Трактаразаводзкі пасёлак

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Каардынаты: 53°53′13″ пн. ш. 27°36′34″ у. д. / 53.88694° пн. ш. 27.60944° у. д. / 53.88694; 27.60944

Трактаразаводзкі пасёлак
Мікрараён
Выява
Горад: Менск
Дата заснаваньня: 29 траўня 1946 (73 гады таму)
Папярэдні статус: урочышча
Паштовыя індэксы: 220009, 220070[1]

Трактаразаводзкі пасёлак — мікрараён на паўдзёвым захадзе Партызанскім раёну Менску, забудаваны ў 2-й палове 1940-х гадоў на месцы былога Антонаўскага ўрочышча.

Назву атрымаў з нагоды адначаснага ўзьвядзеньня Менскага трактарнага заводу.

Вуліцы[рэдагаваць | рэдагаваць крыніцу]

  • Партызанскі праспэкт (раней Магілёўская шаша).
  • Бульвар Трактарабудаўнікоў.
  • Вуліцы (9): Будзёнага, Ванеева (да траўня 1947 г. Лекерта), Грыцаўца (раней Завадзкое кольца), Даўгабродзкая (раней прадмесьце Доўгі Брод), Кашавога, Клумава (раней Клюбная), Стаханаўская, Чабатарова (раней Прамысловая) і Шчарбакова.
  • Завулкі (5): Будзёнага (раней Лазьневы[2]), Вучнёўскі, Клумава, Стаханаўскі і Шчарбакова.

Забудова і прамысловасьць[рэдагаваць | рэдагаваць крыніцу]

На 2018 год мікрараён Трактаразаводзкі пасёлак меў 2-5-павярховую забудову, што ўлучала гуртажытак № 9 «МТЗ». У межах мікрараёну месьціліся «Менскі трактарны завод» («МТЗ») і 124-я аўтазборачная вытворчасьць ААТ «Менскі завод колавых цягачоў».

Транспарт[рэдагаваць | рэдагаваць крыніцу]

У мікрараёне месьціцца станцыя мэтро «Трактарны завод» Аўтазаводзкай лініі Менскага мэтрапалітэну. На 2018 год на трамвайных прыпынках «Будзёнага», «Ванеева» і «Трактарны завод» спыняліся трамваі № 3, 6 і 9. На прыпынках «Кашавога», «Будзёнага» і «Стаханаўская» спыняўся электробус № 59 («Вітаўт Макс Электра»). На 7 прыпынках — «Будзёнага», «Ванеева», «плошча Ванеева», «Ваўпшасава», «Грыцаўца», «Кашавога» і «Стаханаўская» — агулам спыняліся тралейбусы 10 маршрутаў: № 3, 15, 16, 17, 19, 30, 34, 41, 41д і 49. Таксама дзейнічала 10 аўтубусных маршрутаў: № 2с, 43, 43д, 71, 79, 79д, 84, 93 і 106. Працаваў чыгуначны прыпынак «Трактарны».

Інфраструктура[рэдагаваць | рэдагаваць крыніцу]

Сквер «Садружнасьць»

У мікрараёне Трактаразаводзкі пасёлак месьціцца Дом культуры МТЗ з 2 залямі на 800 і 300 месцаў. Пры ім працуюць ансамбль бальнага танцу «Мара», ансамбль танцу «Лянок» і ансамбль эстраднага танцу «Серпантин», тэатры «На Доўгім бродзе» і «Карусель», а таксама студыя выяўленчага мастацтва і духавы аркестар. Таксама працуе бібліятэка № 6 (вул. Кашавога, д. 10). Уздоўж Сьляпянскай воднай сыстэмы працягнуўся Антонаўскі парк — ад чыгункі Менск-Масква на поўначы да Партызанскга праспэкта на поўдні. Таксама існуе 2 сквэры — імя Яўгена Клумава і «Садружнасьць». Апошні між вуліцамі Кашавога, Чабатарова і Даўгабродзкай.

Адукацыя[рэдагаваць | рэдагаваць крыніцу]

2 ВНУ: навучальны корпус Беларускай дзяржаўнай акадэміі мастацтваў (вул. Будзёнага, д. 6) і Міжнародны дзяржаўны экалягічны інстытут імя Андрэя Сахарава (вул. Даўгабродзкая, д. 23) у складзе БДУ. 3 ССНУ: Менскі каледж мантажных і пад’ёмна-транспартных работаў (вул. Будзёнага, д. 8), Менскі машынабудаўнічы каледж (вул. Даўгабродзкая, д. 25), Менскі мэдычны каледж (вул. Даўгабродзкая, д. 41, корп. 1), Менская гарадзкая кадэцкая вучэльня № 1 (вул. Стаханаўская, д. 1). 3 школы: музычныя № 3 імя Шапэна (вул. Шчарбакова, д. 4), № 22 з харэаграфічным ухілам (вул. Грыцаўца, д. 9) і № 87 (вул. Шчарбакова, д. 23).

Ахова здароўя[рэдагаваць | рэдагаваць крыніцу]

9-я гарадзкая паліклініка (2013 г.)
  • 9-я гарадзкая паліклініка (вул. Шчарбакова, д. 1)
  • 9-я дзіцячая паліклініка (вул. Даўабродзкая, д. 39, корп. 1)
  • Мэдцэнтар МТЗ (вул. Стаханаўская, д. 10а)
  • Дзяжурная аптэка № 25 УП «Белфармацыя» (вул. Кашавога, д. 10; кругласодневая)

Гісторыя[рэдагаваць | рэдагаваць крыніцу]

У 19 стагодзьдзі на месцы мікрараёна знаходзілася Антонаўскае ўрочышча, якое належала праваслаўнай царкве. Урочышча атрымала назва ад імя менскага япіскапа Антонія, які там жыў пасьля сыходу з пасады ў 1848 годзе. Пасьля 1919 году бальшавіцкі ўрад Беларускай ССР канфіскаваў гэтыя землі. За 1939—1941 гады на загад генсакратара ЦК УКП(б) Ёсіфа Сталіна на месцы ўрочышча ўзьвялі ангары для самалётаў і аэрадром. Падчас нямецкай акупацыі іх выкарыстоўвалі нямецкія вайскоўцы. 29 траўня 1946 г. Савет міністраў СССР ухваліў Пастанову № 1142 аб будаўніцтве Менскага трактарнага завода на месцы аэрадрома. У 1946—1950 гадах на будоўлі трактарнага завода і пасёлка працавала звыш 5000 нямецкіх ваеннапалонных. Забудову Трактаразаводзкага пасёлка распрацаваў архітэктар Зіновій Розэнфэльд. Кватэры на Стаханаўскай вуліцы абсталявалі ваннамі, што было на той час раскошай . Тамсама разьмясьцілі школу (на 2013 г. там гуртажытак), лазьню, фізкультурны асяродак, аддзяленьне міліцыі, лякарню і дзіцячы сад[3].

Крыніцы[рэдагаваць | рэдагаваць крыніцу]

  1. ^ Адрасы і рэжым работы АПС (вытворчасьць «Менская пошта») // УП «Белпошта», 2018 г. Праверана 9 ліпеня 2018 г.
  2. ^ Кірычэнка В. І. Мінск. Гісторыя пасляваеннага аднаўлення. 1944-1952 гг. — Мн.: Беларусь, 2004. — С. 273.
  3. ^ Ніна Шчарбачэвіч. Камуністычны шарм пасёлка трактарнага завода // Ігуменскі тракт. — 16 ліпеня 2013. — № 21 (36). — С. 6.

Вонкавыя спасылкі[рэдагаваць | рэдагаваць крыніцу]