Сузор’е (гурт)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Сузор’е
Інфармацыя
Гады 19771991
Мова беларуская
расейская
Жанр рок
Удзельнікі Андрэй Казлоўскі
Андрэй Філатаў
Валянцін Пучынскі
Ігар Майскі
Уладзімер Пучынскі
Былыя ўдзельнікі Аляксей Казлоўскі
Аляксандар Растопчын
Вольга Аліпава
Вольга Хіжанкова
Павал Харэвіч
Аляксандар Брынцаў
Нэлі Дзянісава
Аляксандар Несьцяровіч

«Сузо́р’е» — менскі гурт, граў у стылістыцы гард-рок.

Гісторыя[рэдагаваць | рэдагаваць крыніцу]

Гурт зьявіўся у верасьні 1977 году як штатны гурт аднайменнага камсамольска-моладзевага кафэ ў Менску ў складзе: Андрэй Казлоўскі (сьпеў, гітара), Валянцін Пучынскі (сьпеў, бас-гітара), Андрэй Філатаў (бубны), Ігар Майскі (клявішныя), Уладзімер Пучынскі (гукарэжысэр). Напачатку сваёй дзейнасьці гурт выконваў вядомыя рокавыя і блюзавыя творы замежных аўтараў, абраўшы ў якасьці асноўнага кірунку прагрэсіў- і гард-рок.

Ад 1981 году гурт стаўся штатным калектывам Беларускае дзяржаўнае філярмоніі, дзе і працаваў да 1991 году, выконваючы ў асноўным расейска- і беларускамоўныя творы Пучынскага, Лучанка і Будніка. У выніку ажыцьцяўленьня пастановы ЦК КПСС у 1983 годзе калектыў быў пазбаўлены назвы і расфарміраваны, але дастаткова хутка аднавіўся як інструмэнтальны ансамбль пад кіраўніцтвам А. Несьцяровіча. У сярэдзіне 80-х гурт выступаў як акампаніруючы ансамбль С. Кульпы і Надзеі Мікуліч, узбагаціўшы сваё гучаньне народнымі інструмэнтамі. Пад назовам «Сузор’е» гурт аднавіўся у 1986 годзе.

Музыкі першымі на беларускае папулярнае сцэне рэалізавалі інструмэнтальныя фрагмэнты з «Полацкага сшытку», напісалі музыку на фрагмэнты паэмы «Песьня пра зубра» Міколы Гусоўскага[1]2008 годзе аднайменная рок-опэра была скончаная і выйшла на дысках). Сузор’е сталася першым на Беларусі гуртом, атрымаўшым статус прафэсійнага, запісала першы ў гісторыі беларускае рок-музыкі магнітаальбом, дало больш за 1500 выступаў у розных гарадох былога СССР.

У розныя гады у склад гурту ўваходзілі Аляксей Казлоўскі (бас-гітара, сьпеў, пазьней — Zindan), Аляксандар Растопчын (гітара 1982—1984, пазьней «Тоніка», «Песьняры»), Вольга Аліпава (сьпеў), Вольга Хіжанкова (сьпеў), Павал Харэвіч (сьпеў), Аляксандар Брынцаў (сьпеў), Нэлі Дзянісава (сьпеў, пазьней — Zindan), Аляксандар Несьцяровіч (клявішныя, ад 1983). Гурт запісаў музыку для спэктаклю «Транслегатар» (Беларускае радыё, 1980), музычнага спэктаклю «Клеменс» (Нацыянальны акадэмічны драматычны тэатар імя Якуба Коласа).

Гурт прыпыніў існаваньне ў 1991 годзе. Напрыканцы 2001 з ініцыятывы прадусара Ўладзімера Пучынскага гурт быў часова адноўлены, і адбылося колькі клюбных канцэртаў у Менску. Намінальна гурт існуе і зараз, у складзе Андрэя Казлоўскага і Аляксандра Несьцяровіча з удзелам запрошаных музыкаў.

Найбольш вядомыя песьні — «Старый мост», «Фортуна», «Весенний день», «Капитан», «Сентябрьская река», «Песня пра зубра», «На шляху дзікіх гусей».

Узнагароды[рэдагаваць | рэдагаваць крыніцу]

Фэстывалі: Міжнародны фэстываль палітычнае песьні «Рыга 1978» (Рыга, Латвія), Усесаюзны конкурс эстраднае песьні «Ялта 1981» (Ялта, Украіна), Другі ўсесаюзны фэстываль польскае песьні ў Віцебску (1990).

Узнагароды: I прэмія Міжнароднага фэстывалю палітычнае песьні «Рыга 1978» (Рыга, Латвія), «За ўнёсак у разьвіцьцё беларускае рок-музыкі» на «Рок-каранацыі» 2001.

Альбом «Песня пра зубра» трапіў у топ-10 па вэрсіі «Experty.by» па выніках 2008 году.

Дыскаграфія[рэдагаваць | рэдагаваць крыніцу]

  • «Старый мост» (максі-сынгл, EP, 1983)
  • «Рок-терапия» (альбом, MC 1984, CD 2002)
  • «Сентябрьская река» (альбом, LP, 1987)
  • «Кафе» (Складанка, CD, 2002)
  • «Нелли + Сузорье» (альбом, CD, 2002)
  • «Песня пра зубра» (альбом, CD, 2008)

Крыніцы[рэдагаваць | рэдагаваць крыніцу]