Уладзіслаў Ігнацьеў
| Уладзіслаў Ігнацьеў | ||
| Пэрсанальная інфармацыя | ||
|---|---|---|
| Нарадзіўся | 13 лютага 2003[1] (22 гады) | |
| Рост | 194 см[3] | |
| Вага | 86 кг[3] | |
| Пазыцыя | брамнік | |
| Клюбная інфармацыя | ||
| Клюб | Менск (у арэндзе з клюбу «БАТЭ») | |
| Нумар | 1 | |
| Клюбы | ||
| Гады | Клюб | Гульні (галы)¹ |
| 2023— | БАТЭ | 10 (0) |
| 2023 | → Астравец | 3 (0) |
| 2023 | → Гомель | 14 (0) |
| 2025— | → Менск | 2 (0) |
| 2025— | → Менск-2 | 1 (0) |
| Зборныя | ||
| 2023 | Беларусь (да 21) | 1 (0) |
|
¹ Колькасьць гульняў і галоў за прафэсійны клюб лічыцца толькі | ||
Уладзіслаў Ігнацьеў (нар. 13 лютага 2003 году) — беларускі футбаліст, брамнік «Менску». У сталічным клюбе знаходзіцца ў арэндзе з барысаўскага БАТЭ.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец акадэміі сталічнага клюбу «Менск». Пазьней далучыўся да акадэміі барысаўскага БАТЭ. У 2021 годзе пачаў зьяўляцца ў барысаўскім дублі, часам трапляючы ў заяўку першай каманды клюбу. Гулец увесь матч Супэркубка Беларусі 5 сакавіка 2022 году правёў на лаве запасных, а сам клюб перамог салігорскі «Шахцёр» і здабыў тытул[4]. Увесь сэзон 2022 году футбаліст працягнуў выступаць за дублюючы склад клюбу. У сакавіку 2023 года на правах арэнднай дамовы прыяднаўся да «Астраўцу»[5], дэбютаваўшы ў Першай лізе 8 красавіка 2023 году ў матчы супраць «Слоніма-2017». Даць рады брамнік ня здолеў, таму ў ліпені быў адкліканы з арэнды[6]. Тым ня менш, ужо ў жніўні футбаліст быў арандаваны «Гомлем» з Найвышэйшай лігі. 12 жніўня Ігнацьеў зьявіўся ў браме гамельчукоў у матчы супраць «Нафтану». Неўзабаве гулец замацаваўся ў першым складзе дружыны, згуляўшы ў 14 матчах чэмпіянату. Па сканчэньні сэзону вярнуўся ў БАТЭ. Не зважаючы на тое, што былі зьвесткі аб тым, што гулец можа працягнуць абараняць колеры гамельчукоў, брамнік рыхтаваўся да сэзону з барысаўскім клюбам. 16 сакавіка 2024 году Ігнацьеў дэбютаваў у складзе БАТЭ ў матчы Найвышэйшай лігі супраць сталічнага «Менску», здолеўшы захаваць сваю браму ад галоў і адбіўшы пэнальці[7]. Хутка саступіў месца ў браме Арсеню Скапцу, стаўшы другім брамнікам каманды і часам зьяўляючыся ў пачатковым складзе каманды. У выніку на сэзон 2025 году паводле дамовы арэнды прыяднаўся да «Менску»[8].
Міжнародная
[рэдагаваць | рэдагаваць крыніцу]У лістападзе 2023 года футбаліст атрымаў выклік у моладзевую зборную Беларусі[9]. Дэбютаваў за зборную 15 лістапада 2023 году ў таварыскім матчы супраць зборнай зборнай Расеі[10].
Дасягненьні
[рэдагаваць | рэдагаваць крыніцу]БАТЭ:
- Уладальнік Супэркубка Беларусі: 2022
Крыніцы
[рэдагаваць | рэдагаваць крыніцу]- ^ а б в https://teams.by/ignatiev-vladislav/player-232472/
- ^ а б https://betnews.by/player/vladislav-ignatev-minsk-belarus/
- ^ а б в г https://fcbate.by/team/base/128
- ^ Футболисты борисовского БАТЭ в восьмой раз стали обладателями Суперкубка Беларуси (рас.). БелТА.
- ^ "Островец" арендовал Гончарика и Игнатьева (рас.)
- ^ БАТЭ отозвал из аренды Владислава Игнатьева (рас.)
- ^ Владислав Игнатьев: "Как говорится, не достал, так напугал" (рас.)
- ^ Голкипер Владислав Игнатьев присоединился к «Минску» (рас.). Белорусский футбол (2025-02-26). Праверана 2025-03-08 г.
- ^ Вызов в молодежную сборную. АБФФ.
- ^ Молодежная сборная Беларуси в товарищеском матче уступила россиянам (рас.)
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway