Чыжоўка (мікрараён)
| Чыжоўка | |
| Мікрараён | |
 | |
| Горад: | Менск |
|---|---|
| Дата заснаваньня: | 1964 |
| Папярэдні статус: | вёска |
| Насельніцтва: | 62 тыс. чал. |
Чыжоўка — мікрараён у складзе Заводзкага раёну гораду Менску (Беларусь).
Разьмяшчэньне
[рэдагаваць | рэдагаваць крыніцу]На паўднёвым усходзе гораду, паміж Чыжоўскім вадасховішчам і МКАД. Мікрараён з поўдня абходзіць вялікай дугой вуліца Ўбарэвіча, што нехарактэрна для вуліц таго часу. Тыповы «спальны раён» з адпаведнай інфраструктурай.
Гісторыя
[рэдагаваць | рэдагаваць крыніцу]Назоў паходзіць ад былой вёскі на месцы мікрараёну, якая ў 1967 годзе была ўключаная ў склад Менску.
Раён пачаў забудоўвацца ў 1964 годзе. Складаецца зь сямі кварталаў: Чыжоўка-1, Чыжоўка-2 і г. д. (Чыжоўка-7 — гэта прыватны сэктар па вуліцы Чырвоная Слабада, рэшткі вёскі Чыжоўка). Насельніцтва — 62 тыс. чалавек. За МКАД разьмешчаныя Чыжоўскія могілкі.
Гідралягічныя аб’екты
[рэдагаваць | рэдагаваць крыніцу]Чыжоўскае вадасховішча (самае нізкае месца ў Менску), Сьляпянская водная сыстэма, невялікі ручай ля заапарку. Доўгі час купаньне было забароненым, але нягледзячы на гэта былі вельмі частымі выпадкі парушэньня гэтае забароны. У 2010 року купаньне зноў было дазволенае.
Забудова
[рэдагаваць | рэдагаваць крыніцу]Пераважны тып забудовы — дамы 5, 9, 12 паверхаў, ёсьць таксама асобныя будынкі адно-двухпавярховай забудовы, якая засталася ад вёскі.
Раён засяляўся пераважна работнікамі Менскага трактарнага заводу, Менскага аўтазаводу і Менскага маторнага заводу.
Галоўныя вуліцы — Ташкенцкая, Галадзеда, Чырвонаслабодзкая і Ўбарэвіча.
Насельніцтва
[рэдагаваць | рэдагаваць крыніцу]Адукацыя
[рэдагаваць | рэдагаваць крыніцу]На тэрыторыі мікрараёну знаходзіцца Менскі дзяржаўны вышэйшы авіяцыйны каледж (МДВАК).
Мэдыцына
[рэдагаваць | рэдагаваць крыніцу]У сыстэму дзяржаўнай аховы здароўя ўваходзяць Гарадзкая клінічная бальніца № 10, паліклініка № 22 (дзіцячае і дарослае аддзяленьні).
Культура
[рэдагаваць | рэдагаваць крыніцу]У мікрараёне дзейнічаюць дзьве бібліятэкі. Раней дзейнічаў кінатэатар «Дружба».
Эканоміка
[рэдагаваць | рэдагаваць крыніцу]Гандаль
[рэдагаваць | рэдагаваць крыніцу]У мікрараёне знаходзіцца Чыжоўскі рынак.
Грамадзкі транспарт
[рэдагаваць | рэдагаваць крыніцу]У мікрараёне знаходзяцца тры кальцы грамадзкага транспарту.
Дзейнічае наступны грамадзкі транспарт:
- Аўтобусы па маршрутах 16, 21, 22, 26, 59 і г. д.
- Тралейбусы па маршрутах 16 і 17.
- Сыстэма маршрутных таксі.
Славутасьці
[рэдагаваць | рэдагаваць крыніцу]
- Чыжоўскае вадасховішча
- Парк імя 900-годзьдзя Менску
- Чыжоўка-Арэна
- Менскі заапарк
- Праваслаўны храм ў імя Сьвятога вялікамучаніка Георгія Пераможцы
Вонкавыя спасылкі
[рэдагаваць | рэдагаваць крыніцу]
Чыжоўка (мікрараён) — сховішча мультымэдыйных матэрыялаў