Новае Неба
| Новае Неба | |
| Інфармацыя | |
|---|---|
| Гады | 1991—2000-я |
| Адкуль |
.svg){kind=small} Беларусь Менск |
| Мова | беларуская |
| Жанр | рок |
| Выдавец |
Каўчэг БМАgroup |
| Зьвязаныя праекты | |
| Удзельнікі | |
| Кася Камоцкая, Лявон Вольскі, Слава Корань, Юрась Ляўкоў, Алег Дземідовіч | |
Но́вае Не́ба — беларускі рок-гурт. Заснаваны ў 1991 годзе бард-сьпявачкай Касяй Камоцкай і гітарыстам Лявонам Шырыным[1].
Мінуўшчына[рэдагаваць | рэдагаваць крыніцу]
Кася Камоцкая, якая выконвала акустычныя песьні на гітары, на параду Алеся Камоцкага запрасіла гітарыста Лявона Шырына для ўдзелу ў запісе на радыё[1]. Гэтая супольная праца дала жыцьцё новаму калектыву, які атрымаў назву „Новае Неба“. Гурт ня меў сталага складу музыкаў (акрамя Касі Камоцкай), у розны час да яго далучаліся Лявон Вольскі, Вячаслаў Корань, Алег Дземідовіч, Юрась Ляўкоў, Юлія Глушыцкая і інш. Тэксты пісалі Міхал Анемпадыстаў, Адам Глёбус, Анатоль Сыс, Лявон Вольскі й іншыя сучасныя беларускія паэты.
Дэбютны альбом убачыў сьвет пад назвай «Дзеці чорнага гораду» (1991). Чацьверты альбом «Мая краіна» запісаны адразу пасьля лістападаўскага рэфэрэндуму 1996 року, як балючая рэакцыя на палітычныя перамены. У 1999 року быў выпушчаны зборнік «Песьні розных гадоў» (таксама вядомы пад назвамі «The Best», «Выбранае», «Лепшае»)[2]. У тым жа 1999 року лэйблам Каўчэг выдадзены апошні электрычны альбом гурту «Cepieliny», у запісе ўдзельнічалі гітарыст Слава Корань, басіст Аляксей Паўловіч, ударнік Аляксандар Быкаў[3]. Альбом мусіў стаць кропкай у гісторыі гурту. Аднак у 2000-х Кася Камоцкая час ад часу зьбірала скарочаны акустычны склад гурту (гітарыст ULIS Слава Корань і віялянчэлістка Юлія Глушыцкая). Плёнам гэтай працы стаў альбом «Акустыка», запісаны 30 кастрычніка 2004 року на канцэрце ў Доме літаратара Сержуком Лабандзіеўскім і выдадзены лэйблам БМАgroup у 2005 року. Акрамя песень, на дыск былі зьмешчаныя тры відэакліпы гурта («Цэпэліны», «Дом», «Неба мяняе колер»)[4].
У 1995 року, на «Рок-каранацыі’94», гурт атрымаў рок-карону за альбом «Сон у трамваі». На «Рок-каранацыі’95» і ’96 лідар гурта Кася Камоцкая атрымлівала званьні «Рок-князёўны»[1].
Гурт „Новае Неба“ лічыцца адной з галоўных зьяваў на музычнай сцэне Беларусі 1990-х рокаў[5].
Дыскаграфія[рэдагаваць | рэдагаваць крыніцу]
Альбомы[рэдагаваць | рэдагаваць крыніцу]
- Дзеці чорнага гораду (1991)
- Сон у трамваі (1994)
- Go home (1995)
- Мая краіна (1996)
- Выбранае (1997)
- Novaje Nieba. Лепшае. (1999)
- Cepieliny (1999)
- Акустыка (2005)
Складанкі[рэдагаваць | рэдагаваць крыніцу]
- Вольныя танцы: слухай сваё (1999) — «Сон у трамваі»
- Вольныя танцы: новая альтэрнатыва (2000)
- More каханьня (2001)
- Сэрца Эўропы in rock (2001) — «Гэта Мы!»
- Генералы айчыннага року (2004) — «У небе зьнічаваньняў 33»
- Песьні свабоды (2006) — «Гэта мы!»
- Песьні свабоды-2 (2006) — «Ліст да сястры»
Удзельнікі[рэдагаваць | рэдагаваць крыніцу]
- Кася Камоцкая: сьпеў
- Лявон Шырын: гітара (1988–1994)[6]
- Слава Корань: гітара (1994–1999)[7]
Літаратура[рэдагаваць | рэдагаваць крыніцу]
- Д. П. «НОВАЕ НЕБА» // Энцыклапедыя беларускай папулярнай музыкі / уклад. Дз. Падбярэзскі і інш. — Мінск: Зміцер Колас, 2008. — С. 207–208. — 368 с. — 2000 ас. — ISBN 978-985-6783-42-8
Крыніцы[рэдагаваць | рэдагаваць крыніцу]
- ^ а б в Аляксандр Тамковіч. (2014-08-30) Рок-князёўна Кася Камоцкая(бел.). Новы час. Праверана 2021-02-07 г. Архіўная копія ад 2020-08-29 г.
- ^ Мартыненка В., Мяльгуй А. 222 альбомы беларускага року і ня толькі… — Мн.: БМАgroup, 2005. С. 299—301.
- ^ Мартыненка В., Мяльгуй А. 222 альбомы беларускага року і ня толькі… — Мн.: БМАgroup, 2005. С. 301—302.
- ^ Мартыненка В., Мяльгуй А. 222 альбомы беларускага року і ня толькі… — Мн.: БМАgroup, 2005. С. 302—304.
- ^ Будкін Сяргей, Сьвярдлоў Павал, Жбанкоў Максім. Залатыя дыскі беларускага рок-н-рола. Гурт Новае Неба
- ^ Д. П. ШЫРЫН ЛЕАНІД (Ширин Леонид, Shyryn Leanid) // Энцыклапедыя беларускай папулярнай музыкі / уклад. Дз. Падбярэзскі і інш. — Мінск: Зміцер Колас, 2008. — С. 340–341. — 368 с. — 2000 ас. — ISBN 978-985-6783-42-8
- ^ Д. П. КОРАНЬ ВЯЧАСЛАЎ (Корень Вячеслав, Koran Viachaslau) // Энцыклапедыя беларускай папулярнай музыкі / уклад. Дз. Падбярэзскі і інш. — Мінск: Зміцер Колас, 2008. — С. 141–142. — 368 с. — 2000 ас. — ISBN 978-985-6783-42-8
Заля славы беларускага рок-н-ролу па вэрсіі парталу «Тузін Гітоў» | ||
|---|---|---|
| Гурты |  | |
| Музыкі | ||
| Фэсты | ||