Naviband

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
NAVI
Eurovision Song Contest 2017, Semi Final 2 Rehearsals. Photo 260.jpg
Выступ падчас Эўрабачаньня-2017
Інфармацыя
Гады 2013 — дасюль
Адкуль Беларусь
Мова беларуская
Жанр інды-поп, фолк-рок
Афіцыйная старонка https://vk.com/navi_band
Удзельнікі Ксенія Жук
Арцём Лук'яненка

NAVI (па-беларуску: Наві́), або NAVIBAND — беларускі гурт, які сьпявае ў жанры інды-поп, фолк-рок. Прадстаўнік Беларусі на конкурсе песьні «Эўрабачаньне 2017» зь песьняй на беларускай мове «Гісторыя майго жыцьця».

Гісторыя гурту[рэдагаваць | рэдагаваць крыніцу]

2013—2014[рэдагаваць | рэдагаваць крыніцу]

Гурт NAVI быў заснаваны 14 лютага 2013 — пасьля амаль выпадковай сустрэчы Ксеніі Жук і Арцёма Лук’яненкі. Так сталася, што абодва музыкі знаходзіліся ў той час у творчым пошуку. Абодва вакаліста ўжо даўно зьбіраліся зьмяніць стылістыку, у якой яны гралі раней. Можна сказаць, што калектывы, у якіх яны раней працавалі, былі супрацьлеглымі па гучаньню і стылістыцы. Спалучыўшы такія розныя напрамкі, яны вырашылі паспрабаваць і сьпець адну песьню дуэтам.[1]

У 2013 музыку гурту NAVI адзначыла Дзіяна Арбеніна, разам зь ёй музыкі выступілі ў двух юбілейных канцэртах Начных Снайпераў. Таксама станоўча музыку NAVI ацаніў і Сяргей Бабкін. На адным з сольных канцэртаў NAVI выступілі ў якасьці разагрэву.

У студзені 2014 адбылася прэзэнтацыя першага альбому гурту пад назвай «Лаві». Улетку 2014 група прыняла ўдзел у буйным польскім фэстывалі Halfway festival, дзе выступілі на адной сцэне з Лізай Ханіган. У сьнежні 2014 выйшаў акустычны альбом гурту на роднай мове «Сонцам сагрэтыя»! Летам музыкі перамаглі ў намінацыі «Адкрыцьцё году», а таксама былі адзначаныя ў намінацыі «Лепшая песьня на роднай мове» у Нацыянальнай музычнай прэміі Ліра.

Гурт удзельнічаў у фэстывале «Дружба» разам з такімі гуртамі, як «Нагу зьвяло», «Сяргей Бабкін», «Дэльфін» і «Animal Джаз», а таксама на фэсьце «Басовішча-2015». Узімку NAVI выступілі на калядных канцэртах г. Масквы на пляцоўках ля Вялікага тэатра, дзе былі цёпла прынятыя публікай.[2]

2015 — да гэтага часу[рэдагаваць | рэдагаваць крыніцу]

У чэрвені 2015 група выступіла на буйным расейскім фэстывалі «Дзікае мята» разам з такімі мэтрамі як: «Акварыум», «Tequilla Jazz», Ніно Катамадзэ, «Млын», Zdobshizdub. Намінанты беларускай музычнай прэміі «Героі году-2015», узялі Гран-пры конкурсу «Засьпявай 2.0», пераможцы конкурснай праграмы «Басовішча-2015».

Фіналісты беларускага нацыянальнага адбору на «Эўрабачаньне-2016», «Эўрабачаньне-2017». 20 студзеня 2017 атрымалі перамогу ў нацыянальным адборы зь песьняй «Гісторыя майго жыцьця» (на беларускай мове). Па выніках галасаваньня ў другім паўфінале «Эўрабачаньня-2017» гурт патрапіў у фінал конкурсу[3][4].

Склад[рэдагаваць | рэдагаваць крыніцу]

Дыскаграфія[рэдагаваць | рэдагаваць крыніцу]

Год Арыгінальная назва Па-беларуску
2014 Лови Лаві
2014 Сонцам сагрэтыя Сонцам сагрэтыя
2016 Live in Minsk У прамым этэры зь Менску
2016 Мы Просыпаемся Мы Прачынаемся
2017 Иллюминация Ілюмінацыя

Крынціы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]