Кевін Костнэр

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Кевін Костнэр
Kevin Costner Césars 2013 3.jpg
Дата нараджэньня 18 студзеня 1955(1955-01-18)[1][2][3][4][5][6][7] (66 гадоў)
Месца нараджэньня Лінўуд, акруга Лос-Анджэлес, Каліфорнія, ЗША
Грамадзянства ЗША
Месца вучобы школа Буэна, школа Віла-Парку, школа Маўнт Ўітні і Унівэрсытэт штату Каліфорніі ў Фулертане
Занятак актор, актор кіно, кінарэжысэр, музыка, кінапрадусар, сьпявак, гітарыст, тэлеактор, аўтар-кампазытар і актор агучваньня
Жанры кантры
Дзеці Джо Костнэр і Лілі Костнэр
Узнагароды
IMDb ID nm0000126
Сайт http://kevincostner.com/

Ке́він Костнэр (па-ангельску: Kevin Costner; нарадзіўся 18 студзеня 1955 году) — амэрыканскі актор і рэжысэр. Уладальнік дзьвюх прыміяў «Оскар» і «Залаты Глёбус». Таксама на сваім рахунку актор мае прэмію «Эмі» і дзьве прэміі Гільдыі кінаактораў.

Біяграфія[рэдагаваць | рэдагаваць крыніцу]

Нарадзіўся ў Каліфорніі ў сям’і электрыка зь нямецкімі каранямі. На жаданьне бацькоў па сканчэньні школы Костнэр паступіў у Каліфарнійскі ўнівэрсытэт у Фулертане на катэдру маркетынгу і фінансаў. Тым ня менш, будучы актор мроіў аб кар’еры ў фільмах, наведваючы курсы акторскага майстэрства вечарамі. Працуючы ў сфэры маркетынгу, Костнэру прыходзілася працаваць дадаткова на розных працах, як то быць кіроўцам цяжкавікоў, гідам.

Костнэр пачаў сваю акторскую кар’еру зь фільму «Сызл-Біч, ЗША» (1981). Пасьля некалькіх нязначных добрных роляў ён стаў вядомым дзякуючы ролі Эліята Нэса ў фільме «Недатыкальныя» (1987). Пасьля гэтага пачаўся звышпасьпяховы пэрыяд у кар’еры, калі актор выканаў галоўныя ролі ў фільмах «Няма выйсьця» (1987), «Дарэмскі бык» (1988), «Поле мараў» (1989), «Танцы з ваўкамі» (1990), за якія ён атрымаў дзьве прэміі «Оскар», «Джон Ф. Кенэдзі. Стрэлы ў Даласе» (1991), «Робін Гуд: Прынц злодзеяў» (1991), «Целаахоўнік» (1992) і «Ідэальны сьвет» (1993). У 1995 годзе Костнэр быў адным з прадусараў і галоўным акторам у фільме «Водны сьвет», які быў самым дарагім на той час, то бок выдаткі фільмы склалі крыху больш за 170 мільёнаў даляраў[8][9]. Не зважаючы на заробленыя 264 мільёны даляраў з касавых збораў, фільм вельмі расчараваў сваім прыбыткам. У 1997 годзе Костнэр ужо сам зрэжысэраваў фільм, зьняўшы стужку «Паштальён»[10], які зусім ня меў посьпеху, нават не акупіўшы выдаткі. Далейшыя кінапраекты актору ня мелі вялікага попыту, і Костнэр стаў часьцей зьяўляцца на тэлевізіі. Сярод фільмаў у далейшыя гады актор зьяўляўся ў стужках, як то «Паведамленьне ў бутэльцы» (1999), «Страказа» (2002), «Моліна гульня» (2017), у апошнім зь якіх выконваў ролю другога пляну.

За выкананьне ролі Д’ябла Энса Гэтфілда ў мінісэрыяле «Гэтфілды і Макоі» (2012) актор атрымаў прэмію «Эмі» ў праймтайме за найлепшую мужчынскую ролю ў мінісэрыяле альбо фільме. З 2018 году Костнэр здымаецца ў драматычным сэрыяле «Елаўстоўн».

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]