Нацыянальная баскетбольная асацыяцыя

	Нацыянальная баскетбольная асацыяцыя; National Basketball Association
	Афіцыйны лагатып НБА
Агульная інфармацыя
Кантынэнт:	Амэрыка (ФІБА Амэрыка)
Дата заснаваньня:	6 чэрвеня 1946 году (БАА)
Месца заснаваньня:	Нью-Ёрк, ЗША
Першы сэзон:	1946/1947
Сучасная інфармацыя
Штаб-кватэра:	Нью-Ёрк, ЗША
Камісіянер:	Адам Сылвэр
Краіны:	ЗША (29 камандаў); Канада (1 каманда)
Колькасьць камандаў:	30
Слоган:	«Where Amazing Happens»
Вынікі
Рэкордная колькасьць тытулаў:	Бостан Сэлтыкс (17 тытулаў)
Дзейныя чэмпіёны:	Таронта Рэптарз (першы тытул)
Афіцыйны сайт
	НБА ў сэзоне 2019—2020 гадоў

Нацыянальная баскетбольная асацыяцыя (па-ангельску: National Basketball Association, NBA) — прэм’ер-ліга сусьветнага баскетболу і адна з галоўных спартовых арганізацыяў Паўночнай Амэрыкі.

Гісторыя

Ліга была заснаваная 6 чэрвеня 1946 году ў Нью-Ёрку і першапачаткова звалася Basketball Association of America (BAA). Яна складалася з 2 дывізіёнаў, у яе ўваходзіла 11 камандаў: Бостан Сэлтыкс, Chicago Stags, Cleveland Rebels, Detroit Falcons, New York Knickerbockers, Philadelphia Warriors, Pittsburgh Ironmen, Providence Steamrollers, St Louis Bombers, Toronto і Washington Capitols. 3 жніўня 1949 году пасьля зьліцьця з 6 клюбамі Нацыянальнай баскетбольнай лігі атрымала цяперашнюю назву. Пасьля чаго ў НБА стала 17 камандаў, якія былі падзеленыя на 3 дывізіёны. У 1950 годзе 6 камандаў: Anderson Packers, Chicago Stags, Дэнвэр Нагетс, Sheboygan Redskins, St Louis Bombers і Waterloo Hawks вышлі з НБА (11 клюбаў, 2 дывізіёны). У 1976 годзе ў НБА ўступілі 4 клюбы Амэрыканскай баскетбольнай асацыяцыі.

Цяпер НБА ўключае ў сябе 30 прафэсійных клюбаў ЗША і Канады. Каманды падзеленыя на дзьве канфэрэнцыі: Заходнюю і Ўсходнюю, у кожнай зь якіх па тры дывізіёны.

У лютым праводзіцца Матч усіх зорак, у якім прымаюць удзел гульцы, вылучаныя галасаваньнем заўзятараў. Па завяршэньні рэгулярнага чэмпіянату НБА па 8 найлепшых камандаў ад кожнай канфэрэнцыі выходзяць у плэй-оф. Пераможцы Заходняй і Ўсходняй канфэрэнцыяў сустракаюцца ў фінале і выяўляюць чэмпіёна НБА.

У чэрвені ліга праводзіць драфт, на якім каманды могуць папоўніць свае шэрагі гульцамі. Прыняць удзел у драфце можа любы гулец, які дасягнуў 17-гадовага ўзросту. З 1985 году праводзіцца драфт-лятарэя для вызначэньня чароднасьці выбару камандамі. Яна вызначае клюбы, якія будуць выбіраць на драфце першымі. Гэта залежыць ад выступу клюбу ў мінулым сэзоне.

Клюбам дазволена абменьвацца правамі на выбар у драфце, за што атрымліваць альбо іншую пазыцыю ў чарзе, альбо гульцоў іншых камандаў.