Дзіця

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Дзяўчына
Хлопчык

Дзіця́чалавек, які не дасягнуў дарослага ўзросту. Узроставыя межы дзяцінства адрозьніваюцца ў розных культурах, тэорыях жыцьцёвага цыклю й юрыдычных сыстэмах. У агульным выпадку, дзіцем называюць чалавека ад нараджэньня да наступу плоцевай сталасьці. Дзяўчынка ёсьць дзіцяці жаночага полу, хлопчык - дзіцяці мужчынскага полу. Разьдзел мэдыцыны, прысвечаны дзіцячаму здароўю называецца пэдыятрыяй.

У беларускай мове існуе такая градацыя назваў дзіцяці ў залежнасьці ад яго веку: немаўля, малянё, хлопчык - дзяўчынка, падлетак, юнак/маладзён - дзеўчына/маладзіца.

Юрыдычны статус[рэдагаваць | рэдагаваць крыніцу]

Статут «дзіцяці» роўна як і «дарослага» вар'іруецца ў розных культурах і юрыдычных сыстэмах. У цяперашні час Канвэнцыя пра правы дзіцяці вызначае дзіцяці як чалавечую істоту, якая дасягнула васемнаццацiгадовага ўзросту. Пры гэтым нацыянальныя заканадаўствы маюць прыярытэт у дадзеным пытаньні.

Узрост паўналецьця[рэдагаваць | рэдагаваць крыніцу]

  • У большасьці краінаў паўналецьце надыходзіць з 18 гадоў.
  • Мінімальны ўзрост паўналецьця устаноўлены на Фарэрскіх выспах - 14 гадоў.
  • На Кубе паўналецьце надыходзіць з 16 гадоў

Беларусь[рэдагаваць | рэдагаваць крыніцу]

Паводле перапісу насельніцтва 2009 г., у краіне налічылі 1 758 911 дзяцей ва ўзросьце да 18 гадоў (18,5% насельніцтва Беларусі), у тым ліку 904 112 хлопцаў (51,4% дзяцей). У гарадах пражывалі 1 319 572 дзяцей (75% дзяцей), у тым ліку 677 742 хлопцаў (51,4% гарадзкіх дзяцей)[1]. 113 хлопцаў-падлеткаў 16—17-гадовага ўзросту былі жанатымі, зь іх 104 у 17-гадовым узросьце. 584 дзяўчыны 15—17-гадовага ўзросту былі за мужам, зь іх 439 у 17-гадовым узросьце[2]. На студзень 2012 г. у Беларусі налічвалася звыш 25 тыс. дзяцей, кінутых бацькамі без апекі[3] (1,4% дзяцей). За 2011 год да 40% правапарушэньняў у начны час (23:00-6:00) учынялі супраць дзяцей або самі дзеці[4].

Крыніцы[рэдагаваць | рэдагаваць крыніцу]

  1. ^ Насельніцтва паводле ўзросту і плоці (Перапіс насельніцтва Рэспублікі Беларусь 2009 году)(рас.) // Нацыянальны статыстычны камітэт Рэспублікі Беларусь, 6 жніўня 2010 г. Праверана 1 лютага 2016 г.
  2. ^ Мужчыны і жанчыны паводле стану ў шлюбе і ўзросту (Перапіс насельніцтва Рэспублікі Беларусь 2009 году)(рас.) // Нацыянальны статыстычны камітэт Рэспублікі Беларусь, 4 жніўня 2010 г. Праверана 1 лютага 2016 г.
  3. ^ Сьвятлана Барысенка. Каб было, як у іншых дзяцей // Зьвязда : газэта. — 19 студзеня 2012. — № 11 (27126). — С. 4. — ISSN 1990-763x.
  4. ^ Вольга Мядзьведзева. Не хадзіце, дзеці, на вуліцу гуляць // Зьвязда : газэта. — 20 красавіка 2012. — № 78 (27193). — С. 2. — ISSN 1990-763x.

Вонкавыя спасылкі[рэдагаваць | рэдагаваць крыніцу]

Commons-logo.svg Дзіцясховішча мультымэдыйных матэрыялаў