэрнэт-партал Рэспублікі Беларусь, 30 верасьня 2011 г. Праверана 30 ліпеня 2015 г.
- ^ Вячаслаў Будкевіч. Памёр рэктар Акадэміі кіраваньня пры прэзыдэнце Анатоль Маразевіч // БелаПАН, 10 лістапада 2014 г. Праверана 30 ліпеня 2015 г.
- ^ Наталья Костюкевич (22 мая 2018) "Ждет интересная работа". Чем займутся бывшие ректоры ведущих вузов, которых сменил Лукашенко (рас.). TUT.BY. Архіўная копія ад 2018-05-22 г.
- ^ Вячаслаў Даніловіч прызначаны рэктарам Акадэміі кіравання пры Прэзідэнце. zviazda.by (21 верасьня 2020).
- ^ УКАЗ ПРЕЗИДЕНТА РЕСПУБЛИКИ БЕЛАРУСЬ 29 марта 2024 г. № 115 Об освобождении от должностей
- ^ Лукашенко потребовал принимать в Академию управления «кого надо» (рас.) Reform.by(be)
Вонкавыя спасылкі
[рэдагаваць | рэдагаваць крыніцу]- Акадэмія кіраваньня // Беларускае пакаленьне Y, 10 студзеня 2014 г. Праверана 30 ліпеня 2015 г.
- Электронны каталёг (рас.) // Бібліятэка Акадэміі кіраваньня, 15 сакавіка 2014 г. Праверана 30 ліпеня 2015 г.
- Студэнцкая бачына (рас.)