Брылевічы

	Брылевічы
	па-беларуску: Брылевічы
	Падчас будоўлі, жнівень 2007
Краіна	Беларусь;
Першыя згадкі	1577
Дата заснаваньня	2007
Паштовыя індэксы	220045
Плошча	4 км²;
Насельніцтва	90 000 чал.;

Брыле́вічы — спальны мікрараён у паўднёва-заходняй частцы Менску (Маскоўскі раён). Узьнік у 2005—2008 гадах. Назву атрымаў ад маёнтку Брылевічы.

Маёнтак

Маёнтак Брылевічы ўпершыню ўзгадваецца ў 1577 годзе, як месца пражываньня ўладальнікаў побач разьмешчанай вёскі Рылаўшчына. У 1858 годзе згадваецца як маёнтак, уласнасьць А. Вісьнеўскага. У 1897 годзе Брылевічы — маёнтак Сеніцкай воласьці, 2 двары, 17 жыхароў. У 1917 годзе — двор, 6 жыхароў.

30 ліпеня 1964 указам Прэзыдыюму Вярхоўнага Савету БССР вёска Рылаўшчына была пераназваная ў Дружбу як немілагучная.

Мікрараён

Новы мікрараён праектаваўся пад назвай «Дружба». Але ў сьнежні 2006 году Менскі гарадзкі Савет дэпутатаў прыняў рашэньне «ў мэтах эстэтызацыі гарадзкога асяродзьдзя надаць гістарычныя назвы наступным новым праектуемым мікрараёнам г. Менску: мікрараёну, які праектуецца ў межах праспэкта Дзяржынскага. МКАД і чыгункі Менск — Берасьце (будаўнічая назва — „мікрараён Дружба“), прысвоіць назву мікрараён Брылевічы і надалей называць яго „мікрараён Брылевічы“ („Брилевичи“)…»^[1].

У мікрараёне знаходзяцца вуліцы Яна Чачота, Каралінская, Напалеона Орды, Ежы Гедройца.

Адлюстраваньне ў тапаніміцы Менску

Назва менскай вуліцы Брылеўская паходзіць ад маёнтку Брылевічы, да якога гістарычна была скіраваная.

Крыніцы

^ Аб прысваенні назваў вуліцы, скверам і мікрараёнам г. Мінска — Решение 22-й сессии Минского городского Совета депутатов 24-го созыва №274 от 22.12.2006(недаступная спасылка)

[1] Аб прысваенні назваў вуліцы, скверам і мікрараёнам г. Мінска — Решение 22-й сессии Минского городского Совета депутатов 24-го созыва №274 от 22.12.2006(недаступная спасылка)

[1]